De sa Regioni 22 milionis de eurus a is iscolas po s’infanzia chi no funt statalis

(IlMinuto) – Casteddu, 24 de su mes”e cabudanni – Nonostanti in Sardigna siat previdia sa serradura de 300 iscolas de su Stadu in pagus annus e siant giai 2500 is precarius de s’Instruzioni chi ant a pèrdiri su traballu in s’Isola, sa Giunta Cappellacci e sa maggioranzia de centrudestra in Consillu no faint mancai in dognia modu su sustegnu de sa Regioni a is iscolas de s’infanzia chi no funt statalis. Sa Finanziaria de su 2009 donat 22 milionis de eurus (duus in prus a confrontu de su dinai donau po s’accordu Baire-Gelmini) po “fai fronti a is onerus sempri prus mannus de gestioni a carrigu de cussas’e totu”. Una delibera de pagu tempu fait de sa Giunta approvàt puru is “critèrius nous e is modalidadis de concessioni e de rendicontazioni de is contributus”.