> 08 « mes’e ledàminis « 2009 « ilMinuto – notizie Mediterranee – edizione Sardegna

Archíviu de sa diri 8/10/2009

Apuntamentus de cras 9 de su mes”e ledaminis

(IlMinuto) – Casteddu, 8 de su mes”e ledaminis -

 

 

Casteddu, finzas a su 25 de su mes”e ledaminis, quarteri de Casteddu, Karel Music Expo

 

Casteddu, finzas a s’11 de su mes”e ledaminis, Exmà e prazza san Cosimo, festival de letteratura po pipus Tuttestorie “Aiuto sto cambiando. Racconti, visioni e libri per rospi da baciare”

 

Serrenti, finzas a s’11 de su mes”e ledaminis, ex Mattatoiu, “Librando nel Medio Campidano”: primu esposizioni de s’editoria sadra

 

Meàna
, 9-11 de su mes”e ledaminis, “Autunno in Barbagia”

 

Gavoi, 9-11 de su mes”e ledaminis, “Autunno in Barbagia”

 

Casteddu, 16.00, Teatru Alkestis, CineanimeShon – workshop po chistionai de su fumettou manga cun Bepi Vigna

 

Casteddu
, 16.00, Aula magna de su Palazzu de Giustizia, convegnu po chistionai de “uranio impoverito”

 

Nùgoro
, 17.00, Teatru Eliseo, “Liberiamo il futuro a Nuoro” Francesca Barracciu, Renato Soru e Antonello Soro in d’un’atobiu cun ssostenidoris de sa provinzia

 

Aristanis
, 17.30, Aula de su Conisillu de sa Provinzia, stobiu de su Consillu regionali po chistionai de chistioni de s’ iscola e dei precari dell’instruzioni

 

Crabònia, 19.30, Cresiedda de Santa Lucia, stobiu cun Umberto Guidoni – Sinistra e Libertà

 

Tàtari, 23.00, largu Pazzola, ispettaculu musicali de is Bentesoi

Calix Sardiniae, su premiu de is protagonistas de s’enologia sadra

(IlMinuto) – Casteddu, 8 de su mes”e ledaminis – Premiai is protagonistas, chi siant personas o aziendas, chi cun s’impignu insoru ant contribbuiu a su suzzessu de su percursu nou de s’enologia sadra: cun custu spiritu esti stetiu aprontau Calix Sardiniae, su Premiu de su binu in Sardigna. In sa serada finali, chi s’at a depi tenni su 30 de su mes”e ledaminis in Casteddu, ant essi premiaus su prus bellu tra is binus biancus, arrubius e rosaus de s’annu, su mellus comunicadori po su binu sadru, s’enologu e s’eventu enologicu de s’annu. Est possibbili partecipai a su votu pedendi sa scheda a s’indirizzu email: bottegheinpiazza@hotmail.it.

Cgil a Cappellacci: "Nominit s’assessori de su traballu nou"

(IlMinuto) – Casteddu, 8 de su mes”e ledaminis – “Ddi dimandaus de bolli procèdiri a sa nomina de s’assessori nou de su Traballu po pòniri fini in custu modu a su stadu de precariedadi própriu de s’atividadi de s’amministrazioni de chini guvernat”. Cun custus fueddus si serrat sa lítera de sa Cgil chi pedit a su presidenti de sa Regioni, Ugo Capellacci, de nominai un’esponenti nou de sa Giunta a sa guida de s’ Assessorau de via XXVIII Febbraio. “De candu s’est insediada sa Giunta – precisat su testu fattu connòsciri de s’Ufíciu stampa Cgil – is sindacaus, nonostanti sa gravidadi de sa cundizioni de su traballu in s’Isola, no ant mai póssiu atobiai s’assessori a su Traballu, cun totu cussu chi custu fattu comportat”. Tra is casus foras de contu, dinunziaus de su sindacau sadru prus mannu, ddoi funt sa scrittura de su pianu de imparu po is traballantis chi gosant de is ammortizzadoris sozialis ‘in deroga’ (cun sa pena de depi torrai su dinai arriciu de s’Inps), sa stabilizzazioni de is traballantis sozialmenti útilis e s’iscadènzia chi benit po is cuntratus de is dipendentis de is Cesil e de is Csl.

"Berlusconi depis lassai s’incarrigu": Casteddu, presidiu de sa Federazioni de sa sinistra a facc”e de sa Prefetura

(IlMinuto) – Casteddu, 8 de su mes”e ledaminis – A pagu prus de 24 oras de candu sa “Corte costituzionale” at bullau su “lodo Alfano”  s’oposizioni de sinistra si mobilitat po pediri s’abbondonu de s’incàrrigu de parti de su presidenti de su Consillu Silvio Berlusconi. Sa Federazioni de sa Sinistra – chi aghillit Prc, Pdci e Socialismo 2000 – s’est donada apuntamentu custumerì po diversus presidius a facc’e de is prefeturas. In Casteddu s’apuntamentu est in prazza Palazzo a is 17.30.

Ammortizzadoris sozialis "in deroga": is nùmerus de sa crisi in provìnzia de Casteddu

(IlMinuto) – Casteddu, 8 de su mes”e ledaminis – Su 47 po centu de is traballantis in mobilidadi in deroga (161) e su 36 po centu (641) de is dipendentis chi funt in cass’integrazioni, cussus puru in deroga, de sa Sardigna traballant in sa provìnzia de Casteddu. Funt custus is datus fattus conòsciri de sa Cisl Casteddu a pustis de s’accordu de ariseru tra s’”assessorato regionale del Lavoro” e is sindacaus confederalis. Comenti si bidi is nùmerus riguardant scéti is ammortizzadoris concèdius in deroga rispettu a is leis chi funt vigori. “Custu datu – si podit liggiri in d’unu documentu de sa Cisl de Casteddu – est  sa dimostrazioni ca sa crisi sighit a colpiri pesantementi sa provìnzia nostra. No ddoi funt is crisis de is aziendas mannas chi caratterizant unu territoriu e chi prenint is paginas de is giornalis, ma ddoi funt medas casus drammaticus chi coinvolgint casi totus is settoris”.