> 2009 mes’e austu 05 | ilMinuto

Archíviu de sa diri 5/08/2009

Apuntamentus de cras 6 de su mes”e austu

(IlMinuto) – Casteddu, 5 de su mes”e austu –

Civitanova Marche, esibizioni de su gruppu de ballu de sa Pro loco de Mamujada

Santa Margherita di Pula, Is Molas, F&B cup 18 buche de Golf

Gonnesa, 18.00, Punta Beach, sport e musica in sa riba

Gèsigu, 18.15, Festa dell’emigrau: Inaugurazioni de sa mostra de is “mediatori di pace”

Gàiru, 18.30, stazioni, Festival dei tacchi: “Ryunio, la figlia del drago” cun Antonello Dose

Crabònia, 19.00, monte Sirai, “Carbonia al tramonto”: fabbrica artigiana dei fotografia

Casteddu, 21.00, Anfiteatru romano, concertu de Giusy Ferreri

Alighera, 21.00, Anfiteatru Maria Pia, Claudio Baglioni in concertu

Casteddu, 21.00, parcu de Monteclaro, rassegna cinematografica Non solo noir: proiezioni de “Zazie nel metrò”

Ulassa, 21.00, Stazione dell’Arte, Festival dei tacchi: “Terra”, lettura cun Massimo Somaglino

Ulassa, 22.00, Stazione dell’Arte, Festival dei tacchi: “Racconti del giugno”, cun Pippo Delbono

Iscanu, 22.00, prazza Montrigu ‘e Reos, rassegna de cantu a tenore

Borsas de istudiu: sa provìnzia de Casteddu premiat is tesis prus bellas chi chistionant de sa paridadi de sa femina

(IlMinuto) – Casteddu, 5 de su mes”e austu – Sa provìnzia de Casteddu at a premiai cun d’una borsa de 500 eurus is 12 tesis chi chistionant mellus de su tema de is “pari opportunità” e de sa valorizzazioni de sa femina in sa sociedadi. Is tesis depint essi stetias discutias in is facoltadis de s’Universidadi de Casteddu in is annus 2005/2006, 2006/2007, 2007/2008, 2008/2009. Is dimandas de partecipazioni a su cuncursu depint arribbai in su centru “Parità” de sa provìnzia de Casteddu, in via Giudice Guglielmo 46, no prus a tradu de su 31 de su mes”e paschixèdda.

Traballu: provìnzia de Casteddu, seti precarius ocupant s’ufíciu de s’assessori Tolu

(IlMinuto) – Casteddu, 5 de su mes”e austu – Custu Mangianu seti precarius de su serbìziu de spurgazioni ant ocupau s’ufíciu de s’assessori provìnziali de s’”Ambiente” Ignazio Tolu: pedendi s’immediata istabilizzazioni cun su dinai donau de sa Regioni po agiudai su precariau. Is ocupantis, organizzaus de totu, funt dispostus a abarrai in is ufíciu de sa Provìnzia po tempus meda.

Nascit su "Tavolo Agricolo Economico Sardo", "un’istrumentu po cumbatti sa crisi"

(IlMinuto) – Casteddu, 5 de su mes”e austu – “Cumbattai unius is chistionis de sa massaria de sa Sardigna e individuai soluzionis e propostas chi fazant de stimulu po su Guvernu regionali”. Cun custus obiettivus sa Confagricoltura, sa Cia, sa Copagri, s’Agci, sa Confcooperative e sa Lega Coop ant aprontau su “Tavolo Agricolo Economico Sardo”. Su progetu esti stetiu presentau oi cun d’una conferènzia stampa in Casteddu. “Est necessàriu – at nau Sergio Cardia de s’Agci – superai is distinzionis po circai totus impari de costruiri is arrespustas a sa crisi de sa massaria”. Tra is primus propostas de su “Tavolo” ddoi funt s’agiudu po donai crèditu a is massaius e sa “sburocratizzazione” de s’amministrazioni regionali chi tenit sa culpa de essi tarda e pagu efficienti. Finzas a oi sa Coldiretti no at addiriu a su progetu.

Goletta Verde: imbruttamentu de is foxis de su rio Manno e Sarrala, sa Sardigna si confirmat "reina de su mari puliu"

(IlMinuto) – Casteddu, 5 de su mes”e austu – Is foxis de su rio Mannu, a Pòrtu Turre, e de Sarrala, in Ogiastra, funti meda bruttas. Est custu su risultau de s’osservazioni fatta in su 2009 de Goletta Verde. Ocannu s’associazioni ambientalista s’est concentrada po s’esamini de is territorius prus criticus e chi tenint bisongiu de prus controllus. Legambiente at puru esaminau is foxis de su Thiniscòle e de su Coghinas, mancai in custus logus ddoi siat un’imbruttamentu prus pagu artu de cantu previdiu de sa lei. A parti custas quattru mancias nieddas, po Legambiente su stadu de saludi de su mari sadru est meda bonu. Po unu totali de 71 comunus costeris 35 funti stetius inserius tra is logus premiaus in sa “Guida Blu” 2009. “Considerendi sa mannària de sa Sardigna e is 1.731 km de costas – at nau su responsabili scientificu de s’associazioni Stefano Ciafani – in totali is datus de s’osservazioni de Goletta Verde podint essi consideraus positivus, nonostanti sa purificazioni non siat appostu. Is quattru foxis imbruttadas funt su signu de una purificazioni ancora insuficenti, massimamenti in is territorius de s’internu, chi cumprendit scéti su 68 po centu de sa popolazioni sadra”.