> 2009 mes’e ledàminis 06 | ilMinuto

Archíviu de sa diri 6/10/2009

Apuntamentus de cras 7 de su mes”e ledaminis

(IlMinuto) – Casteddu, 6 de su mes”e ledaminis -

 

 

 

Casteddu, 17.30, Teatro Alkestis, Cineanimeshon – rassegna de manga, animas e games giapponesus

 

 

Casteddu, 18.00, via Monte Santo 28, assemblea de su “Comitato Precari Scuola Cagliari”

 

 

Casteddu, 18.30, “Atelier delle Sorelle Piredda”, presentazioni de su romanzu “Per le mute vie” de Eliano Cau

 

 

Nùgoro, 19.00, Officinas Bam Design, presentazioni de liburu nou de Marcello Fois “Stirpe”

 

 

Casteddu, 20.30, cripta del sa Crèsia de San Sepolcro, “Teatro di guerra 2009 – il mio tempo verrà” in memoria de Anna Politoskaja

 

 

Casteddu, 20.30, Cineteca sarda, Metisse cinema Meticcio – proiezioni de su film “L’ospite inatteso” de Tom McCarthy

Fresu (Prc): "Sa Giunta Cappellacci s’est svelendi una banda de ciapuzeris"

(IlMinuto) – Casteddu, 6 de su mes”e ledaminis – “Cantu est acontessiu in Consillu regionali, cun s’emendamentu a su ‘Piano casa’ po edificai intru sa fascia de is 300 metrus, est de una gravidadi sez”e torrada”. Ddu narat cun d’unu comunicau stampa su segretariu regionali de su Prc Gianni Fresu. “Teneus totus asuta de is ogus – precisat Fresu – sa sciàsciu ambientali de Messina fill”e su ‘matoni spérdiu’ e teneus ancora biu s’arregodu de s’allagamentu de Cabudèrra de s’annu passau. Nonostanti custu, sa magiorànzia at aprovau una norma chi est un’iscandalu, una norma chi fait fai unu passu agoa de 30 annus a sa legislazioni urbanistica sadra”. “Cappellacci e sa Giunta de cussu ‘e totu -  concluidit su segretariu de Rinfondazione – si funt ammostendi diri po diri sempri prus una banda de ciapuzeris chi bollit sighiri scéti su própriu interessu”.

"Piano casa": custumerì su presidiu de Wwf, Legambiente e Italia nostra. S’adesioni de sa Cgil

(IlMinuto) – Casteddu, 6 de su mes”e ledaminis – Crescit su no a su “piano casa”. Custu merì a is 18.00, a facc”e su Consillu regionali, s’at a tenni unu presidiu aprontau de  Wwf, de Legambiente e de Italia nostra po “salvai is costas sadras”. “Cun s’aprovazioni de su segundu artículu de su ‘piano casa’ – si podit liggiri in d’una nota fatta connòsciri de is aprontadoris – su Consillu regionali at fattu sì ca, po sa primu borta a pustis de 30 annus, ddoi siant aumentus de cubaduras in sa fascia de is 300 metrus de su mari”. S’iniziativa de is organizzazionis ambientalistas at biu s’adesioni de sa Cgil regionali, chi at a participai a sa manifestazioni. “S’iscera de intervènniri po s’interessu alberghieru – afirmat su sindacau in d’una nota stampa – po mellorai sa capassidadi de aghilli genti e arricchiri s’oferta (cungressuali, ricreativa, sportiva) in d’una lógica de allonghiamentu de sa stagioni turistica, est azzettabili. Cussu chi no est claru est cali lógica possat ai ispirau sa misura chi fait in modu de aumentai is volumetrias de is domus privadas in sa fascia de is 300 metrus, si no cussa bófia de sa boluntadi de destruiri una politica de tutela e de respetu”. “Su disignu de lei – dimandat sa Cgil – andat modificau atressu de su cunfrontu cun is partis sozialis”.

"No a s’eolicu in mesu a su mari": sa protesta contra a sa centrali eolica de Is Arenas arribbat in Consillu regionali

(IlMinuto) – Casteddu, 6 de su mes”e ledaminis – At coinvoltu puru su Consillu regionali su movimentu de opposizioni a sa costruzioni de sa centrali eolica de 80 turris de 130 metrus in su tretu de mari a facc”e Is Arenas. Custu mangianu circa 150 manifestantis de su Comitau spontaneu “No a su campu eolicu de Is Arenas” si funt agataus asuta e is porticus de via Roma po pediri su stop a sa costruzioni de s’impiantu. “Nosu seus favorabilis a s’eolicu – at nau su segretariu regionali de Italia Nostra Graziano Bullegas – ma seus contra a sa distruzioni de unu paesaggiu meravigliosu. Is centralis eolicas, segundu cantu previdiu puru de su “Piano paesaggistico” regionali, andant costruias in areas industrialis dismittias o in zonas de pagu contu”. Is manifestantis puntant a ottèniri su bloccu de sa concessioni demaniali de parti de sa Capitaneria de Portu. Cun su propriu obbiettivu ariseru su Consillu provinziali de Aristanis e cussus de is comunus de Nrabuia, de Sant’Eru e de Cuglieri ant approvau unu documentu comunu. Segundu cantu dichiarau ariseru de su presidenti de sa Giunta, puru sa Regioni at a presentai – intru su termini ultimu de s’ottu de su mes”e cabudanni – un’espostu contra a sa costruzioni de s’ecomostru.

S’arti contemporanea abbrazzat cussa preistorica. Stage cun Forges Davanzati riservau a is under 30

(IlMinuto) – Casteddu, 6 de su mes”e ledaminis – Scadint custu mangianu is terminis po s’iscriri a “Lontano da un’isola”, stage po sa circa de unu codici chi siat comunu a s’arti contemporanea e a cussa preistorica. Su progettu, organizzau de su Consorzio Kaisten, est po giòvanus artistas chi no tenit àncora 30 annus. S’iniziativa est finanziada de sa provìnzia de Casteddu e est realizzada in collaborazioni cun sa “Soprintendenza per i beni archeologici” de Casteddu e de Aristanis, su “Centro comunale Area 3″ e su “Spazio P”. Su stage, de sa durada de pagus cidas, est a gratis e s’at a concluiri probabilmenti s’11 de su mes”e totussantus, cun d’una mostra in su “Spazio P”. Is lezionis ant essi fattas de s’iscultori Andrea Forges Davanzati, agiudau de sa critica de arti Alessandra Menesini e de s’arteterapeuta Monica Mariani.