> 2009 mes’e austu 03 | ilMinuto

Archíviu de sa diri 3/08/2009

Apuntamentus de cras 4 de su mes”e austu

(IlMinuto) – Casteddu, 3 de su mes”e austu -

Casteddu, 18.00. riunioni de su Consillu comunali

Casteddu, 18.00, Consillu regionali,  atobiù de su movimentu Master and Back cun sa Commissione Politiche comunitarie

Casteddu, 21.30, Anfiteatru romanu, “Vilipendio” de Sabina Guzzanti

Terranòa, 22.00, concertu de is Tazenda

Pd: Sardigna, cursa a cuatru po sa Segreteria de su partidu

(IlMinuto) – Casteddu, 3 de su mes”e austu – In Sardigna funt cuatru is candidaus a sa Segreteria regionali de su Pd. S’ex segretariu regionali de sa Cgil Giampaolo Diana e su Consilleri regionali Silvio Lai currint po sa mozioni Bersani. S’ex segretaria regionali, Francesca Barracciu, cun s’acozu de Renato Soru – currit cun sa mozioni Franceschini. Carlo Balloi, médicu e síndigu de Loceri, est su candidau de sa mozioni Marino, acozada tra is aterus de su Presidenti de sa Provìnzia de Casteddu Graziano Milia.

Greenpeace: appellu contra su transitu de is sustanzias perigolosas in is "Bocche di Bonifacio"

(IlMinuto) – Casteddu, 3 de su mes”e austu – Vietai su transitu de is sustanzias perigolosas in is “Bocche di Bonifacio” classifichendi custu tretu de mari comenti “area meda sensibili”. Est custu unu de is puntus fortis de s’appellu chi s’associazioni ecologista Greepeace at a mandai oi a is Ministrus de s’Ambienti de Francia e Italia. S’appellu at essi firmau in sa navi Rainbow Warrior, in Bonifacio, de is sindigus de is Comunus sadrus chi s’agatant a facc’e is “Bocche”.

Master and Back: Ineichen, "Non ddoi funt acordus cun entis privaus"

(IlMinuto) – Casteddu, 3 de su mes”e austu – “No ddu est nesciunu acordu tra s’”Agenzia del Lavoro” e is entis privaus o is universidadis po su Master and Back, s’”Alta Formazione” in particolari. Is unicas notizias ufficialis funt cussas pubblicadas in su situ de sa regioni”. Dd’at nau su responsabili unicu de su progetu Master and Back Giovanni Ineichen – custu mangianu in sa confèrenzia stampa de su movimentu Mater and Back- commentendi is pubblicidadis de entis chi parrint garantiri a is iscrittus su finanziamentu de is cursus atressu su Master and Back. Su “Capo di Gabinetto” de sa presidenza de sa Regioni Giandomenico Sabiu – inaspettatamenti presenti a s’incontru cun sa stampa – at nau: “Custu no ddu scidiu”.

Movimentu Master & Back: "Bolleus tempus certus po sa pubblicazioni de is bandus po is back e is tirocinius"

(IlMinuto) – Casteddu, 3 de su mes”e austu – Tempus segurus po sa pubblicazioni de is bandus Master and Back 2009 po is back e is tirocinius. Est cantu ant dimandau a sa Giunta regionali is rappresentantis de su movimentu Master & Back cun d’una conferènzia stampa convocada custu mangianu in su Caffè delle Arti, in Casteddu. Cras a is 18.00 is “masterizzandi” ant a tenniri s’occasioni de espòniri is arrexionis insoru a fac”e sa “Commissione Politiche comunitarie” de su Consillu regionali. Sa pubblicazioni de su bandu, annunziada po sa fini de su 2008, s’est tenta, scéti parzialmenti, in su principiu de su mes”e argiolas. S’”Agenzia regionale del Lavoro” – si podit liggiri in is documentus presentaus de su movimentu – iat annunziau cantu sighidi cun d’una mail spedia su 19 de totussantus: “Su bandu nou de Master and Back at essi pubblicau cun meda probabilidadi no prus a tradu de sa fini de su 2008″. S’avvisu pubblicu po s’Alta Formazione esti stetiu pubblicau scéti su 7 de su mes”e argiolas. No dd’est notizia po is tirocinius, is back e po sa formazioni artistica post-lauream.
“In calincunu casu – narat Mario Gottardi de su movimentu – funti stetius refudaus aterus traballus, poitta seus stetius bloccaus de sa tanti disigiada pubblicazioni de su bandu, sa vida de custa genti esti stetia condizionada de su ritardu de custu bandu”. Totu custu at fattu oltrepassai a genti meda s’edadi massima po podi presentai sa domanda po s’Alta Formazione: 35 annus. Po custu su movimentu Master & Back dimandat de aumentai de un’annu su limiti d’edadi po podi partecipai a su bandu po is tirocinius e a s’avvisu nou po s’Alta Formazione annunziau de sa Giunta in attòngiu.