> 2009 mes’e austu 24 | ilMinuto

Archíviu de sa diri 24/08/2009

Apuntamentus de cras 25 de su mes”e austu

(IlMinuto) – Castuddu, 24 de su mes’e austu -

Biddanòa, Ceas Monti Minerva, “Lanterne nel bosco”: po si sciri orientai e scoberriri su territoriu

Santa Margherita di Pula, Is Molas, “Sardinia cup” 18 buche de golf

Ollolai, esibizioni de is pariglias

Ossi, 20,45, istrada provinciali po Sant’Antoni, “Cielo stellato”: osservendi is stellas tra scienza e mito

Casteddu
, 21.00, Teatru Civico de Castello, Casteddu ne is cortometraggi de Enrico Pau – Istorias e logus de una cittadi

Casteddu, 21.30, Lazzaretto de Sant’Elia, concertu de sa David Munnelly band

Bortigiadas, 21.30, prazza San Nicola, VII Festival internazionali “Onde sonore”: contu musicali de “Sonetaula” de Giuseppe Fiori

Isbarazzu de via Castelfidardo: Rossomori, "Est ora de dd’acabbai cun su rimbotu de responsabbilidadi"

(IlMinuto) – Casteddu, 24 de su mes”e austu – “Su movimentu de is Rossomori est acanta de is abitantis de via Peschiera e de via Castelfidardo. Is domus de custa genti ant tentu damnus po mori de is zèdimentus de s’asfaltu de s’istrada. A custa genti sa diri de mesaustu esti stetiu notificau cun d’unu pragoni de su Síndigu de su Comunu de Casteddu, s’isbarazzu de is domus inturu cincu diris e s’immediatu agiustu de custas a càrrigu de is meris”. Ddu narant cun d’unu comunicau stampa su cordinamentu casteddaiu de is Rossomori e su consilleri comunali de is sardistas de sinistra Claudia Zuncheddu. “Custa misura – sustènint is Rossomori – e is fatantis sgarrigus de responsabbilidadi tra is Assessoris chi si depint ocupai de custas chistionis e su Vicesíndigu, ant creau una cundizioni de precariedadi e aterus incòmodus a is nostrus concittadinus”. “Is Rossomori – spiegat su documentu – pedint a su Síndigu e a is aterus entis comunalis casteddaius chi si ocupant de custa chistioni, de no evitai su própriu doveri istituzionali e de donai acoitu una resposta bera a is drammàticus bisóngius de custas famílias chi, cun su traballu insoru, ant participau a fai crèsciri sa comunidadi e chi immoi funt ‘bressallu’ de s’ausenzia de atúliu de s’amministrazioni comunali”. “No est prus tempus – concluit su cordinamentu casteddaiu de is sardistas de sinistra – de sgarrigus de responsabbilidadis istituzionalis. Est arribbau su momentu de tutelai is bisóngius giustus de custa genti”.

Concertus: cras in su Lazzaretto Sant’Elia sa música celtica de David Munnelly

(IlMinuto) – Casteddu, 24 de su mes”e austu – Ant essi is notas de sa fisarmonica de David Munnelly a serrai cras in Casteddu (Lazzaretto Sant’Elia, 21.30) sa rassegna dedicada a sa musica de s’Irlanda. S’iniziativa, aprontada de s’”Associazioni musica irlandese”, s’est oberta su duus de su mes”e austu cun su concertu blues de Paolo Bonfanti. Cras a merì Munnelly – chi at sonau puru cun gruppus comenti is  Chieftains – e sa propriu band ant a presentai un’ispettaculu a s’insigna de sa música celtica cun s’usu de is istrumentus tradizionalis de sa terra irlandesa.

Po ndi sciri de prus: www.davidmunnelly.com

Concertus: su Casteddu Groove Trio arribat in su Villa Celimontana Jazz Festival sighendi is arrastas de Monk e Rollins

(IlMinuto) – Casteddu, 24 de su mes”e austu – Su jazz artu de Sonny Rollins e Thelonoious Monk: est de sa passioni po sa música de custus mostrus sacrus e de su studiu infatigabili fattu cun is istrumentus chi in su 2006 est nàsciu su “Casteddu Groove Trio”. In scéti tres annus de attividadi su gruppu at giai percurriu un’arruga longa e mèrcuris 26 de su mes”e austu at a sonai in su Villa Celimontana Jazz de Roma: unu de is apuntamentus classicus po is amantis de su jazz. “Su festival – narat su batterista Gianrico Manca – est po nosu un’occasioni spendida po portai sa musica nostra in d’unu logu aundi si respirat su jazz, aundi is musicistas funt consideraus po cussu chi esprimint a facci de unu pubblicu attentu e rispettosu, in d’una cittadi de sempiri sensibili a su jazz e a s’istoria de su jazz”. Cun su batterista Manca, faint parti de su trio Alessandro Angiolini a su sax tenore e Alessandro Atzori a su contrabbasso. Su Casteddu Groove proponit unu sound cun influenzias de totu s’istoria de su jazz de su Noixentus e de cantu sussedit oi a New York. Tra is prossimus obbiettivus sa primu registrazioni uffiziali.

Rdb Cub Sardegna: su sindacau de basi narat no a is "gabbie salariali"

(IlMinuto) – Casteddu, 24 de su mes”e austu – “Ateru chi ‘gabbie salariali’: po biviri in modu dignitosu ddoi bollint is aumentus de is salarius”. Aici su sindacau de basi Rdb Cub Sardegna commentat sa proposta de sa Lega Nord de differenziai po lei is salarius de is regionis de Tramuntana cun cussus de is regionis de Meridioni. Is “gabbie salariali” – si podit liggiri in sa nota – giai esistint e funt presentis in sa differenzia tra chini arrenescit a ottèniri unu cuntrattu de traballu e chini no, tra aziendas piticas e mannas, tra traballantis chi, faendi is próprius cosas, tenint unu cuntrattu diversu. E ateras cosas”.