> 2009 mes’e ledàminis 01 | ilMinuto

Archíviu de sa diri 1/10/2009

Apuntamentus de cras 2 de su mes”e ledaminis

(IlMinuto) – Casteddu, 1 de su mes”e ledaminis -

 

 

Casteddu, finzas a su 3 de su mes”e ledaminis, parcheggius de Monte Claro, “Festa comunista per l’Unità”

 

Casteddu, finzas a su 4 de su mes”e ledaminis, Teatru T.Off, II rassegna Danzainmovimento

 

Ollolai
, 2-4 de su mes”e ledaminis, Pastores Tenores 2009

 

Casteddu Sardu
, 2-4 de su mes”e ledaminis, “Giornate medievali”

 

Terràba, 2-5 de su mes”e ledaminis, II edizioni de sa manifestazioni artistica Agorart

 

Crabònia, 16.30, Centru anzianus, III “Festa dei nonni”

 

Casteddu, 17.00, Caesar’s Hotel, dibattidu po chistionai de “Piano per l’edilizia. Sardegna cementificata per quattro soldi”

 

Rivoli, 18.00, Circolu de is sadrus “Quattro Mori”, concertu de su duu sadru Bentesoi

 

Casteddu, 18.00, “Palazzo dei Sali sciolti”, “Scirarindi”, convegnu po chistionai de “alimentazione biologica”

Casteddu, 18.30, Exmà, Massimo Carlotto presentat “L’amore del bandito”
 

Casteddu, 18.30, Parcu de Monteclaro, “Festa comunista”: dibattidu po chistionai de: “Le mani sulla città: Cagliari e il malgoverno”

 Sestu, 18.30, prazza I maggio, “Marcia per la pace e la non violenza”

 

Casteddu, 21.00, Cineteatru Nanni Loy, rassegna cinematografica glbt “Uno sguardo normale”

 

Bidda Matzràxa, 22.00, Chilly Pepper, Jokers on Air – ispettaculu musicali

Sa Fiom sadra si preparat po s’isciòpiru de su 9 de su mes”e ledaminis, "Firmai is lissenziamentus"

(IlMinuto) – Casteddu, 1 de su mes”e ledaminis – Organizzai s’unioni po su isciòpiru nazionali de is metalmeccanicus organizzau po su 9 de su mes”e ledaminis. Cun custu obbiettivu is cuadrus e is delegaus de sa Fiom sadra si funt donaus apuntamentu custu mangianu in sa sedi Cgil de viale Monastir. Sa piattaforma de is metalmeccanicus de sa Cgil est clara. “Sa Fiom pedit – si podit liggiri in d’unu comunicau – su rinviu de s’applicazioni de su modellu de cuntrattu nou (chi po su sindacau penalizzat is traballantis, n.d.r) e proponit de firmai is lissenziamentus, su pretestu de sa cassa integrazioni po duus annus e s’estensioni de is ammortizzadoris sozialis puru a is traballantis precarius e a tempus determinau”.

Iscola: sa litera de is precarius de s’instruzioni de Aristanis a is cittadinus e a is amministradoris

(IlMinuto) – Casteddu, 1 de su mes”e ledaminis – “Comenti maistus de dognia ordini e gradu chi bivint dognia diri su damnu e su malesseri de unu sistema scolasticu sempri prus assenti de una politica de imbistimentus e sempri prus sugeta a una razionalizzazioni foras de contu, intendeus su bisóngiu de si girai a bosatrus, cittadinus e amministradoris de is comunidadis nostras, po fait si chi possat crèsciri unu rapportu de reciprocu agiudu po difèndiri s’instruzioni, bia comenti unu’istrumentu preziosu de progressu e acrescimentu”. Cumenzat cun custus fueddus sa litera oberta chi su Coordinamentu precarius de s’Iscola de Aristanis at spediu a is cittadinus e a is amministradoris de su territoriu. Is precarius de s’instruzioni aristanesus dinunziant, ancora una borta, is costus de sa riforma Gelmini po sa Sardigna: 2448 postus de traballu de mancu e 300 iscolas serradas in is comunus prus piticus. Su cordinamentu pedit a totus is cittadinus de participai a su Consillu provinziali estraordinariu convocau po su 9 de su mes”e ledaminis a is 17.30 e a sa manifestazioni de su 23 de su mes”e ledaminis in prazza Roma, in Aristanis.

Liggi totus is notizias de IlMinuto chi chistionant de iscola:

http://www.ilminuto.info/archivi.php?tipo=argomenti&argomento=scuo

Centrali eolica a Is Arenas, s’oposizioni de provìnzia e comunus

(IlMinuto) – Casteddu, 1 de su mes”e ledaminis – Sighit a crèsciri s’oposizioni a sa costruzioni de sa centrali eolica de 80 turris de 130 metrus in su tretu de mari a facc”e de Is Arenas. Lùnis chi benit, in su Teatru Garau de Aristanis, s’assembrea provinziali e is consillus comunalis de Narbolia, Sant’Eru e Cuglieri s’ant a riuniri impari po votai tutus unu documentu contra a sa costruzioni de su “mostru” eolicu.

Sabatini (Pd), sa Barracciu usat sa finanziaria scéti comenti "mezzu po si fai notai"

(IlMinuto) – Casteddu, 1 de su mes”e ledaminis – A pagus cidas de is primarias po s’elezioni de su segretariu regionali crescit su nervosu aintru de su Partito Democratico. “Sa consillera Barracciu – at scrittu su consilleri regionali ogiastrinu, de sa mozioni Bersani, Franco Sabatini in d’unu comunicau stampa – si bollit diaderu intervènniri po sa chistioni de sa lei finanziaria, cun propostas beras e po dda mellorai, in veci de dda usai scéti comenti mezzu po si fai notai in d’unu momentu de campagna elettorali, bengat in commissioni Bilànciu, comenti vicepresidenti, e s’agiudit in custa batalla”.