> 2009 mes’e austu 26 | ilMinuto

Archíviu de sa diri 26/08/2009

Apuntamentus de cras 27 de su mes”e austu

Pubblicau su 26/08/2009 a is 15:36 in Cultura | 0 cummentus
Argumentus:

(IlMinuto) – Casteddu, 26 de su mes”e austu -

Nurachi, de su 27 de su mes”e austu a su 29 de su mes”e austu, Festa de Sant’Agostino

Lungone, de su 27 de su mes”e austu a su 31 de su mes”e austu, IX edizioni de su Festival “Musical sulle Bocche”

Marrùbiu, 18.00, via Tirso, stage de Jeet Kune Do cun Cristian Tuveri

Cuartu Sant’Alèni, 18.30, “Festa di Liberazione”, dibattidupo chistionai de is prospettivas de sa sinistra anticapitalista e comunista

Alà, 19.00, in s’ambitou de is festeggiamentus patronalis: torneu de calciu balilla viventi

Sant’Anna Arresi, 21.00, prazza Nuraghe, concertu “Place & things” by Mike Reed

Nureci, 22.00, prazza pubblica, “Sogni a spazi aperti”, Stalker teatro presentat “Incontri. 14 passi nelle Scritture”

Guspini, 22.00, Giardinus pubblicus, is Nomadi in concertu

Brevie, 22.00, ispettaculu de sa Pola

Lungone, 22.00, prazza Vittorio Emanuele, “Racconti sulle Bocche” – Beppe Severgnini

Lungone, 22.15 prazza Vittorio Emanuele, “Musica sulle Bocche”: concertu de is Aires Tango cun Javier Girotto

Sanidadi: Espa (Pd), "Su decretu de s’assessori Liori po sa cumparzidúra de is cuatru millionis de eurus po is famílias diversamenti àbbilis est de fai un’atera borta"

Pubblicau su 26/08/2009 a is 12:38 in Política | 0 cummentus
Argumentus: ,

(IlMinuto) – Casteddu, 26 de su mes”e austu – Su decretu de s’Assessorau de sa Sanidadi de su 30 de su mes”e argiolas chi istabilit is critèrius po sa cumparzidúra de cuatru millionis de eurus tra is  famílias chi si curant de personas diversamenti àbbilis est nullu. Ddu narat, cun d’una nota pubblica in su blog de cuss”e totu, su consilleri regionali de su Partito Democratico Marco Espa. A fai sì chi su decretu siat nullu, narat Espa, est s’aprovazioni de un’emendamentu a su “collegato” a sa Finanziaria de su 2009. “Su chi narat s’Assessorau – sighit su consilleri de su Pd – no depit essi pigau in cunsidériu. S’assessori Liori at a depi fai unu decretu nou de mandai a sa ‘Commisisione Sanità e Politiche sociali’ de su Consillu regionali”. In custa sedi s’at a decídiri cumenti donai s’assignu o is curas. Espa cuntrastat cun decisioni is “cumparzidúras de dinai” chi no funt acumpangiadas de serbízius dipendenti” po is personas diversamenti àbbilis e is  famílias insoru. “Su dinai – narat Espa – fait praxeri a totus perou in Sardigna eus pigau in adotadura unu modellu diversu, prus sériu e de calidadi (…). No bolleus chi calincunu si pighit is contribbutus regionalis e a pustis, po necessidadi e po voluntadi, si comporit sa tv a su plasma noa o unu pezzu de sa macchina, mentris sa calidadi de sa vida de sa persona diversamenti àbbili e de sa família
sua abarrat uguali”.

"Sogni a spazi aperti": suzzessu po sa primu serada in Bàini. Apuntamentu custumerì in Asùni

Pubblicau su 26/08/2009 a is 11:37 in Cultura | 0 cummentus
Argumentus:

(IlMinuto) – Casteddu, 26 de su mes”e austu – Suzzessu meda mannu po sa primu serada de “Sogni a Spazi Aperti”, chi s’est tenta martis 25 de su mes”e austu in Bàini. A donai su via a sa III edizioni de sa manifestazioni funti stetius is pipius de sa bidda, artigianus pitichis e improvvisaus, chi ant consignaus unu buschettu de linna – simbulu de sa rinascita de sa natura destruia de is incendius – a su sindigu Roberto Scema. Ant cumenzau is ispettaculus is acrobazias semiserias de su duo circensi “The Sprockets” cun su propriu Circus Commedy Show. Is artistas funt arrenescius a fai sorridi su pubblicu, chi at mustrau de appreziai sa cena tradizionali de su ristoranti movìbili. A pustis funti stetius is artistas de su “Theatre en Vol” a arziai in su palcu de sa prazza San Sebastiano po presentai sa “Brigata di Armonizzazione Urbana”: pingiadas, tribuzzus, màcchinas de iscriri, carcidas po s’àliga ant donau vida a una sinfonia totu urbana, si funt ottentus esitus estraordinarius cun is sonus famigliaris. Ant serrau sa serada is musicistas de Camillo Cromo cun sa parada de istrada, sighia de su concertu in su palcu de s’anfiteatru piticu. “Una performance stupenda – narat s’ufficiu stampa – chi at biu su convolgimentu de su pubblicu in d’una bella serada chi est acabbada cun is ballus in sa prazza pubblica”. “Sogni a Spazi aperti” sighit custu merì in Asùni (18.00) cun sa segunda serada de s’eventu aprontau de s’”Agenzia di Sviluppo Due Giare”.

Concertus: cumenzat sa XXIV edizioni de "Ai confini fra Jazz e Sardegna"

Pubblicau su 26/08/2009 a is 10:44 in Cultura | 0 cummentus
Argumentus:

(IlMinuto) – Casteddu, 26 de su mes”e austu – Est arribbau a sa XXIV edizioni su festival internazionali “Ai confini tra jazz e Sardegna”. De su 26 de su mes”e austu a su 5 de su mes”e cabudanni sa rassegna – si podit liggiri in sa presentazioni de s’eventu – at a rinforzai “su propriu accappiamentu cun is currentis prus fantàstigas de sa musica afroamericana”. Pernu de is gustus de s’associazioni culturali “Punta Giara” est s’iscena de is cittadis de Chicago definia “mamma de unu movimentu artisticu chi no finit de donai impulsu a su rinnovamentu culturali e musicali”. Su programma at essi obertu custumerì de sa flautista Nicole Mitchell chi, accumpangiada de sa band ed cuss”e tottu, at a presentai s’ispettaculu “Many paths meet the sea: for Alice Coltrane”.

Sa dinùnzia de "Gruppo d’intervento Giuridico": in Carloforte una pista de atterraggiu abusiva de 700 metrus

Pubblicau su 26/08/2009 a is 09:51 in Ambienti | 0 cummentus
Argumentus:

(IlMinuto) – Casteddu, 26 de su mes”e austu – No abbastant domus e villettas. Immoi est su turnu de is aeroportus abusivus. Calincuna diri fait, in Carloforte, un’aereu piticu chi furiat faendi manovra de atterraggiu at segau unu cavu elèttricu causendi unu fogu meda mannu in totu sa macchia mediterranea de s’Isola. S’aereu furiat atterrendi in d’una pista de 700 metrus. Una pista abusiva, a cantu narat su síndigu Agostino Stefanelli. Is associazionis ecologistas “Amici della Terra e Gruppo d’intervento Giuridico” ant segnalau cantu est sussediu a su “Corpo forestale e di Vigilanza ambientale”, a su comunu de Carloforte e a sa “Procura della Repubblica” de Casteddu.