> 2009 mes’e argiolas 28 | ilMinuto

Archíviu de sa diri 28/07/2009

Apuntamentus de cras 29 de su mes”e argiolas

(IlMinuto) – Casteddu, 28 de su mes’e argiolas –
 
Boàtiri, 29-31 de su mes”e argiolas, Sagra de sa varnaccia

Biddanòa, Ceas Monte Minerva, “Lanterne nel bosco”: po si sciri orientai e po scoberriri su territoriu

Casteddu, 9.30, Lazzaretto, assemblea pubblica po chistionai de isviluppu e traballu

Casteddu, 10.30, via Roma a facc’e de su Consillu regionali, manifestazione indetta de Rdb Cub p0 su dirittu a sa domu

Crabònia, 19.00, “La Gabbianella fortunata”: atobiu cun Gennaro Migliore

Cuartuciu, 21.00, Casa Angioni, Balletto di Sardegna

Pauli, 21.00, giardinettus de via del Redentore, “Prestami una vita” – jam session

Iscanu, 21.00, prazza San Nicolò, celebrazioni de is 80 annud de s’Azione cattolica scanese

Casteddu, 22.00, prazza Savoia, “Brasibalanco”: unu viaggiu tra is sonoridadis de su samba-jazz

Roma, 22.00, Villa Ada, concertu de Elena Ledda Sestetto

Palau, 22.15, Fortezza Monte Altura, “Il giorno del giudizio”: reading de su romanzu de Sebastiano Satta

Dromos 2009: in Nurachi arribat Maceo Parker, su sassofonista de James Brown

(IlMinuto) – Casteddu, 28 de su mes”e argiolas – Su Dromos Festival arribat a Nurachi. Tra pagus oras, a is 22.00, in su Museu Peppetto Pau, at essi de scena su  funk de su gruppu de Maceo Parker – sassofonista cun James Brown -. Su concertu at essi precediu, a is 19.00, de s’inaugurazioni de sa mostra “Il limite contravvenuto” de Rachele Sotgiu. In s’esposizioni de sa giòvana artista sadra, chi trattat su tema de sa clandestinidadi, s’ant a podi osservai “gàbbias prenas de oggettus de domu sparzinaus in su spaziu museali”. Su museu Peppetto Pau esti stetiu allestiu in d’una domu campidanesa antiga.

Tàtari: protesta de is militantis de A Manca po dimandai sa libberazioni de Bellomonte

(IlMinuto) – Casteddu, 28 de su mes”e argiolas – Custu mangianu duus dirigentis de A Manca pro s’Indipendentzia si funt incadenaus a una ventana de su palazu de sa Provìnzia de Tàtari e ant postu unu striscioni cun iscritu “Bruno Liberu”. Is motivus de s’azioni de A Manca, fatta po protestai contra a s’arrestu de su dirigenti nazionali de su movimentu Bruno Bellomonte, funti stetius acraraus a sa Presidenti de sa Provìnzia de Tàtari Alessandra Giudici. “De su 10 de su mes”e làmpadas – si podit ligiri in d’una nota – su Stadu italianu at secuestrau su dirigenti de su movimentu nostru, Bruno Bellomonte, e a pustis de is primus diris, s’imprenta italiana e “sadra” (n.d.r.: no est custu cussu chi at fattu IlMinuto) at fattu calai una mudesa meda grai asuba de sa cosa, no cunsiderendi is numerosas protestas, is comunicaus, is cuferénzias de imprenta e is àteras cosas fattas in solidariedadi a Bruno”. In praza d’Itàlia àterus militantis ant donau bolantinus po ispiegai a totus su sensu de s’azioni.

Soziedadi: 30 milionis po cuntrastai sa poberesa

(IlMinuto) – Casteddu, 28 de su mes”e argiolas – 30 milionis de risorsas de dividi a is comunus de sa Sardigna po intervenni e cuntrastai sa poberesa. Est cantu donat sa Giunta regionali cun d’una delibbera de is diris passadas. Su dinai at essi utilizzau po donai sussidius a chini bivit in condizionis de poberesa azertada, po contribuiri a s’abatimentu de is costus essenzialis de sa vita e po podi creai su serbiziu civicu comunali.

"Uranio impoverito": Cgil, in Teulada e Bidda de Putzu assembleas po is recumpensas de is damnus

(IlMinuto) – Casteddu, 28 de su mes”e argiolas – Oi, a is 16.00, in Teulada, in sa saba de is reunionis de sa Cgil, in viale Umberto 1, ddoi at essi un’assemblea pubblica po ispiegai su provvedimentu de lei de su 6 de su mes”e maju, chi previdit sa possibbilidadi de donai una recumpensa po damnus a chini (sordaus o civilis) s’est ammaladiau po mori de s’”uranio impoverito” o de aterus metallus radioattivus. Ddu fait sciri cun d’unu comunicau s’uffìziu stampa de sa Cgil. S’iniziativa at a torrai cras in Bidda de Putzu, sempiri a is 16, in sa saba consillari de su Comunu, in Piazza Marconi.