> 12 « mes’e ledàminis « 2009 « ilMinuto – notizie Mediterranee – edizione Sardegna

Archíviu de sa diri 12/10/2009

Apuntamentus de cras 13 de su mes”e ledaminis

(IlMinuto) – Casteddu, 12 de su mes”e ledaminis -

Casteddu, 13-16 de su mes”e ledaminis, cuncursu po band noas “Sottosuoni”


Casteddu
, “Fondazione Siotto” (ora no precisada), concertu de su clavicembalista Paolo Zanzu

Tàtari, 18.00, Biblioteca comunalei, presentazioni de su romanzu “Soldamore” de Renata Asquer

Cras in Tàtari sa presentazioni de "Soldamore" de Renata Asquer

(IlMinuto) – Casteddu, 12 de su mes”e ledaminis – Su contu de is vizendas de sa famiglia Sallinguer in sa cittadi de Casteddu in is primus de su noixentus: est custu su tema de “Soldamore”, su liburu nou de Renata Asquer. Su traballu de sa scrittrici casteddaia at essi presentau cras a merì in Tàtari (a is 18.00, Biblioteca comunali). “Meravigliosu retrattu de sa soziedadi de s’epoca – si podit liggiri in d’una nota de s’editori – Soldamore descrit 50 annus de notra istoria, ddu fai tramiti un’istoria famigliari emozionanti, drammàtica e calincuna borta ironica e pren”e humor”.

Cgil: Costa, unu no siccu a s’eolicu in su mari de "Is Arenas e puru in aterus logus"

(IlMinuto) – Casteddu, 12 de su mes”e ledaminis – “Seus contra a is parcus eolicus off shore, poita bideus comenti un’amalezu is progetus ispeculativus chi nudda tenint de biri cun d’unu pranu seriu de isviluppu rinnobabili in Sardigna”. Cun custus fueddus su segretariu de sa Cgil Sardigna, Enzo Costa, s’ischierat contra a s’eolicu in su mari de “Is Arenas, in su ‘Golfo degli Angeli, in Sarròccu e in dognia ateru logu”. Sa Cgil est a favori de s’incremetu de sa produzioni d’energia alternativa perou – precisat Costa – “senz’e impiantus chi arruinint su mari o su paesaggiu”. Oi, in Sardigna, sa produzioni d’energia de is fontis fossilis e de is derivaus tenit un’ incidènzia de su 95,1 po centu contra a su 4,9 po centu generau de fontis rinnovabilis. “Propriu po s’importanzia de is fontis alternativas – narat su sindacalista – depeus iscongiurai totus is ipòtesis de svendi su mari nostru e su territoriu a chini tenit s’idea de fai progetus ispeculativus chi arruninant s’ambienti e chi no cuncurrint po nudda a creai occupazioni”.

Mozioni contra a su depositu de carburanti in Pòrtu Turre. "Corpu mortali po s’isvilupu turisticu e de su territoriu"

(IlMinuto) – Casteddu, 12 de su mes”e ledaminis – Nai no a su progetu de s’Eni de trasformai su petrolchimicu de Pòrtu Turre in d’unu depositu meda mannu de carburanti. Est cantu pedit a su presidenti de sa Regioni e a is assessoris de s’”Ambiente” e de s’”Industria” una mozioni presentada in is diris passadas de numerosus consilleris regionalis de su centrusinistra. Segundu is assessoris chi ant firmau su documentu, s’ipotesi de ismaltiri 1 milioni e 650milla metrus cubus de carburanti in d’unu depositu de sa costa – cun d’unu investimentu de 150 milionis de eurus – iat a tenni conseguènzias claras po s’ambienti in s’area marina amparada de su parcu de S’Asinàra. Su trafficu de is petrolieras in is acquas de su Parcu iat a podi firmai senz”e torrada is progettus de s’enti Parcu, donendi unu corpu mortali a s’isviluppu turisticu de totu su territoriu de su nordovest de sa Sardigna”. Is consilleris regionalis precisant puru is conseguènzias no bellas chi sa creazioni de su depositu iat a tenni po su traballu. “Su progettu de s’Eni – spiegat sa mozioni – est destinau a ponni fini a sa produzioni de is impiantus e a cancellai un’inconi de economia tra is prus importantis de sa Sardigna, comenti totu sa cultura industriali de cussu territoriu”.

39 offertas in Italia e in su mundu. Borsas de istudiu de s’Irlanda a sa Germania. Piga su futuru a manu prena cun sa sezioni "Bandi" de "IlMinuto"

(IlMinuto) – Casteddu, 12 de su mes”e ledaminis – Funt 39 is offertas de custa cida in sa sezioni “Bandi” de “Il Minuto”: una mappa po bessiri de su laberintu de sa crisi, una guida aggiornada dognia diri cun avvisus, borsas e cuncursus nazionalis e internazionalis. Tra is noas offertas ddoi funt medas borsas de istudiu e de ricerca – po diversus gradus – in Croazia, Germania, Irlanda, Estonia e Islanda. De segnalai puru is cuncursus po fotografus, musicistas classicus e jazz, scrittoris, pintoris e iscultoris. Castia de pressi sa sezioni “Bandi”: abbonadì a “IlMinuto”.