> 2009 mes’e argiolas 29 | ilMinuto

Archíviu de sa diri 29/07/2009

Apuntamentus de cras 30 de su mes”e argiolas

(IlMinuto) – Casteddu, 29 de su mes”e argiolas –

Sìnnia, de su 30 de su mes”e argiolas a su 5 de su mes”e austu, Festival internazionali de su Folklori

Santa Margherita di Pula, Is Molas, Coppa estate 18 buche de Golf

Musei, 17.30, biblioteca, “30 anni di biblioteca”: letturas musicadas po is pippius

Palau, 18.00, cortili prazza Fresi, laboratoriu de giogu creativu po pipius

Bosa, 21.00, libreria “T con zero”, presentazioni de su liburu “S’accabbadora” cun s’autrice Michela Murgia

Villa Verde, 21.00, prazza, rassegna “La notte, il cinema, la luna”: proiezionei de “The millionaire”

Casteddu, 21.00, parcu de  Monteclaro, rassegna “Non solo noir”: proiezioni de Proibito de Mario Monicelli

Bànari, 22.00, Sardinia Reggae Festival

Nurachi, 22.00, museu Peppetto Pau “Ma-an” cuncertu de beneficienza

po agiudai su comitau Rudi onlus

Dromos 2009: in su museu Pau de Nurachi su "Koroboro rock" de su Mali

(IlMinuto) – Casteddu, 29 de su mes”e argiolas – Su “Koroboro rock” fait tappa in Nurachi. Custumerì a is 22.00  su museu Peppetto Pau at a biri – po su Dromos festival – sa performance de is sonoridadis elettricas “made in Mali” de su gruppu de Vieux Farka Tourè. Su chitarrista e cantanti at a presentai is branus de s’album nou “Fondo”.

Cgi, Cisl e Uil: "Torrai a chistionai de sa vertenza Sardigna"

(IlMinuto) – Casteddu, 29 de su mes”e argiolas – “Torrai a chistionai de is vertenzas de is territorius de sa Sardigna in d’unu clima unitariu”. Custu est s’obbiettivu chi at portau Cgil, Cisl e Uil a convocai s’assembrea pubblica chi s’est tennia custu manginau in su Lazzaretto de Sant’Elia, in Casteddu. In su palcu de sa saba cunvegnus si funt alternaus is leaders de is sindacaus confederalis, de sa Regioni e de is entis localis. Totus is interventus funti stetius concordis in su giudiziu po su mancau stop de su petrolchímicu de Pòrtu Turre comenti dd’ant definiu unu “primu risurtau”. De sa Cgil est arribbada a sa classi politica regionali sa rdimanda de fai “sciòpirus concretus po bessiri de sa crisi de su sistema economicu”.

Fogus: Prc, sfasciau su sistema de prevenimentu

(IlMinuto) – Casteddu, 29 de su mes”e argiolas – “De parti de sa Regioni no ddoi esti stetia una strategia de prevenimentu, de prontu interventu e de cordinamentu de is diversas forzas in campu. Su sistema de avértia e de lota de is fogus, chi in is annus passaus iat redùxiu a su mínimu istoricu sa abbilénzia de fai cosas medas malas  fillas de su fogu, esti stetiu leteralmenti sfasciau”. Cun custus fueddus su Segretariu regionali de su Prc, Gianni Fresu, dinunziat cussas chi po cussu funt is responsabbilidadis de sa Regioni po is piras chi in is diris passadas ant destruiu s’Isola. “Immoi is mezus de agiudu aereu – sighit s’esponenti de su Prc – depint arribbai de Ciampinu candu su fogu at sighiu is duus chilómitrus de mannària”.

Massaria: sit in de sa Cia a fac’e de su Consillu regionali

(IlMinuto) – Casteddu, 29 de su mes”e argiolas – Su riconoscimentu de sa pesanti crisi soziali e economica de su territoriu e sa definizioni de su Pianu decisivu po “is massarias e po is ruralidadis”. Funt scéti algunas de is rischiestas de circa 200 massajus de sa Cia de sa provìnzia de Casteddu chi custu mangianu ant manifestau a facc”e sa sedi de su Consillu regionali in via Roma. Tra is chistionis urgentis de risolviri rivolgias a sa Regioni de sa “Confederazione italiana agricoltori” ddoi funt sa “suspensioni po duus annus assumancu de is mùtuus agrarius” e sa possibbilidadi de podit “differriri su càrrigu contributivu e previdenziali”.