> 05 « mes’e austu « 2009 « ilMinuto – notizie Mediterranee – edizione Sardegna

Archíviu de sa diri 5/08/2009

Pàgina 2 de 2

Giunta Regionali: s’assesori "del lavoro" abbandonat s’icumbènzia

(IlMinuto) – Casteddu, 5 de su mes”e austu – A pagu prus de sesi mesis de vida atera acuntéssia in sa Giunta Cappellacci. A pustis de s’istaffeta Simeone-Oppi a s’”Ambiente”, ariseru esti stetia s’assessori regionali “del Lavoro”, Valeria Serra, a abbandonai s’incumbènzia. S’assessorau at a andai a su presidenti de sa Regioni.

"Collegato" a sa Finanziaria: aprovau s’emendamentu po sa Sanidadi

(IlMinuto) – Casteddu. 5 de su mes”e austu – Esti stetiu aprovau s’emendamentu a su “collegato” a sa Finanziaria chi ponit unu cummìsariu a is Asl e torrat a disignai sa sanidadi de s’Isola. S’oposizioni, chi at definiu “unu corpu basciu” s’emendamentu, esti bessia de s’àula in su momentu de su votu.

Alzheimer: in Tàtari sighit s’attividadi de su "Centro sperimentale". Circa 200milla is malàdius in provìnzia

(IlMinuto) – Casteddu, 5 de su mes”e austu – Su “Centro sperimentale Alzheimer San Camillo” de Tàtari at a podi sighiri sa propriu attividadi. In in diris passadas sa Asl turritana at prorogau su cuntratu chi donat sa gestioni de s’istruttura de s’”Associazione Alzheimer”. Attualmenti su centru, attivu de su 2007, segundu cantu previdiu de su pianu sanitariu regionali donat dognia diri assistenzia a 18 maladius e – cosa importanti – donat sustegnu psicologicu a is familias de is pazientis. In sa provinzia de Tàtari funt circa 2milla is maladius corpius de custu mali. “In Sardigna – si podit liggiri in d’una nota de sa Asl – funt sempiri de prus is casus de “demenza senile” e de Alzheimer. Is chistionis de is personas corpias e de is familias insoru funt cumplicadas e necessitant una valutazioni idonea, fatta de medicus e applicaus cun sa collaborazioni de is familias.

Unu cuncursu letterariu po arregordai Giovanna Cerina

(IlMinuto) – Casteddu, 5 de su mes”e austu – At essi pubblicau po attòngiu su bandu de su cuncursu letterariu dedicau a Giovanna Cerina. Ddu previdit una delibera de s’Enti regionali po su Dirittu a su studiu universitariu. Cun custa iniziativa s’Ersu bollit arregordai su valori de sa figura de sa professoressa Cerina, is calidadis de intellettuali e de maista e s’impegnu politicu de is ultimus annus. Giovanna Cerina fut elìgia in Consillu regionali po sa XIII legislatura in su “listino” de Renato Soru.

Apuntamentus de oi

(IlMinuto) – Casteddu, 5 de su mes”e austu -

Senobrì, Festa de Santa Mariedda

Civitanova Marche, ispettacolo de ballus sardrus de sa pro loco de Mamujada

Santa Margherita di Pula, Is Molas, Trofeu “Piero Gros” de golf 18 buche

Iersu, 17.30, Museo etnografico,  Festival dei tacchi: progetto migranti “Sorella vigilante”

Crabònia, 19.00, Monte Sirai, “Carbonia al tramonto”: fabbrica artigiana de fotografia

Sant’Antiogu, 20.00, prazza Repubblica, “Staffetta di donne contro le violenza sulle donne”

Iersu, 21.30, Cantina antichi poderi, Festival dei tacchi: “In su monte Gonare a siren sings”

Biddanòa, 21.00, cortili de sa Domo manna, presentazione de su liburu “La Sardegna di dentro, la Sardegna di fuori” de Giacomo Mameli

Crabònia, 21.30, miniera de Serbariu, Renzo Arbore e l’Orchestra italiana in concertu

Iscanu, 22.00, viale San Lorenzo, ballu lisciu e latino americano

Palau, 22.15, riba Palau Vecchio, narrazioni musicali de su “Disertore” de Giuseppe Dessì cun Gianluca Medas e Andrea Congia

Atzàra, 21.00, prazza San Giorgio ispettaculu de burrattinus: “Cappucetto rosso: la terribile bambina sarda”