> 2009 mes’e austu 20 | ilMinuto

Archíviu de sa diri 20/08/2009

Apuntamentus de cras 21de su mes”e austu

(IlMinuto) – Casteddu, 20 de su mes”e austu -

Nùgoro, 21-29 de mes”e austu, Sagra de su “Redentore”

Biddanòa, Ceas Monte Minerva, “Fili, trame, colori”: laboratoriu de arti tessidura e tintura

Nùgoro, 21-23 de su mes’e austu, A furriu in sos Bichinaos

Frodonjànus, 21-29 de su mes”e austu, Festa de San Lussorio e San Archelao

Santa Iusta (Corte Baccas), 11.00, Festa Zapatista

Piàghe, Sagra de sa brebei

Sòssu, 19.30, pinetedda, Extreme Terminal Solution

Nùgoro, 20.00, pRazza Su connottu, Hypsia in concertU

Casteddu, 21.00, Anfiteatru romano, concertu de is Pooh

Pauli, 21.00, impiantus sportivus de Riu Saliu, proiezioni de su film “Doichlanda” de Giuseppe Gagliardi

Nùgoro, 21.00, Furriu in sos bichinaos, contu musicali de “Sonetaula” de Giuseppe Fiori

Sa Baronìa, 21.30, prazza pubblica, cantada campidanesa tradizionali a chitarra

Cortoghiana, 21.30, prazza Venezia, Festa des birra e concertu de is Istentales

Marina de Orosèi, 22.00, Radici nel Cemento e Mama Vibe in concertu

Pòrtu Turre, 22.00, prazza Umberto I, in s’ambitu de sa V edizioni de “Suoni e sapori” Doc sound in concertu

Casteddu, 22.25, bastione San Remy, James Bossa in concertu

Casteddu, 22.30, prazza de su Fossario, concertu funk organizzau de su “Caffé delle Arti”

Casteddu, 23.00, Calypso, Pino Scotto in concertu

Concertus : custumerì in Sarròccu su blues de Fabio Treves

(IlMinuto) – Casteddu, 20 de su mes”e austu – Ispettaculu blues de no perdiri custumerì in Sarròccu. In is cortilis de Villa Siotto (22.00, ingressu liberu), s’at a esibiri sa Fabio Treves blues band. Su sonadori de armonica e cantanti milanesu, con prus de 35 annus de attividadi e una duzina de album fattus, at essi acumpangiau de Ale Ariazzo (ghitarra), Tino Cappelletti (bassu) e Massimo Serra (batteria).

Aristanis: s’Irs bullat su síndigu Nonnis, "Po abbandonu e trascuradesa de is monumentus"

(IlMinuto) – Casteddu, 20 de su mes”e austu – “Edifízius istoricus in cadenas, monumentus serraus, guidas e caminus po is turistas ausentis. Mannu est s’apretu po podi tenni informazionis de s’antiga Capitali de sa famosa Eleonora D’Arborea. Custa est sa cundizioni in sa cali s’agatat chi bisitat sa cittadi e su territoriu. Arribbant finzas a nosu armaus de màchinas po fai fotografias e cun medas ispérius”. S’Irs de Aristanis dinunziat cun d’unu comunicau s’abbandonu e sa trascuradesa de is monumentus cittadinus e bullat s’operau de su síndigu Angela Nonnis. Trascuradesa de s’amministrazioni cittadina, chi po su movimentu de Gavino Sale si bidi particolarmenti in s’abbandonu de is edifízius religiosus de Santa Petronilla. “Unu parcu bellissimu – si podit ligiri in su documentu – cun matas de olia millenarias, portalis maestosus e una crèsia giudicali de s’omónima Santa de sa cali s’istoria si perdit tra paristória, realidadi e meda àliga. Àliga, erba maba e logus incantadoris ruinaus de genti de pagu coru.

Lai (Pd): "Sa Lega no tenit nudda de biri cun s’autonomismu de Mario Melis"

(IlMinuto) – Casteddu, 20 de su mes”e austu – “No seu po esiliai a fattu de pagu contu s’iniziativa de sa Lega de arribbai in Sardigna, una cosa chi nudda tenit de fai cun sa tradizioni de s’autonomia de Mario Melis e de su partidu suu”. Aici su consilleri regionali de su Pd, Silvio Lai, commentat sa possibbilidadi chi sa Lega pozat poniri arrèxinis in Sardigna, a partiri de sa Gallùra. “Sa Lega – sighit Lai – est un’esperiénzia de organizzazioni populari chi donat boxi a is timòrias presentis in is fascias chi arriscant de prus po mori de sa crisi economica, e ddu faint donendi una seguresa ingannosa cun azionis chi faint torrai a coa su sensu cìvicu de s’Italia”.

"Harmonices mundi", in Bàini su concertu "multimediale" de Spazio Musica

(IlMinuto) – Casteddu, 20 de su mes”e austu – “Harmonices Mundi”, sa produzioni “multimediale” noa de musica elettronica curada de s’associazioni “Spazio Musica” de Casteddu at a fai s’esordiu suu cras a merì. S’ispettaculu at essi rappresentau a is 21.30 in su centru de produzioni “Move the box”, ex orfanotrofiu de sa bidda. In su palcu, unu quartettu de instrumentus “a percussione”, su Modular Quartet, s’at a relazionai cun is immàginis, is video e is sonus elettronicus de Michele Casanova e Marcello Cualbu, chi sperimentant sempiri cun s’audio/video. A “Harmonices Mundi” at a sighiri s’ispettaculu de su duo “Singorafranca mash’up”, custu puru fattu de Casanova e Cualbu. S’eventu s’inserit in su calendàriu de “Marmilla Mille Emozioni”, is eventus de s’istadi organizzau de s’”Agenzia di Sviluppo Due Giare”.