> 2009 mes’e austu 25 | ilMinuto

Archíviu de sa diri 25/08/2009

Apuntamentus de cras 26 de su mes”e austu


(IlMinuto) – Casteddu, 25 de su mes”e austu -

Biddanòa, Ceas Monti Minerva, “Lanterne nel bosco”: po si sciri orientai e scoberriri su territoriu

Cuartu Sant’Alèni, 26-30 de su mes”e austu, prazza IV novembre, Festa di Liberazione

Sant’Anna Arresi, 26 de su mes”e austu-6 de su mes”e cabudanni, XXIV edizioni de “Ai confini tra jazz e Sardegna”

Nùgoro, 26 de su mes”e austu-5 de su mes”e cabudanni, Scuola civica di Musica, XXI seminariu Jazz cu sa direzioni de Paolo Fresu

Sarròccu, 26-30 de su mes”e austu, villa Siotto, “Maistus”: Biennali de su Gorteddu sadru

Cuartu Sant’Alèni, 21.00, prazza IV novembre, Festa di Liberazione: concertu de is cantadores acumpangiaus de sa chitarra campidanesa de Ignazio Marcia

Roma, 21.00, Villa Celimontana Jazz Festival, Casteddu Groove in concertu

Terranòa, 21.30, Geovillage, “Tradizioni e magia: Sardegna a confronto”

Silìcua, 22.00, prazza pubblica, cantada campidanesa a “basciu ‘e contra”

Sant’Anna Arresi, 22.00, prazza pubblica, concertu de s’ensemble Nicole Mitchell

Saludi mentali e poberesas noas, obertas in Casteddu is iscrizionis a is "tavoli tematici Plus 2010-2012

(IlMinuto) – Casteddu, 25 de su mes”e austu – Sa saludi mentali e is dipendènzias, is poberesas noas e bècias: funt calincunu de is argumentus de is calis s’at a chistionai in is “tavoli tematici” organizzaus de s’Assessorau a is Politicas socialis de su Comunu de Casteddu in su giru de sa programmazioni Plus 2010-2012. “Is ‘tavoli tematici’ – si podit ligiri in su sito de su Comunu – funt un’occasioni importanti de càmbiu cun su territoriu indirizzada a s’acquistu de ideas e propostas chi serbint a donai vida a su documentu Plus”. Is interessaus s’ant a deppi iscriri inturu su 18 de su mes”e cabudanni.

Po ndi sciri de prus: www.comune.cagliari.it.

Jazz, cumenzat su XXI seminariu de Nùgoro

(IlMinuto) – Casteddu, 25 de su mes”e austu – Cumenzat mèrcuris in Nùgoro in sa “Scuola civica di musica” sa XXI edizioni de su seminariu Jazz de Nùgoro. Dirìgia de su trombettista Paolo Fresu, s’iniziativa de s’”Ente musicale di Nuoro” proponit ocannu puru 11 diris a s’insigna de sa teoria e de sa pratica de sa musica afroamericana, s’eventu est guidau de maistus meda bravus.

Comunistas in prazza, in Cuartu torrat sa "Festa di Liberazione"

(IlMinuto) – Casteddu, 25 de su mes”e austu – Cincu diris de concertus, ballus e dibbatidus de mèrcuris 26 de su mes”e austu a domìnigu 30de su mes”e austu: est custu su programma de sa “XII Festa di Liberazione” de su Prc. A pustis de un’annu de ausénzia, torrat in prazza IV Novembre s’apuntamentu de s’istadi aprontau de is comunistas de su círculu Isidoro Sarritzu de Cuartu Sant’Alèni. “Sa festa – narat s’assessori a is politicas giovanilis Elisabetta Campus – est unu crivetu importanti po s’atividadi politica nostra, unu momentu de atóbiu e de cunfrontu”.
De su 27 a su 29 a is 18.30, primu de is ispettaculus de su merì, in is dibbatidus de sa festa s’at a discùrriri de isisperànzias de sa “sinistra comunista e anticapitalista” (gióbia), de su precariau de is traballantis de is call center (cenàbara) e de su stadu de s’amministrazioni de sa cittadi a un’annu de is elezionis comunalis (sàbudu).”In su movimentu aintru de su cali seus iscampaus de una divisioni istrana e ingannera – ispiegat su consilleri comunali e segretariu federali de su Prc Giuseppe Stocchino – sa “Festa di Liberazione” bollit essi unu modu de fueddai cun sa cittadi e costruiri raportus de comunidadi tra is cumpàngius chi donant vida a custas cincu diris”.
“Custa Festa si fait cun su contribbutu de totus – at nau Salvatore Casu, su presidenti de su comitau chi si ocupat de s’organizzazioni – e totus funt cumbidaus”. Tra is iniziativas de sa Festa ddu at essi su stand de sa Cgil-Spi Auser, chi at a bèndiri sa pasta fatta cun su granu coltivau in is campus scicutaus a sa mafia, e, in su merì de sàbudu, ddu at essi su torneu de dama.

Is prodotus sadrus in su trintesimu Meeting de Rimini

IlMinuto) – Casteddu, 25 de su mes”e austu – Sa Sardigna est presenti in sa trintesima edizioni de su Meeting de Rimini chi riguardat is prodotus de calidadi. Ndi donat notizia su situ istituzionali de sa Regioni. S’ìsola partezipat cun d’unu stand istituzionali po sa promozioni de is prodotus localis de s’agro-alimentare. In is ispazius de sa Regioni ddoi est puru calincuna opera originali de Costantino Nivola.