> mes’e austu « 2009 « ilMinuto – notizie Mediterranee – edizione Sardegna

Archìviu de mes'e austu 2009

Apuntamentus de cras 1 de su mes”e cabudanni

(IlMinuto) – Casteddu, 31 de su mes”e austu -

Orosèi, 1-22 de su mes”e capbudanni, sagra della Madonna dei rimedi

Ollolai, festa campestri de Santu Basili

Tinnura, 21.00, prazza del Sole, Un’estadi a su cinema: proiezioni de su film “Il colore viola”

Cuartuciu, 21.00, ex casa Angioni, esòrdiu de “L’uomo che sognava gli struzzi”, concertu per boxis narrantis. De Bepi Vigna

Sant’Anna Arresi, 21.00, prazza del Nuraghe, “Ai confini tra Sardegna e Jazz” – The Hungry March band in concertu

Ispettaculu: s’esòrdiu de "L’uomo che sognava gli struzzi" de Bepi Vigna

(IlMinuto) – Casteddu, 31 de su mes”e austu – “L’uomo che sognava gli struzzi”. Est custu su titulu de sa produzioni noa de “Il Crogiuolo”, chi at essi in scena cras in Cuartuciu (ex Casa Angioni, 21.00) po torrai a andai in iscena in Ogiastra in is prossimas diris. Scrittu de Bepi Vigna, “L’uomo che sognava gli struzzi” est unu concertu po attoris, interpretau de Rita Atzeri cun is musicas de su Nat Trio. S’opera torrat a percùrriri s’istoria de un’imprenditori de s’allevamentu de is istruzzus: su cavalieri Peppino Meloni, s’attividadi de su cali est andada innantis cun successu in Tortuelie de su 1910 a is annus Trinta. “Cussa de Meloni – si podit liggiri in d’una nota – est un’importanti testimonianza de sa vocazioni imprenditoriali de unu territoriu e, a su propriu tempus, una vicenda chi, po sa propriu particularidadi, tenit unu valori universali chi podit costituiri unu validu insegnamentu po is generazionis noas”.

Sa massaria sadra in sa lenti de ingrandimentu de s’Europa

(IlMinuto) – Casteddu, 31 de su mes”e austu – S’Europa controlorat su stadu de saludi de sa massaria sadra. Su 24 e su 25 de su mes”e cabudanni su “Commissario europeo per lo Sviluppo rurale e l’Agricoltura”, Mariann Fischer Boel, at essi in s’isola po fai un’analisi de su ‘Casu Sardigna’. “Sa bisita de sa Boel – narat s’assessori regionali Andrea Prato – est un’oppurtunidadi meda importanti e dda depeus arregolliri po fai conòsciri a s’Unioni europea su cursu nou de sa massaria nostra, e prusetotu po scoberriri calincuna aspettativa istorica e importanti de sa massaria ‘e totu”.

Prezius: Casteddu, in su mes”e austu is prezius aumentant de su 0,7 po centu

(IlMinuto) – Casteddu, 31 de su mes”e austu – Aumentu meda mannu de is prezius in sa cittadi de Casteddu. A cantu narant is datus difundius de su “Servizio Informatica e Statistica” de su Comunu, in su mes”e austu su costu de sa vida est aumentau de su 0,7 po centu, cun d’un’incrementu de su 1,7 in is ultimus cincu mesis. In custu mesi is aumentus prus importantis funti stetius registraus po is serbizius de accoglienzia, po sa cos’e pappai (+1,7 per cento) e po is trasportus (+2,6). A sa facc”e sa crisi.

Cinema: A Marcias su ""Tumbarino d’argento". Su regista de Aristanis at chistionau cun IlMinuto de su prossimu traballu

(IlMinuto) – Casteddu, 31 de su mes”e austu – Riconoscimentu nou po “Un attimo sospesi”. S’ultimu film de su regista de Aristanis Peter Marcias esti stetiu premiau sàbudu in su “Festival del Cinema italiano” de Gavoi cun su “Tumbarino d’argento”. Su regista, chi bivit a traballat in Roma, at casi finiu un’ateru traballu. “Seu finendi – at nau Marcias a IlMinuto – su montaggiu de unu documentariu intitulau ‘Liliana Cavani, una donna del cinema’. Unu progettu a su cali seu meda legau, poita chistionat de una de is prus bravas e conoscias registas italianas in su mundu”.