> 2009 mes’e austu 17 | ilMinuto

Archíviu de sa diri 17/08/2009

Apuntamentus de cras 18 de su mes”e austu

(IlMinuto) – Casteddu, 17 de su mes”e austu -

Santa Margherita di Pula, Is Molas, Torneu Golf Classic 2009 18 buche

Casteddu, “vestizione della Vergine dorimiente”

Itirèddu, 11.00, crèsia de Santa Croce, Time in Sassari: concertu de Gianmaria Testa e Paolo Fresu

Tàtari
, 18.00, parcu de “Monserrato”, Time in Sassari: “La chiarezza dell’essere”, ispettaculu de sa “Compagnia di danza Estemporada”

Tortuelie, 22.00, Rocce Rosse, Pfm cantat De Andrè

Capo Comino, 22.00, “Chiosco sulla rotonda”, Dr. Drer e Crc Posse in concertu

Cursus de formazioni in Biotecnologie, is dimandas depint essi presentadas non prus a tradu de giòbia

(IlMinuto) – Casteddu, 17 de su mes”e austu – Ddoi funt pagus oras po presentai sa dimanda po is cursus de formazioni in “Tecnologie strumentali applicate alle biotecnologie” aprontaus de “Porto Conte Ricerche”. S’iniziativa est rivolgia a is personas prus piticas de 40 annus chi funt in possessu de laurea triennali, specialistica o magistrali in Farmacia, Biologia, Chimica, Veterinaria, Agraria o Medicina. Su cursu – de sa durada de quattru mesis s’at a tenni in sa sedi de “Porto Conte Ricerche a Tramariglio” in S’Alighera (SS) e at a aprofundai s’applicazioni de is tecnologias istrumentalis in sa “tracciabilità e nella  qualità dei prodotti agroalimentari”.

Po ndi sciri de prus: www.sardegnaricerche.it

Time in Jazz: Strike e Rocking Chair po sa continuazioni tatàresa de su festival

(IlMinuto) – Casteddu, 17 de su mes”e austu – Ottu concertus liberus de su mangianu a su notti: est custa sa proposta po su 2009 de “Time in Jazz in Sassari” (17 e 18 de su mes”e austu), continuazioni de su festival jazz de Belchidda. A pustis de s’esibizioni de su Duo Nuance (ex ispidali Rizzedu, 11.30), custumerì s’ispettaculu s’at a ispostai in Osile (Valle dei Mulini, 18.00) po su concertu de su gruppu Sept Amber Mood, is allievus prus bravus de su seminariu de Nùgoro de su 2008. Sa diri s’at a serrai in Tàtari cun is sonoridadis de su progettu Strike, a metadi tra su jazz e s’elettronica (prazza Caterina, ore 21.30) e cun su concertu, pop e rock, de Airelle Besson e Sylvain Rifflet (fontana del Rosello, 23.00) de is Rocking Chair.

S’ultimu saludu de Ezalai a su cabu mannu de is Tuareg, amigu de sa Sardigna

(IlMinuto) – Casteddu, 17 de su mes”e austu – Sa primu diri de austu, a pustis de una maladia longa, est mortu su cabu mannu de is Tuareg e “amigu de sa Sardigna” Capitano Mohamed Mohamedine Aboubacrine El Moctar. Ddu narat unu comunicau de s’associazioni sadra Ezalai, chi promovit una scola po pipius errantis de su desertu. Su “Capitanu” esti stètiu tres bortas in Sardigna. In s’isola esti stètiu curau e at partecipau a convegnus e atóbius po chistionai de su populu Tuareg e de sa situazioni geo-politica de su Sahara. Impari cun s’associazioni Azalai – fundada de Claudia Zuncheddu – iat promoviu e organizzau una scola po Tuareg cun s’iscopu de istudiai is pipius de su desertu de su Mali. Unu traballu chi at a sighiri puru a pustis de sa morti de su “Capitanu”. “Sa scola po is pipius Tuareg – si podit ligiri in su comunicau – at a sighiri e at a rinforzai custu rapportu de solidariedadi e de coperazioni chi s’est creau tra su populu de sa Sardigna e is Tuareg de su Mali”.

Legambiente: in Sardigna su 10 po centu de is comunus arriscant is allagamentus

(IlMinuto) – Casteddu, 17 de su mes”e austu – Su 10 po centu de is comunus de sa Sardigna arriscat is allagamentus. Est cantu narat su dossier “Ecosistema rischio 2009″ de Legambiente, segundu su cali ddoi funt 42 centrus de s’isola chi funt amelazzaus de “dissesto idrogeologico”. “In su 2008 – narat su responsabili scientificu de Legambiente Stefano Ciafani – sa Sardigna at tentu tres evéntus perigulosus po sa calidadi de s’acqua chi est calada in pagu tempus. Sa Protezioni Civili no at poziu previdiri custus eventus. Po iscongiurai ateras disgrazias – narat Ciafani – est importanti s’attividadi de prevenzioni, sa pulizia de is arginis de is arrius e sa progetazioni po un’amministrazioni giusta de su territoriu”.