> 2009 mes’e ledàminis 07 | ilMinuto

Archíviu de sa diri 7/10/2009

Apuntamentus de cras 8 de su mes”e ledaminis

(IlMinuto) – Casteddu, 7 de su mes”e ledaminis -

 

 

 

Casteddu, 8-25 de su mes”e ledaminis, quarteri de Castello, Karel Music Expo

 

 

Casteddu, 8-11 de su mes”e ledaminis, Exmà, festival de letteratura po pipius Tuttestorie “Aiuto sto cambiando. Racconti, visioni e libri per rospi da baciare”

 

 

Serrenti, 17.00, ex Mattatoiu, “Librando nel Medio Campidano”: primu esposizioni dell’editoria sadra

 

 

Casteddu, 17.30, Teatru Alkestis, CineanimeShon

 

 

Torinu, 18.00, Festival Cinemambiente, proiezioni de su film Oil

 

 

Tàtari, 18.00, saletta Odradek, presentazioni de su liburu “Lenin lettore di Marx” de Gianni Fresu

 

 

Casteddu, 20.30, Cineteca sarda, Metisse cinema Meticcio – proiezioni de su film “Tocco di zenzero” de Tassos Boulmetis

 

 

Casteddu, 21.00, Teatru Civico, presentazioni ufficiali de “Tempesta di soli”, discu nou de su gruppu “The erotic monkey”

 

 

Pòrtu Turre, 0.00, presentazioni de s’album nou de is Stranos Elementos

Portovesme srl: is traballantis sighint su presidiu in viale Trento abetendi s’atóbiu de su 15 de su mes”e ledaminis tra sa Giunta e su Governu

(IlMinuto) – Casteddu, 7 de su mes”e ledaminis – At a sighiri finzas a su 15 de su mes”e ledaminis – diri fissada po s’atóbiu tra sa Giunta regionali e su ministru de su “Sviluppo economico” Antonio Scajola – su presidiu esternu in viale Trento, in Casteddu, de is traballantis de sa Portovesme srl, chi ariseru iant ocupau calincunu ufíciu de su Palazzu de sa Regioni. “Sa Giunta – precisat su consilleri regionali de su Pd Giampaolo Diana – podit e depit spingi su Guvernu ‘amigu’ a currígiri sa diretiva de su Ministru Scajola, chi at in is fattus aggravau sa cosa po is impresas sadras chi bivint de energia ponendi parametrus chi creant damnu a su pianu energeticu nazionali. Unu pastìcciu chi is traballantis Portovesme srl e cussus de totu su Surcis funt paghendi caru”. De is 700 traballantis de s’azienda in su polu industriali surcitanu – spiegat una nota de sa Cgil – 450 funt in cassa integrazioni, su blocu de is produzionis si bidi puru po aterus 600 traballantis de s’indottu. “Su nuu de sa chistioni est su costu de s’energia – ispiegat su segretariu de sa “Camera del Lavoro” de su Surcis Mario Grecu – su 31 de su mes”e paschixèdda scadint is acórdius cun is aziendas chi iant permitiu s’abbasciamentu de is tarifas, ma Regioni e Guvernu no ant donau respostas in meritu a cussu chi iat a depi sussediri in cussa data”.

Parcu eolicu a Is Arenas: no unanimi de su Consillu regionali

(IlMinuto) – Casteddu, 7 de su mes”e ledaminis – Est sempri prus forti su no a sa costruzioni de su parcu eolicu in su tretu de mari de Is Arenas, in s’aristanuesu. Custu mangianu su Consillu regionali at approvau a s’unanimidadi un’odg chi impegnat sa Giunta regionali a si opponiri a su rilasciu de sa concessioni demaniali nezzessaria po sa costruzioni de is 80 turris eolicas de 130 metrus.

Premiu Alziator: is finalistas

(IlMinuto) – Casteddu, 7 de su mes”e ledaminis – Funti stetius rendius pubblicus is nomins de is 12 finalistas de sa III edizioni de su Premiu letterariu Alziator. Tra is 252 operas presentadas, sa giuria, guidada de Salvatore Niffoi, nd’at scioberaus unu nùmeru prus artu de su 30 po centu si cunfruntau cun cussu de s’annu passau. Sa premiazioni s’at a tenni su 28 de su mes”e ledaminis in su Teatru Lirico de Casteddu. Sa diri, po su centesimu anniversariu de Alziator, at essi realizzau un’ispeciali “annullo filatelico”.

Is finalistas:

Narrativa:

Ugo Barbàra – “In terra consacrata”
Gianfranco Manfredi – “Ho freddo”
Silvia Ronchey – “Il guscio della tartaruga”

Saggistica:

Remo Bodei – “Paesaggi Sublimi”
Gianni Olla – “Dai Lumière a Sonetàula”
Gianni Sirigu – “Il Falco pellegrino”

Sezioni ispeciali:

Al-Aswani Ala – “Se non fossi egiziano”
Doron Lizzie – “Perché non sei venuta prima della guerra”
Ashur Radwa – “Atyàf”

Ineditus:

Viviana De Cecco – “Il giardino delle ombre cinesi”
Stefania Mannu – “La via cisto”
Claudia Zorzi – “Il Cavaliere dell’Arazzo”

CineanimeShon, in Casteddu sa primu rassegna dedicada a s’animazioni giapponesa in Sardigna

(IlMinuto) – Casteddu, 7 de su mes”e ledaminis – Proiezionis cinematograficas de is classicus de s’animazioni giapponesa, workshop cun is maistus de su manga, ispettaculus, videogiogus e poesia haiku. Est custa sa proposta de CineanimeShon, sa primu rassegna dedicada a is manga, a is games e a is animas giapponesas in Sardigna. S’apuntamentu pigat su via custumerì in su Teatru Alkestis de Casteddu (17.30) po sighiri finzas a 29 de su mes”e de tutussantus. Tra is protagonistas de sa rassegna ddoi est Bepi Vigna, tra is medas cosas autori puru de Nathan Never, impegnau de cras a sàbudu po unu seminariu chi chistionat de fumettus manga. De segnalai puru s’ispettaculu teatrali “Ecce robot”, in programma cenabara 9 de su mes”e ledaminis a is 21.30, e sa proiezioni de su “Castello di Cagliostro”, s’avventura de Lupin III realizzada in 1979 de su maistu Hayao Miyazaki.