> 2009 mes’e ledàminis 14 | ilMinuto

Archíviu de sa diri 14/10/2009

Apuntamentus de cras 15 de su mes”e ledaminis

(IlMinuto) – Casteddu, 14 de su mes”e ledaminis -

 

 

Casteddu
, 15-17de su mes”e ledaminis, Convegnu annuali dell’Associazioni po is istudius e teoria comparata de sa letteratura

 

 

Casteddu, Sala Cosseddu 16.30, atobiu po esaminai sa chistioni de s’iscola sadra

 

 

Aristanis, 18.00, Ept-prazza Eleonora, Assemblea de su Coordinamentu precarius de s’ iscola

 

 

Casteddu, 18.00, Consolau onorariu de sa Bielorussia, Atobiu organizzativu de is partecipantis a su cursu de lingua russa

 

 

Casteddu, 21.00, Linea Notturna, Sottosuoni – festival po band noas

Gioventudi Indipendentista fueddat de su stranu furtu de is pc de is abbogaus de A Manca: "furonis cun passepartout"

(IlMinuto) – Casteddu, 14 de su mes”e ledaminis – “Trambullu e pensamentu po su modu sempri prus illegali, antidemocraticu, meda ìnfimu, perigulosu e aggraviosu, chi su stadu italianu e is operadoris po sa seguresa usant po cuntrastai una realidadi politica e soziali chi de sempri fait su própriu doveri pacificamenti, a sa luxi de su soli e armada scéti de sa diàlogu politicu e de is profundas arrèxinis chi animant sa lota po sa soverania de su Populu Sadru in sa própriu Terra”. Custu su cummentu fattu connosci de sa Gioventudi Indipendentista a pustis de su furtu – chi s’est tentu in sa noti tra su 12 e su 13 de su mes”e ledaminis in sa sedi de su studiu legali de via Zanfarino in Tàtari – de is computer portatilis de is abbogaus difensoris de is esponentis de A Manca pro s’Indipendentzia Bruno Bellomonte, Emanuela Sanna e Massimiliano Nappi: totus arrestaus in su 2006 in s’ambitu de s’operazioni Arcadia e lassaus líbberus a pustis de calincunu mesi. “Strambecus furonis – si podit liggi in su comunicau – cun d’unu passepartout (…) ant furau tresi pc portatilis e, senz”e s’interessai de su dinai e de ateras cosas de valori chi furiant in s’ufíciu, e de totu is documentus de s’operazioni Arcadia de su mes”e argiolas de su 2006 (…) e de s’operazioni de su mes”e làmpadas 2009, riguardanti ancora Bruno Bellomonte”. Su dirigenti de Amp Bellomonte – chi in su 2006 iat cumprovau cun tanti de proas sa própriu  estraneidadi a is acusas chi dd’iant fattu arrestai – s’agatat in custodia cautelai de su mes”e làmpadas in basi a cussu chi GI definit “una participazioni fantasiosa in d’un’inchiesta moddinca po unu presuntu progetu chi teniat comenti finicussu de fai mali po su G8 de Sa Madalèna”.

Lai (Pd): interventu estraordinariu po cuntrastai sa disocupazioni giovanili

(IlMinuto) – Casteddu, 14 de su mes”e ledaminis – Un’interventu estraordinariu po torrai a ponni in motu s’atividadi produtiva in s’isola. Est custa sa rezzeta de su consilleri regionali de su Pd, Silvio Lai, po cuntrastai sa disocupazioni giovanili, sempri prus manna segundu is datus de sa povertadi in Sardigna, datus fattus connòsciri de su segretariu regionali de sa Cisl Mario Medde.

In Casteddu sa IV Giornada nazionali de su sport "parilipico"

class=”ha”>

(IlMinuto) – Casteddu, 14 de su mes”e ledaminis – Ddoi est puru Casteddu in su gruppu de is 11 cittadis chi cras ant a partecipai a sa IV Giornada nazionali de su sport “Paralimpico” – is attividadis sportivas praticadas de is personas diversamenti abilis – organizzada de su Cip e de Enel Cuore onlus. S’iniziativa at a coinvolgi is istudiantis de 20 iscolas cittadinas chi, in prazza Giovanni XXIII, ant a donai vida a momentus de sport e de divertimentu, cun s’integrazioni tra giòvanus diversamenti abilis e normoabilis. Sa prazza at essi animada de numerosas attividadis sportivas chi s’ant a tenni in totu sa giornata: de su basket in carrozzina a s’atletica leggera, de su calciu a cincu a sa gimkana paralimpica.

Tàtari, su Consillu provinziali diventat "virtuali"

(IlMinuto) – Casteddu, 14 de su mes”e ledaminis – Sa provìnzia de Tàtari isbarcat in Second Life, su “mundu virtuali cun prus-utentis” bófiu in su 2003 de sa Linden Lab. Unu progetu de s’amministrazioni provinziali cuns’agiudu de Sardigna in Second life at a donai a totus is apassionaus sa possibbilidadi de torrai a biri sa costruzioni virtuali e tridimensionali de s’istorica saba chi aghillit is atóbius de su Consillu provinziali. “S’iniziativa – si liggit in d’una nota – puntat a promòviri su territoriu e donat a s’istituzioni una possibbilidadi in prus de s’oberri a s’esternu”.