> 2009 mes’e austu 04 | ilMinuto

Archíviu de sa diri 4/08/2009

Apuntamentus de cras 5 de su mes”e austu

(IlMinuto) – Casteddu, 4 de su mes”e austu -

Senobrì, Festa de Santa Mariedda

Civitanova Marche, ispettacolo de ballus sardrus de sa pro loco de Mamujada

Santa Margherita di Pula, Is Molas, Trofeu “Piero Gros” de golf 18 buche

Iersu, 17.30, Museo etnografico,  Festival dei tacchi: progetto migranti “Sorella vigilante”

Crabònia, 19.00, Monte Sirai, “Carbonia al tramonto”: fabbrica artigiana de fotografia

Sant’Antiogu, 20.00, prazza Repubblica, “Staffetta di donne contro le violenza sulle donne”

Iersu, 21.30, Cantina antichi poderi, Festival dei tacchi: “In su monte Gonare a siren sings”

Biddanòa, 21.00, cortili de sa Domo manna, presentazione de su liburu “La Sardegna di dentro, la Sardegna di fuori” de Giacomo Mameli

Crabònia, 21.30, miniera de Serbariu, Renzo Arbore e l’Orchestra italiana in concertu

Iscanu, 22.00, viale San Lorenzo, ballu lisciu e latino americano

Palau, 22.15, riba Palau Vecchio, narrazioni musicali de su “Disertore” de Giuseppe Dessì cun Gianluca Medas e Andrea Congia

Sanidadi: Lai (Pd), "is diretoris de se Asl andat valutaus po su traballu insoru. No a is caminus curzus"

(IlMinuto) – Casteddu, 4 de su mes”e austu – “No seu po una difesa a escludendi de is diretoris generalis de is Asl sadras ancora in carriga. Issus depint essi valutaus a solus po essi arribbaus a is obbietivus afidaus”. Aici su consilleri regionali de su Pd Silvio Lai cummentat s’emendamentu a su “collegato” a sa Finanziaria regionali chi previdit s’aviu de una riforma de su sistema sanitariu regionali “finalizzau – sustènit su candidau a sa segreteria regionali – a sa stresiada de is diretoris generalis de is Asl”. “Est sbagliau – sighit Lai – tentai de nominai diretoris generalis nous primu de su tempus e cun caminus curzus, poita totus is tentativus fattus in ateras regionis si funt sciusciaus in is tribbunalis e cun costus grais po sa colletividadi”.

Istruzioni: in su mes”e cabudanni su primu "borsino" de is "Fattorie didattiche"

(IlMinuto) – Casteddu, 4 de su mes”e austu – Sa massaria bintrat in s’iscola. Su primu “borsino” de is “Fattorie didattiche” de sa Sardigna at a permìttiri de individuai is operadoris chi ant a fai is percursus didatticus chi integrint s’offerta formativa de s’annu scolasticu 2009-2010. S’apuntamentu, un’atobiu obertu a is iscolas e a is aziendas, s’at a tenni s’11 de su mes”e cabudanni in Casteddu, in sa sedi de s’”Istituto tecnico Agrario Duca degli Abruzzi”. Ant a podi participai is maistus de is iscolas de dognia ordini e gradu. 24 aziendas de sa provìnzia de Casteddu ant essi selezionadas e postas in s’Albu regionali de is “Fattorie didattiche”. Is iscrizionis a s’eventu, aprontau de s’Agenzia Laore e de s’”Ufficio scolastico provinziali”, andant presentadas no prus a tradu de su 20 de su mes”e austu. (www.sardegnaagricoltura.it).

Ambienti: Goletta Verde, "Ddoi funt alternativas a su nucleari"

(IlMinuto) – Casteddu, 4 de su mes”e austu – Su tour de Goletta Verde est po Legambiente un’occasioni in prus po arremacciai in dognia tappa su no a su nucleari in Sardigna. De cust’argomentu s’est chistionau ariseru a merì in d’unu atóbiu intitolau “Per il clima, contro il nucleare” aprontau in sa navi de Goletta Verde, in su portu de sa Marina de Baunei. Po s’iniziativa ant participau, tra is aterus, sa direttrici de Legambiente Sardigna, Carla Migoni, e su sindigu de Baunei Adriano Barca. “No scéti custu – si podit liggiri in d’una nota de s’associazioni – a oi abarrant senza soluzioni is chistionis de sa seguresa e de is ferrinas de is centralis nuclearis. A su nucleari ddoi funt alternativas seguras, efficacis po creai energia pulia”.

Domu: Casteddu, non prus a tradu de s’11 de su mes”e austu si depint presentai is dimandas po is contributus de affittu

(IlMinuto) – Casteddu, 4 de su mes”e austu – Is cittadinus residentis in Casteddu tenit ancora pagus diris po podi presentai sa dimanda po su contributu mensili po s’affittu de sa domu. Sa documentazioni andat presentada (o spedia) no prus a tradu de s’11 de su mes”e austu in s’”Ufficio protocollo generale” de su Comunu, in via Crispi o in is sedis de is circoscrizionis. Podint participai is residentis in Casteddu chi tengant unu cuntrattu de affittu “po sa primu domu”.