> 2009 mes’e austu 10 | ilMinuto

Archíviu de sa diri 10/08/2009

Apuntamentus de cras 11 de su mes”e austu


(IlMinuto) – Casteddu, 10 de su mes”e austu

Busachi, Festa de Santa Susanna

Santa Margherita di Pula, Is Molas, torneo “Degustigolf” 18 buche foursome Is Molas

San Teodoro, riba de sa Cinta, arregorta de firmas contra su nucleari

Tàtari, 18.00, prazza Castello, discesa de is “Candelieri medi”

Silius, 20.00, prazza pubblica, proiezioni de su film “Panas”

Silius, 21.30, prazza, “Musiche dal mondo celtico”: Keltaloth in concertu

Gèsigu, 21.30, “Chiocciofestival 2009″, variedadi canoru po is jòvanus e is pipius

Mòguru, 22.00, prazza Sant’Antioco, Rtp (concertu de is Ratapignata in acusticu)

Sindacaus: Medde (Cisl), "ateru ca gabbias salarialis! Is salariu nostrus funt bascius e insufficientis

(IlMinuto) – Casteddu, 10 de su mes”e austu – “Atru ca gabbias salarialis! Annu de salarius meda bàscius a su Meridioni e a is isolas no ant portau unu postu de traballu in prus. Anzis, ant favoriu su traballu illegali e precariu e unu sistema economicu caratterizzau de salarius e pensionis insufficientis e prus bàscias de cussas de su Centru-Nord”. Cun custus fueddus su segretariu regionali de sa Cisl, Mario Medde, commentat sa proposta de sa Lega Nord – pigada in cunsidériu de su presidenti de su Consillu – de introdùsiri un’atera borta is gabbias salarialis po differenziai is salarius de Tramuntana de cussus de su Meridioni de Italia. “Po custu – narat Medde – s’impegnu de is istituzionis de is rappresentazas sozialis e economicas de sa Sardigna depint riguardai s’aumentu de is ocasionis de traballu e sa difesa de rédditu su de is familias e de is traballantis”.

Centru de aggregazioni po is giovanus de Atzàra, iscadit su 31 de su mes”e austu su bandu po sa furnidura de mobilis e instrumentus

(IlMinuto) – Casteddu, 10 de su mes”e austu – At a iscadiri su 31 de su mes”e austu su bandu de gara po sa furnidura de mobilis e instrumentus po is centrus de aggregazioni po giovanus de is comunus de Atzàra, Arìtzu, Brevie, Gadoni, Meàna e Sorgono. In is biddas chi ant promoviu s’iniziativa ant essi aprontaus ispazius cun sabas musicalis, internet point e sabas po riunionis chi ant essi a disposizioni de is prus giovanus.

Po ndi sciri de prus: www.comune.atzara.nu.it

Candelieri: in Tàtari sa mostra de is "macchine da festa a spalla"

(IlMinuto) – Casteddu, 10 de su mes”e austu – Valorizzai e promoviri sa tradizioni italiana chi accomunat Gubbio, Nola, Palmi, Viterbo e Tàtari: is cincu cittadis chi ant donau vida a una rezza nazionali de is màcchinas de sa festa a paba. Cun custu obbiettivu, po sa celebrazioni de is “Candelieri”, su comunu de Tàtari at allestiu una mostra aundi ddoi funt: poster, dvd e pannellus fotograficus chi benint de is comunus de custa “rezza”. Sa mostra podit essi visitada in su “Palazzo della Frumentaria”, in su “Palazzo Ducale” e in sa “Casa dei Gremi”.

Mascaras: oi in Murèra su Carnovali de s’istadi de sa Sardigna

(IlMinuto) – Casteddu, 10 de su mes”e austu – Is Mamuthones e Issohadores de Mamujada, is Merdules e Boes de Otzàna, is Corrolios de Neoneli e Su Bundu de Orane. Custus funt scéti calincunu de is protagonistas chi custumerì ant a pigai parti a s’edizioni 2009 de Mascaras, su Carnovali de s’istadi de Murèra. De is 21:30 ant a sfilai po via Roma is mascaras de sa tradizioni isolana. Su pubblicu, bia sa partecipazioni de is annus passaus, si preannunziat numerosu, e at essi interessau attivamenti in is ritualis de su Carnovali sadru.