> 13 « mes’e ledàminis « 2009 « ilMinuto – notizie Mediterranee – edizione Sardegna

Archíviu de sa diri 13/10/2009

Apuntamentus de cras 14 de su mes”e ledaminis

(IlMinuto) – Casteddu, 13 de su mes”e ledaminis -

 

 

Casteddu, 18.00, via Montesanto 28, atobiu de su “Comitato Precari Scuola Cagliari”

 

 

Casteddu, 20.30, Cineteca Sarda, Metisse Cinema Meticcio – proiezioni de “La classe – entre le murs”

 

 

Casteddu, 20.30, Palazzo Regio, “Memoria di un viaggio di sola andata” – contu musicali

 

 

Casteddu, 21.00, Teatru Alkestis, Maya Film Festival – proiezioni de su documentariu “Actor’s center session”

 

 

Casteddu, 21.00, Linea Notturna, Sottosuoni – festival po band noas

"40 volte verde", sa provìnzia de Casteddu promovit su rispettu po s’ambienti

(IlMinuto) – Casteddu, 13 de su mes”e ledaminis – 40 atóbius de quattrus oras po su tema de su rispettu ambientali. Is atóbiu funt po maistus e alumnus de dognia ordini e gradu: est custa s’idea principi de “40 volte verde”, su progettu – totu liberu – promoviu de sa provìnzia de Casteddu. A is atóbius ant a participai maistus praticus de sa materia: educadoris, chimicus, biolugus e naturalistas. Su progettu at essi presentau custumerì a is 15.00 in sa sala Conferènzia de su “Nodo Infea” de Casteddu, in via Cadello 9.

Su Guvernu bloccat s’istabilizzazioni de is precarius aprovada de su Consillu. Uras: "Atacu a s’Autonómia regionali"

(IlMinuto) – Casteddu, 13 de su mes”e ledaminis – “Su Guvernu nazionali e su Ministru de is Regionis no tenint de fai nudda de mellus chi annunziai ricursu contra a is pragonis regionalis aprovaus a s’unanimidadi de su Consillu po s’istabilizzazioni de is precarius de sa pubblica amministrazioni, in serbíziu in is entis de su territoriu”. Cun custus fueddus su consilleri regionali de “Sinistra e Libertà”, Luciano Uras, difendit su provedimentu po pigai una borta po tous is precarius de sa regioni, de is provinzias e de is comunus aprovada de su Consillu regionali e a pustis impugnada de su Guvernu nazionali: un’atu chi Uras definit “un’atacu meda gravi a s’autonómia regionali”. “Is normas in chistioni – spiegat Uras – poniant su fueddu fini a annus de precariedadi de vida e de traballu de medas babbus de família innantis cun s’edadi, e destinaus, in su brevi períodu a sa pensioni”. “Su Guvernu – concluit s’esponenti de Sel – ddu su bollit lassai in d’unu stadu de totali e definitiva precariedadi”.

Comunu donat traballu a un’operàju cualificau

(IlMinuto) – Casteddu, 13 de su mes”e ledaminis – Su comunu de Pauli xircat unu piccaperderi. S’operàju cualificau at essi pigau a trabballai, in su 2010, po su progetu “”Lavori di manutenzione del patromonio comunale e di estensione e cura del verde urbano”, cun d’unu cuntrattu part time (25 oras a sa cida) po cuatru mesis. De oi est possíbbili presentai dimanda a su “Centro servizi per il Lavoro” in via Calamattia 12, in Casteddu.

In Casteddu Sardu is stadus generalis de sa pisca

(IlMinuto) – Casteddu, 13 de su mes”e ledaminis – Finint oi in Casteddu Sardu is stadus generalis de sa pisca in Sardigna. Un’apuntamentu aundi sa Regioni, su Stadu e s’Unioni Europea ant fueddai de is chistionis e de is prospettivas de sa pisca. In s’odg s’attuazioni de s’ispesa de su Fep (Fondo europeo della pesca) e sa riforma po sa politica europea in custu campu. “Seus in Sardigna – at nau Carla Montesi de sa “Direzione generale mare della Commissione Ue” – po chistionai de sa politica comuni de sa pisca e de s’attuazioni de su Fep. Po su primu puntu eus promoviu su “Libro verde” chi, tra is proprius iscopus bollit poniri fini a sa sovracapazzidadi de is flottas e mantèniri stock sanus, sustenibilis e sfrutabilis”.