> 27 « mes’e austu « 2009 « ilMinuto – notizie Mediterranee – edizione Sardegna

Archíviu de sa diri 27/08/2009

Apuntamentus de cras 28 de su mes”e austu

(IlMinuto) – Casteddu, 27 de su mes”e austu -

Cuartu Sant’Alèni, 28-30 de su mes”e austu, Centro Congressi Hotel Setar, II Tattoo Convention

Ossi, Festa de San Bartolomeo – sagra de is sizzigorrus

Istintinu, de su 28 a su 30 de su mes”e austu, campionau de Vela Latina


Cuartu Sant’Alèni
, 18.30, Festa di Liberazione, dibattidu po chistionai de “Call center: diritti appesi a un filo”

Casteddu, 20.00, “primu frimada” del Puetu, I edizioni de “Sa Passillara”

Pauli, 21.00, impiantus sportivus Riu Saliu, “A ciascuno il suo cinema”: cinema universali d’essai

Lanusè, 21.15, prazza Vittorio Emanuele, proiezioni de unu documentariu chi chistionat de s’istoria de sa bidda


Cuartu Sant’Alèni
, 21.00, piazza IV novembre, ballus de gruppu cun Fabrizio e Doriana

Ossi, 22.00, prazza s’Arzoledda, Piero Marras e Doc Sound in concertu

Sant’Anna Arresi, 22.00, prazza de su Nuraghe, “Ai confini tra Sardegna e Jazz”: Xenogenesis suite de Nicole Mitchell


Bidu Mayori
, 22.00, cantos a poesia


Mòguru
, 22.00, prazza pubblica, Festival RockAxia

Cossoine, 22.00, prazza pubblica, Tazenda in concertu

Biddanòa, 22.00, prazza Casula, serada musicali


Lungone
, 22.15, prazza Vittorio Emanuele, Ajo-Jo Mandi & Youngers

"Sa Passillara" duus passus in su Puettu tra prodottus localis e arti

(IlMinuto) – Casteddu, 27 de su mes”e austu – Unu merì in su Puettu tra is operas de is artistas de s’hinterland de Casteddu e is stand de cos”e pappai e buffai cun casu, zaffarranu, e is saluminis localis. Est custa s’idea de sa circoscrizioni nùmeru 5 de Casteddu, chi at aprontau “Sa Passillara”, una manifestazioni a intrada libera cun sa partecipazioni de is associazionis “Ius 3″ e is “Arteggiati”. S’apuntamentu est po cras, de is 20 a is 24, in su trettu chi s’incontrat tra via Elba e via Gorgona, in sa primu firmada de su Puettu.

Ispettaculus: Giobbe Covatta in Crabònia cun "Recital"

(IlMinuto) – Casteddu, 27 de su mes”e austu – Cumbatti cun d’una risada su diffizili rapportu tra su mundu occidentali e s’Africa. Est custa sa crai po liggiri “Recital”, s’ispettaculu chi Giobbe Covatta at a presentai cras in s’arena Mirastelle de Crabònia. Su còmicu e testimonial de s’Amref (sa Fondazioni “Africana per la Medicina e la Ricerca”) cumbattit – si podit liggiri in d’una nota – “in modu claru e senza cumpassioni is chistionis de su terzu mundu e de is vizius de is populus prus ‘avanzaus’, is disparidadis tra is populus prus riccus e cussus prus poberus”.

Iscòppiat sa moda de su tatuaggiu. Tres diris de mostras e concertus in su "centro congressi" de su Setar

(IlMinuto) – Casteddu, 27 de su mes”e austu – Apuntamentu de no pèrdiri po is appassionaus de su tatuaggiu. Po su segund’annu de fil”e pari, de su 28 a su 30 de su mes”e austu, su “Centro Congressi” de s’Hotel Setar, in Cuartu Sant’Alèni, at a presentai sa “Tattoo Convention Cagliari”. Protagonistas de s’iniziativa ant essi i mellus tatuadoris de s’Italia e de s’Europa. Tra is nominis prus importantis ddoi funt cussus de Andrea Afferni, Rudy Fritsch, Pietro Sedda e su team “Connessione Latina”. Ddoi ant essi puru concertus rock e mostras fotograficas. “Meda prus de 3milla visitatoris, su traballu estraordinariu de casi 70 tatuadoris provenientis de totu s’Italia e sa performance in su palcu de is artistas – si podit liggiri in d’una nota – ant animau in manera originali sa primu edizioni de s’eventu. Sa segunda non at essi de mancu”. (Su billettu po intrai a s’eventu est de 5 eurus)

Pd: Marino, "Bollu unu partidu aundi s’ùnica currenti chi contit siat cussa de is círculus"

(IlMinuto) – Casteddu, 27 de su mes”e austu – “Biviri su Pd, cambiai s’Italia”. Est custu su slogan de su candidau a sa segreteria de su Pd Ignazio Marino chi ariseru in Casteddu (T-Hotel) at presentau su própriu programma a is eletoris sadrus de su Pd. Cun issu ddoi furiat su presidenti de sa provìncia de Casteddu, Graziano Milia, cordinadori regionali de sa mozioni “Marino”, e su candidau a sa segreteria regionali de su partidu Carlo Balloi. “Unu de is arreconnoscimentus prus bellus de custa abbentura – at ispiegau su senadori Marino in su própriu blog – est iscobèrriri cussus chi funt torrendi a agatai sa cuntentesa e sa fidúcia agiudendi cuss’idea de “Partito Democratico” aundi s’ùnica currenti chi contat est cussa de is círculus”. “In custus duus annus – at scrittu in su própriu situ Milia – esti stetiu  gestiu in d’unu modu chi at creau scéti pagu continuidadi, puru senz”e  bolli renunziai a sa voluntadi mamma de fundamentu de su Pd”. Su situ de su “Partito Democratico Sardo” no at donau contu, finzas a immoi, de s’iniziativa.