> 2009 mes’e argiolas | ilMinuto - Part 2

Archìviu de mes'e argiolas 2009

Pàgina 2 de 50

Ispettaculus: Arbatassa, Mereu e Pau po sa rassegna "Cal’a cinema"

(IlMinuto) Casteddu, 31 de su mes”e argiolas – At essi su regista Salvatore Mereu a presentai “Sonetaula” custumerì a is 21.00 in sa Caletta Genovesi de su portu de Arbatassa. A s’opera de Mereu est dedicada sa segunda serada de sa rassegna “Cal’a cinema”, organizzada de s’associazioni culturali Musika Surda. Sa manifestazioni, dedicada a is giòvanus autoris sadrus, s’at a accabbai cras cun sa proiezioni de “Jimmy della collina” de Enrico Pau. Puru Pau at a partecipai a s’iniziativa chi si tenit in su portu ogiastrinu. “La Caletta Genovesi -  si podit liggiri in d’una nota – est zertamenti unu logu stranu po una proiezioni, ma est s’ultimu arranconi de su portu incontaminau, cussu chi mantenit unu segnu visìbili de istorica memoria”.

Paesaggiu : Amici della Terra e Gig, "Unu cumplessu de albergus in Santa Reparata?"

(IlMinuto) Casteddu, 31 de su mes”e argiolas – Arribbant “mattonis e ciumentu puru in s’ultima riba de Santa Reparata”, a pagus chilometrus de Buddusò? Est cantu dimandant cun d’una “pregunta de informazionis po s’ambienti” is “Amici della Terra” e su “Gruppo di intervento giuridico”. Sa pregunta – indirizzada a su Ministru de is Beni culturali, a s’Assessori regionali a s’Urbistica e a ateras autoridadis cumpetentis – riguardat sa costruzioni de unu cumplessu de albergus de casi 10milla metrus cubus. Is associazionis ant arregortu is segnalazionis de turistas e residentis preoccupaus. Su territoriu est perou tutelau de is limitis de lei. “Su logu – si podit liggiri in su blog de su ‘Gruppo di intervento giuridico’ – est tutelau cun d’unu vinculu paesaggisticu, e sa fascia de 300 metrus est protegia de su vinculu de conservazioni integrali (lei regionali 23/93)”.

Po ndi sciri de prus:
 
http://gruppodinterventogiuridico.blog.tiscali.it/

Concertus: Sestu, arribat su progressive de is Der Graaf Generator

(IlMinuto) – Casteddu, 31 de su mes”e argiolas – Apuntamentu cun s’istoria de su rock custumerì in Sestu. A is 22.00, in prazza Primo Maggio, ddoi ant essi is Van Der Graaf Generator, una tra is band prus importantis de su progressive. Sa band de Peter Hammil – fundada un’atera borta in su 2004 a pustis de medas annus de ausenzia – at a sonai puru is pezzus de s’ultimu album “Trisector” (2008). Sa presenzia de is Van Der Graaf Generator confirmat su valori internazionali de sa rassegna organizzada de su comunu de Sestu e de s’associazioni Mediteuropa.

Facebook: "Io sostengo Carlo Serra", grupu de solidariedadi a su "sindacalista carellau po at isciopirau"

(IlMinuto) – Casteddu, 31 de su mes”e argiolas – “Io appoggio Carlo Serra”. Est custu su nòmini de su grupu creau in su social network Facebook po difèndiri su sindacalista Flaica Cub Sardegna “carellau po at isciopirau”. In custus annus Serra esti stetiu a capu de medas movimentus sindacalis in sa sedi Carrefour de Cuartu Sant’Alèni. Sa primu adesioni a su grupu bidi finzas su nòmini de s’ex parlamentari europeu Vittorio Agnoletto. “Su 23 de su mes”e marzu 2007 – si podit liggiri in sa descrizioni de s’iniziativa  – Carlo Serra, pighendi is difesas de una cassiera in períodu de allattamentu, chi s’est sezzida acanta a is cassas e po custu motivu esti stetia pirendia, at organizzau unu sciòpiru cun pagu tempus de preavvisu. A custu est sighiu s’accumpangiamentu in caserma e se dinùnzia de is Carabinieris po at amelazzau cun violenzia is militaris”. Serra, chi definit is accusas “senz”e fundamentu”, esti stètiu cundennau a pagai una multa de casi 3milla eurus e at dèpiu donai is dimissionis de s’ingarrigu de segretariu provinziali de sa Flaica Cub de Casteddu.

Apuntamentus de oi

(IlMinuto) – Cagliari, 31 luglio –

Siddi, Sagra de is maccarronis fibaus

 Baunei, festeggiamenti in onore di Sant’Antioco

 Lanusei, sfilata di Boes e Merdules di Ottana

 Guspini, 19.00, The Sleepwalkers club, Here I stay Festival

 Villanova Monteleone, 20.00, spiaggia Pogliana, “Onda tour”:

concerto

Sanluri, 20.30, agriturismo “su Stai”, “Sa notti de s’accabbadora”

Cagliari, 21.00, Anfiteatro romano, 21.00, concerto dei Negrita

Bosa, 21.00, piazzale Cappuccini, “I primi passi della moda”

Argentiera (Sassari), 21.00, “Sulla terra leggeri”: Matteo B. Bianchi

 incontra Geppi Cucciari

Palau, 21.30, piazza Due Palme, memorial “Palau & friends”

Osilo, 22.00, Osilo Festival: concerto per lo “Stop al nucleare”

Sestu, 22.00, piazza Primo maggio, “In progress…one Festival”:

concerto dei Van Der Graaf Generator

Banari, 22.00, Sardinia Reggae Festival

Scano Montiferro, 22.00, viale San Giorgio, ballo liscio e latino a

cura dell’associazione “Fantasy”

Ossi, 22.00, piazza, Papa Winnie e Zaman in concerto

Galtellì, 22.00, parco comunale, gruppo folk Nugoresas

Guspini, 23.55, The Sleepwalkers club, Arpxo Dj set