> 2009 mes’e austu 28 | ilMinuto

Archíviu de sa diri 28/08/2009

Apuntamentus de lunis 31 de su mes”e austu

(IlMinuto) – Casteddu, 28 de su mes”e austu -

 

Irbonu, ispettaculu de Boes e Merdules

Lungone, 6.00, riba de Rena Bianca, “Musica sulle bocche”: Mario Laginha pianu forti

Bidu Mayori, 22.00, cantus tradizionalis a chitarra

Apuntamentus de custu fin’e cida

(IlMinuto) – Casteddu, 28 de su mes”e austu -

 
Sabudu 29 de su mes”e austu

Santa Margherita di Pula, Is Molas, Grand Prix Circuit de Golf

Padria, X edizione de su premiu letterariu “Gurulis Vetus” in s’arregordu de Gavino De Lunas

Cuartu Sant’Alèni, “centro congressi” de s’Hotel Setar, finzas a su 30 de su mes”e austua II giornada de sa Tattoo Convention

Baressa, 29-30 de su mes”e austu, Sagra de sa mendula

Biddanòa, 8.30, Festa de San Giovanni Battista – processioni de is Cavaglieris

Ula, 16.00, Sagra de sos Cannisones

Aùstis, 17.00, Ichnusa festival 2009

Arruìnas, 17.30, Finali de su festival-concursu Artes e Sonos

Cuartu Sant’Alèni, 18.30, prazza IV novembre, festa di Liberazione: dibattisu po chistionai de sa politica cittadina

Santu Bainju, 19.30, prazza pubblica, concertu “Musica nel sangue” – alle 22.00 concertu de is Kna

Serrenti, 19.30, Casa Corda, “Show di un’estate in compagnia” – ispettaculu de is pipius chi ant partecipau a su progettu “a la riscoperta della natura”

Cuartu Sant’Alèni, 21.00, prazza IV novembre, ballus de gruppus

Casteddu, 21.00, Anfiteatru romano, Bandabardò in concertu

Assèmini, 21.30, anfiteatru, concertu de is Keltaloth

Brevie, 22.00, prazza pubblica, karaoke e ballus

Montresta, 22.00, Isola del teatro: Marco Aime in “Una bella differenza”

Sant’Anna Arresi, 22.00, prazza Nuraghe, “Ai confini tra jazz e Sardegna”: The Trio in concertu

Lungone, 22.15, prazza Vittorio Emanuele, concertu de s’Enzo Favata Quintetto Atlantico

Casteddu, 23.00, Corto Maltese, concertu de Dr. Drer

Casteddu, 23.00, Palazzo Civico, “I solisti dell’ensemble musike”

domìnigu 30 de su mes”e austu

Santa Margherita di Pula, Is Molas, “Coppa del Consiglio” de Golf

Sestri Levante, localidadi Santa Vittoria, sagra de su proceddu sardu “Su porceddu”


Cuartu Sant’Alèni
, 21.00, prazza IV novembre, Mamavibe reggae vibration in concertu


Bidu Mayori
, 22.00, ispettaculu de Tenores e ballus de gruppu


Biddaspetziosa
, 22.00, prazza pubblica, concertu de is Tazenda


Brevie
, 22.00, prazza pubblica, ispettaculu musicali cun su gruppu Maracaibo

Sant’Anna Arresi, 22.00, prazza Nuraghe, Cards for Orchestra – Made in Chicago

Montresta, 22.00, Isola del teatro: Marco Aime in “Eccessi di culture”

Lungone, 22.15, prazza Vittorio Emanuele, concertu de sa Calixto Oviedo band


Montresta
, 23.00, Isola del teatro: Simona Salis in “Janas e dimonis”

Volley feminili: tres isfidas tra Italia e Serbia po su Trofeu de su Mediterraneo

(IlMinuto) – Casteddu, 28 de su mes”e austu – Sa pallavolo importanti in Sardigna. De su 4 a su 6 de su mes”e cabudanni sa nazionali feminili italiana de volley – patena de oru in is ultimus campionaus europeus – at a deppi cumbattiri po tres bortas s’isquadra de sa Serbia po binciri su II Trofeu de su Mediterraneo. Su tour at a partiri de Casteddu (4 de su mes”e cabudanni) po arribai a Tortuelie (5 de su mes”e cabudanni) e finiri a Tàtari. Is partidas ant essi ùtilis po cumpriri sa preparazioni de is italianas po su campionau europeu chi at a benni, de su 25 de su mes”e cabudanni a su 4 de su mes”e ledaminis in Polonia.

Artes e Sonos, ottu band cras in Arruìnas po sa finali de su festival

(IlMinuto) – Casteddu, 28 de su mes”e austu – Lobokassam, Karta Karbone, Rita Medda & Etnicamente, Tribulia, Effelle, Getsemani, MoM e Roberto Podda: ant essi is band protagonistas de sa finali de “Artes e Sonos Marmilla 2009″, chi at a tenni cras in Arruìnas a partiri e is 17.30. “Is gruppus – si podit liggiri in d’una nota – funti stetius scioberaus a pustis de un’attenta selezioni de parti de una giuria qualificada, chi at ascurtau is branus originalis presentaus in is semifinalis”. Sa band chi at a binci sa serada de Arruìnas at a binci sa registrazioni de unu master in studiu e sa partecipazioni a su Meeting de is “Etichette indipendenti” de Faenza, un’importanti occasioni in su panorama italianu.

Festa de Liberazione Cuartu: dibbatidu, is sinistras torrant a partiri de s’autocrìtica

(IlMinuto) – Casteddu, 28 de su mes”e austu – “No seus arrennescius a cambiai is condizionis de vida de su populu nostru e immoi seus tochendi in primu persona sa mancànzia de fiducia in is forzas nostras politicas”. Cun custus fueddus su dirigenti de su Prc, Enrico Lobina, at introdùsiu su dibbatidu chi s’est tentu ariseru in Cuartu Sant’Alèni in sa “XII Festa di Liberazione” po chistionai de is isperànzias de sa sinistra comunista e anticapitalista. “In veci de prestai atenzioni a su mund”e su traballu – at spiegau su segretariu regionali de Rifondazione comunista Gianni Fresu – si seus castiaus su bìddiu. No eus tutelau comenti si depit su mundu nostru”.

Si de Fresu est beniu s’indicu de “torrai a ponni a tema sa batalla tra capitali e traballu” sa consillera regionali de is Rossomori, Claudia Zuncheddu, at pesau dùbbius, chistionendi de sa centralidadi de s’industria in su futuru de s’isola. “Sa risorsa nostra prus manna – at precisau sa sardista de sinistra – est s’ambienti. Seus segurus chi su modellu d’isviluppu impostu a sa Sardigna esti stetiu giustu? In is zonas industrialis eus assistiu a s’aumentu de s’indici de is tumoris. In Pòrtu Turre ddoi est su 14 po centu de sa diossina de totu s’Europa. S’industria est a iscadènzia: depeus sceberai istradas noas”.

A pustis su dibbatidu at cambiau tema, po chistionai de is unionis tra partidus. Claudio Giorgi, su segretariu regionali de su Pdci, at fattu sa proposta de torrai a partiri de s’unidadi de is comunistas po costruiri unu nou centrusinistra. Su cordinadori regionali de Sinistra e Libertà, Pietro Maurandi, at in veci indicau sa via po costruiri unu partidu unicu aundi ddoi depint essi totus is ànimas de sa sinistra po s’uniri a pustis cun su Pd. ” Est difícili – at osservau Fresu – fai s’unidadi a sinistra cun chini at fattu is medas una divisioni”.