> 2009 mes’e austu 11 | ilMinuto

Archíviu de sa diri 11/08/2009

Apuntamentus de cras 12 de su mes”e austu

(IlMinuto) – Casteddu, 11 de su mes”e austu -

Cortoghiana, Trofeu Atl

Santa Margherita di Pula, Is Molas, XXXI Trofeu Castangia – Mid Amateur 18 buche

Tàtari, 10.30, sit in de protesta de A Manca pro’s Indipendentzia a facc’e su Tribunali de Tàtari

Casteddu, 10.30, sit in de protesta de A Manca pro’s Indipendentzia s facc’e su tribunali de Casteddu

La Caletta (Thiniscòle), 20.00, campu sportivu, “Kala Rock”: Africa Unite e Sikitikis

Orosèi, prazza sas Animas, “Voches e sonos de su mundu”: concertu po arregodai Jimy Hendrix

Biddanòa, 21.30, Sa Domo manna, presentazioni de su liburu de poesias “Flores de ammentu” de Leonardo Idda

Cortoghiana, 21.30, prazza Venezia, ispettaculu de danza sportiva

Palau, 22.15, riba de Palau vecchio, “La vedova scalza” de Salvatore Niffoi – narrazioni musicali de Gianluca Medas e de Andra Congia

Mostras: Sarròccu, de su 26 a su 30 de su mes”e austu in Sarròccu is gorteddus de is maistus

(IlMinuto) – Casteddu, 11 de mes”e austu – At essi s’ispaziu dedicau a is oggettus de s’artigianau africanu sa perla de s’edizioni 2009 de “Maistus”, sa mostra de su gorteddu de sa Sardigna. De su 26 a su 30 de su mes”e austu Villa Siotto, in Sarròccu, at aghilliri s’esposizioni de is gorteddus artigianalis sadrus fattus de is maistus de custu campu. Ocannu, comenti nau, s’apuntamentu at essi arricchiu de s’esposizioni de 120 gorteddus de valori e de interessu etnologicu de rilievu, gorteddus chi arribbant de totus is zonas de s’Africa.

"Gabbie salariali": Ben Amara (PdCi), "Sa Lega bollit privai is traballantis de su Meridioni de sa dignidadi insoru"

(IlMinuto) – Casteddu, 11 de mes”e austu – “Espressaus arràbbiu po su tentativu de sa Lega de privai is traballantis de su meridioni de sa libbertadi e de sa dignidadi insoru. Po nosu is “gabbie salariali” funt una bera divisioni soziali e culturali chi s’arregordat un’atera borta cussa sacrosanta chistioni gramsciana de su Meridioni”. Cun custus fueddus is consilleris regionalis Radhouan Ben Amara (PdCi) e Claudia Zuncheddu (Rossomori) commentant sa proposta de sa Lega Nord de introdusiri po lei una distinzioni salariari, in Italia, tra Tramuntana e Meridioni. Custu est unu mecanismu connotu in tempus passaus comenti “gabbie salariali”. “Sa chistioni de Tramuntana – commentant is esponentis de sa sinistra – est un’elementu de propaganda: est una costruzioni istorica culturali inventada de sa Lega e acetada de is aterus politicus in manera subalterna. Tocat a provai a furriai sa chistioni”.

Tutela de is linguas minoridarias, cordinamentu Sardigna-Friuli Venezia Giulia

(IlMinuto) – Casteddu, 11 de mes”e austu – Sa Sardigna e su Friuli Venezia Giulia impari ant a difendiri s’importantissimu patrimoniu de is linguas minoridarias. In su seminariu internazionali, tentu in is cidas passadas in Orosèi po chistionai de toponomastica, is assessoris de sa “Cultura” de is duas regionis – Lucia Baire, Sardigna, e Roberto Molinaro, Friuli -, ant dezidiu de fai in pagu tempus unu “tavolo permanente” de cordinamentu po is politicas de tutela de is linguas minoritarias.

A Manca: protesta a facc”e sa presoni de Catanzaru. Cras sit in in Casteddu e in Tàtari

(IlMinuto) – Casteddu, 11 de su mes”e austu – Est arribbada finzas in Calabria sa protesta de A Manca pro s’Indipendentzia. In su presoni de Catanzaru est inserrau de sa fin”e su mes”e argiolas Bruno Bellomonte, su dirigenti de su movimentu indipendentista arrestau cun s’acusa – senz”e fundamentu po Amp – de at participau a costruiri de nou is Br. Ariseru a mangianu una delegazioni de A Manca at atobiau su prefetu de Catanzaru po dimandai su respetu de is normas e de is protocollus in matéria de territorialidadi de sa pena. Segundu cantu nau in su comunicau de Amp su prefetu at rispostu de “no essi cumpetenti” e at passau sa chistioni a su Ministeru de sa Giustizia. Sa protesta de A Manca sighit dei oi e totu cun d’unu sit a facc”e su presoni de Sianu-Catanzaru. Cras, acanta ‘e sa protesta de Tàtari, a Manca at a fai una manifestazioni a facc”e su Tribbunali de Casteddu. At essi presentada puru sa dimanda po pediri de respetai su critériude territorialidadi de sa pena a sa Commissioni Diritus Civilis de su Consillu regionali e, in Roma, a su Dipartimentu “Amministrazione Penitanziaria”.