> 2009 mes’e austu | ilMinuto - Part 2

Archìviu de mes'e austu 2009

Pàgina 2 de 36

Iscola: Espa (Pd), "Acuitu is ‘ammortizzatori sociali’ po is traballantis de s’industria de sa cultura"

(IlMinuto) – Casteddu, 31 de su mes”e austu – ” Est nezzessariu allargai de pressi is ‘ammortizzatori sociali’ a is precarius de s’iscola, traballantis de s’industria de sa cultura”. Est cantu proponit cun d’un’interventu in su própriu blog su consilleri regionali de su Partito Democratico Marco Espa. In Sardigna funt 2200 is traballantis precarius de s’iscola pubblica. “Is notìzias de oi (ariseru po chi liggit, n.d.r.) – spiegat Espa – chi bint is precarius de s’iscola chi traballant de medas annus de botu senz”e traballu, si donat arrexoni”. “Su 17 de su mes”e argiolas iaus dimandau in tempus – precisat s’esponenti democratico – a su Consillu regionali e a sa Giunta regionali de obèrriri una vertenza cun su Guvernu nazionali po difèndiri s’iscola in Sardigna, ma sa Giunta e su Consillu iant pensau de bullai in modu pagu bellu sa nostra proposta comenti ordini d’istadda po difèndiri is ministrus de Roma e po ratificai un’accordu de foras de conca cun sa Gelmini”.

Viàgiu in is call center, aundi "is dirittus diventant concessionis"

(IlMinuto) – Casteddu, 31 de su mes”e austu – “Dirittus appicaus a unu filu”: custu est su títulu de su dibattidu – cordinau de su responsàbbili de su traballu de su Prc Casteddu Roberto Loddo – chi s’est tentu cenàbara in Cuartu Sant’Alèni po sa “Festa di Liberazione”. Cussu de is call center, at nau su sindacalista de sa Slc Cgil Giuseppe Nonnis, “est unu fenómenu chi esti stetiu tratau in is ùltimus annus cun calincunu liburu e calincunu film, perou lassendi stai custu, sa cosa no est andada prus innantis de aici. In aterus stadus, chini traballat in custu campu ddu fait in ateras condizionis. In Italia, e in modu particulari in Sardigna, esti stetiu fattu unu meccanismu de contrazioni de is dirittus chi no tenit esempius ugualis in aterus stadus. Un’arrexonamentu condivìdiu de su responsàbbili nazionali de su “dipartimento inchiesta” de su Prc, Vittorio Mantelli. “Is dipendentis de is call center – at nau – bivint in d’una condizioni “neo-servile”, aundi sa solidariedadi tra traballantis est meda difícili. Su sindacau, perou, iat a podi fai calincosa de prus. In s’isola funt circa 8milla is operatoris de is call center: acanta a realidadis prus mannas comenti Sky ddoi funt realidadis pur piticas cun contornus pagus clarus. “Ddu est unu mundu de call center meda piticus – at nau su cordinadori de s’area call center de sa Slc Cgil Antonio Pola – aundi s’imperativu est bendiri e  is dirittus diventant concessionis. Logus de traballu aundi, si no bendis, ses biu comenti unu rigettau chi portat disgrazias, e ses lassau in d’un’arranconi”.

Legambiente: de su 4 a su 6 de su mes”e cabudanni una "Festa del Mare" contra a su nucleari

(IlMinuto) – Casteddu, 31 de su mes”e austu – Ocannu puru si rinnovat s’apuntamentu cun sa “Festa del Mare”. De su 4 a su 6 de su mes”e cabudanni Santa Luxia de Thiniscòle at essi su centru de sa sesta edizioni de s’apuntamentu organizzau de Legambiente. Ddoi ant essi dibattidus, concertus, stand de cos”e pappai e buffai e ispazius po is esposizionis, contemporaneamenti dd’at essi sa manifestazioni de sensibbilizzazioni “spiagge pulite” – chi s’at a fai dognia mangianu po opera de is volontarius – chi at a sighiri po tres diris. Su ‘no’ a s’energia nucleari at essi su fueddu chi at a animai sa Festa de su 2009 e at a “arremaciai – si podit liggiri in d’una nota de Legambiente Sardegna – s’opposizioni nostra a sa torrada de unu tipu de energia chi ponit in discussioni politicas chi funt prus accanta a sa realidadi, comenti investiri po s’isviluppu de is energias rinnovabilis in su stadu nostru.

Totus is borsas de istudiu e is garas de appaltu: agguanta su futuru cun sa sezioni bandus de IlMinuto

(IlMinuto) – Casteddu, 31 de su mes”e austu – Borsas noas po sa ricerca e premius de laurea po totus is tipus de istudiu fattus, bandus de gara in sa certificazioni de calidadi e in su terzu settori, cuncursus de ideas po is professionistas e bandus de gara po sa predispozioni de progetus de ricerca po s’isviluppu tecnologicu. Funt custus is temas de is ultimus abbisus ide sa sezioni “Bandus” de IlMinuto. Una cartina curada dognia diri po bessiri de su “laberintu” de sa crisi economica. Sa consultazioni de sa sezioni bandus est po is abbonaus.

Ligi sa pagina de is abbonamentus:

http://www.ilminuto.info/pagina.php?id_pagina=15

Apuntamentus de oi

(IlMinuto) – Casteddu, 28 de su mes”e austu -

 

Irbonu, ispettaculu de Boes e Merdules

Lungone, 6.00, riba de Rena Bianca, “Musica sulle bocche”: Mario Laginha pianu forti

Bidu Mayori, 22.00, cantus tradizionalis a chitarra