> 2009 mes’e austu 19 | ilMinuto

Archíviu de sa diri 19/08/2009

Apuntamentus de cras 20 de su mes”e austu

(IlMinuto) – Casteddu, 19 de su mes”e austu -

Biddanòa, de su 20 a su 22 austu, Ceas Monte Minerva, “Fili, trame, colori”: laboratoriu de arti tessidura e tintura

Atzàra, festa de Santa Maria de Josso

Santa Margherita di Pula, Is Molas, “Is Molas Resort” Golf classic 18 buche

Palau, portu Rafael, gara de barchittas “Trofeo Formenton”

Tuili, 18.30, Borgo dell’Arcangelo, presentazioni musicada de su liburu “Prestami una vita” de Gianni Zanata

Nùgoro, 21.00, Colle Sant’Onofrio, concertu de is Assalti frontali

Casteddu, 21.30, Anfiteatru romano, Cristiano De Andrè cantat De andrè

Cortoghiana, 21.30, prazza Venezia, sighit sa festa de sa Birra

Brevie, 21.30, Anfiteatru comunale, contu musicali de “Angelo latitante. La storia di Paska Devaddis”

Nuràminis, 21.30, prazza pubblica, cantada tradizionali a chitarra

Pòrtu Turre, 22.00, prazza Umberto I, po sa V edizioni de “Suoni e Sapori” concertu de is Battor Moritteddos

Meàna, 22.30, prazza ex asilu, concertu acusticu de s’Impromtu Quartet

Traballu: a Tàtari tres ofertas po personas diversamenti abilis e categorias proteggias

(IlMinuto) – Casteddu, 19 de su mes”e austu – Unu palista e unu conducenti de mezzus automaticus, un’impiegada e un’applicau a is operazionis ausiliarias in su commerciu. Funt custas is ofertas po traballantis diversamenti abilis e po is categorias proteggias pubblicadas in su “Centro servizi per il Lavoro” de Tàtari. Is interessaus ant a depi presentai sa dimandas e su curriculum vitae in is Csl de cumpeténzia intru su 31 de su mes”e austu.

Po pediri informazionis: 079 259 96 01

Gig e Amici della Terra: "Sa torrada de su nucleari est lei. Inturu gennargiu is situs po is centralis e is depositus de is ferrinas"

(IlMinuto) – Casteddu, 19 de su mes”e austu – Sa lei chi ordinat sa torrada de su nucleari est in vigori. Ddu comunicant cun d’unu documentu su Gruppo d’intervento giuridico e is Amici della Terra. “In sa lei de isviluppu n.99 de su 23 de su mes”e argiolas – narant is associazionis ambientalistas – is articulus 25 e sighentis previdint unu quadru de normas po sa torrada de su nucleari”. “Inturu su 2010 – narat su documentu – ant essi connotus is nominis de is situs po is centralis nuclearis e po is depositus de ferrinas. Seus totus avvertius. In Sardigna a in aterus logus”, cun s’iscopu de cuntrastai sa torrada de su nucleari is Amici della Terra e su Gruppo di intervento giuridico ant promoviu una petizioni inviada a su presidenti de su Consillu chi at arregortu po immoi prus de 3milla firmas in is piattaformas Tiscali e Firmiamo.it.

Po ndi sciri de prus: gruppodiinterventogiuridico.blog.tiscali.it

Pineta de Capriccioli: Irs, "Eus a essi nosu a pediri unu recumpensa a chini at umiliau e violentau sa Nazioni Sadra"

(IlMinuto) – Casteddu, 19 de su mes”e austu – “Arribbendi de mari, intruxius inumanus, comenti duendus chi suciant su sànguini a chini no ndi tenit, pedint e otenint permissus po violentai sa terra nostra. Medas sadrus, chi faint is giardineris, is camarèris, is eletricistas e is piccaperderis stagionalis no podint prus protestai nemmancu in modu paxiosu po cussu chi acontessit”. Est cantu narat cun d’unu comunicau stampa s’Irs Gallùra. In is cidas passadas su movimentu indipendentista fut calau in prazza po difèndiri cussus giòvanus de Altzaghèna, chi ant manifestau contra a sa cuncessioni de godomentu de parti de su pinedu de Capriccioli a su “Rubacuori” de Flavio Briatore e a is calis esti stetiu pediu una recumpensa po damnus de prus de 300milla eurus. ” Custas chistionis tenint – commentat s’Irs Gallùra – sa forza de ruinai sa vida a is personas chi ant manifestau cun coràgiu”. “De oi – finit su movimentu de Gavino Sale – depeus essi nosu sadrus a pediri is recumpensas a totu custa genti, poita ant umiliau, violentau, trampau su territoriu de sa Nazioni Sadra e su Pópolu suu, poita ant alterau cun càlculu s’immàgini turistica de sa Sardigna e poita ant ruinau meda s’isvilupu economicu.

Concertus: tres atobius in Sardigna po s’hard rock de Pino Scotto

(IlMinuto) – Casteddu, 19 de su mes”e austu – Arribat in Sardigna su rock’n'roll de Pino Scotto. Su cantanti, tra is prus importantis de su metal italianu, at essi in Casteddu (Calypso, 21 de su mes”e austu), in Sòssu (22) e in S’Alighera (23, Evolution for Abruzzo). Originariu de Monte di Procida in provìnzia de Napoli (1949), a sa fini de is annus Settanta Scotto s’est trasferiu a Milano e at creau is Vanadium, sa band italiana prus conòscia, e at fattu – in is annus – diversus album puru comenti solista o cun is Fire Trails.  A pagus cidas de sa bessida de su dvd “Outlaw now’n'ever”, previdia po su 18 de su mes”e cabudanni, in is tres atobius sadrus su cantanti, chi est diventau puru unu conduttori televisiu meda discùtiu, at a presentai is diversus momentus de sa carriera sua.