> 2009 mes’e austu 06 | ilMinuto

Archíviu de sa diri 6/08/2009

(Italiano) Appuntamenti di domani 7 agosto

(IlMinuto) – Casteddu, 6 de su mes”e austu -

Tolpè, Festa de su Patronu de sa frazioni de Brunella

Civitanova Marche, esibizioni de su grupu de ballu de sa Pro loco de
Mamujada

Santa Margherita di Pula, Is Molas, Grand prix circuit de Golf

Utieri, 18.00, ex conventu de San Francesco, Terre sonore: concertu
“dell’ensemble Cinque Cori”

Osini, 18.30, crèsia de Santa Susanna, Festival dei Tacchi: “Mai morti” – lettura cun Renato Sarti

Seddori, 19.00, sala Montegranatico, Piero Ricca presentat su liburu
“Alza la testa”

Iersu, 19.30, prazza de su comunu, “Qui comincia la storia” de Celso e Frana

Murèra, 21.00, Torre dei cavalli, the Booze Party, concertu de musica garage e rockabilly

Utieri, 21.00, prazza ex conventu de is mongia de clausura, Terre sonore: concertu de is Tamurita

Gèsigu, 21.30, prazza pubblica, “Notte dei nuraghi”: rassegna de musica etnica, folk, rock e progressive

Iscanu, 21.30, prazza pubblica, “Isculta ti naru unu contu…”
serada dedicada a sa poesia scanese

Casteddu, 21.30, Anfiteatru romano, Hair: the musical

Iersu, 21.30, Cantina antichi poderi, “L’albero del riccio”: Antonio
Gramsci dal bambino all’adulto

Cuncertus: Murèra, tra garage e rockabilly est cumenzau su Booze Party

(IlMinuto) – Casteddu, 6 de su mes”e austu – At a cumenzai cras a Murèra sa quarta edizioni de su Booze Party: “The wildest rock’n'roll weekend in Sardegna”. In su palcu de “Torre dei Cavalli” ant a sonai gruppus tra is prus conòscius de s’iscena rockabilly e garage soul nazionali e europea. Cras a merì, a is 21.00, a pustis de is gruppus localis, s’ant a esibiri is Capone de s’Italia e is She Creatures de sa Gran Bretagna. Su gruppu prus importanti de sàbudu at essi Los Creyentes de sa Spagna.

Massaria: s’at a podi binnennai finzas a 31 de su mes”e paschixedda

(IlMinuto) – Casteddu, 6 de su mes”e austu -  De ocannu in Sardigna s’at a podi binnennai finzas a su 31 de su mes”e paschixedda. Dd’at istabbiliu unu decretu approvau de s’assessori de  s’”Agricoltura” in sa fin’e su mes”e argiolas. Su provvedimentu fissat in su primu de su mes”e austu su cumenzu ufficiali de sa binnenna. Finzas a sa fini de s’annu at essi puru permitia sa fermentazioni e sa rifermentazioni de is binus.

Terre sonore 2009: su folk rock de is Tamurita po sa primu diri de su festival de Utieri

(IlMinuto) – Casteddu, 6 de su mes”e austu – At essi dedicada a sa “World music” s’edizioni 2009 de Terre Sonore. Sa tres diris de su comunu de Utieri s’at obèrriri cras a mericeddu a is 18.00 in s’ex Guventu de San Francesco cun sa musica spagnola de su XVIII de s’Ensemble Cinque Cori. A is 21.00, in sa prazza de s’ex Guventu de is Mongias de Clausura, s’ant a esibiri is Tamurita cun musica folk rock cun influenzias ska e reggae. Is rocker de Casteddu ant essi sighius de Ambrogio Sparagna cun s’”Orchestra pizzicata”, chi s’at a esibiri cun cantus e ballus de s’Italia meridionali.

Biddexidru: is animalistas blocant sa "deportazioni" de dexi canis vagabundus a su canili de Terranòa

(IlMinuto) – Casteddu, 6 de su mes”e austu – Is animalistas ant bintu. Centinaia de telefonadas a is giornalis sadrus e nazionalis e s’annùnziu de unu scioperu de su famini de parti de is attivistas ant fattu torrai a coa su furgoni chi, ariseru a mangianu, trasportàt 10 canis vagabundus pigaus de su canili comunali de Biddexidru po ddu su portai in su canili de Terranòa. Trasportu fattu po mori de una convenzioni tra su comunu de su Mediu Campidanu e su canili Europa de sa cittadi galluresa. Immoi is vagabundus ant essi totus adotaus de is attivistas. Sa mobilitazioni at blocau cussa chi is animalistas zerriant “deportazioni unitili e senz”e sensu de creaturas chi non podint conòsciri su propriu destinu, chi non podint sciri de essi unu strumentu in is manus de genti chi dezidit de sa sorti insoru andendi contra a sa lei 381 de su 1991, chi chistionat de su benessiri de is animalis”. Nonostanti su successu de sa mobilitazioni de ariseru, sa chistioni abarrat. Difatis, in basi a sa convenzioni tra su canili e su comunu, totus is canis vagabundus catturaus ant essi trasportaus in su canili de Terranòa finzas a candu “amministratoris responsabilis e de bonu coru non ant a dezìdiri de fai finiri custa fastidiosa vicenda”.