> 2009 mes’e ledàminis 15 | ilMinuto

Archíviu de sa diri 15/10/2009

Apuntamentus de cras 16 de su mes”e cabudanni

(IlMinuto) – Casteddu, 15 de su mes”e ledaminis -

Casteddu, finzas a su 17 de su mes”e ledaminis, Convegnu annuali dell’Associazioni po is istudius e teoria comparata de sa letteratura

Brevie, 16-17-18 de su mes”e ledaminis, “Autunno in Barbagia”

Orgòsolo, 16-17-18 de su mes”e ledaminis, Cortes Apertas

Asùni, 16-17-18 de su mes”e ledaminis, Asuni Festival

Castelnovo Magra (La Spezia), 16-25 de su mes”e ledaminis, “settimana del Vermentino”


Casteddu
, “Aula verde” de sa “Cittadella dei Musei”, presentazioni de su romanzu “Tranquillo come una salma”, cun s’autori Emanuele Cioglia

Casteddu, 17.00, foyer de platea de su Teatru Lirico – Michele Mirabella presentat “L’Elisir d’amore” de Gaetano Donizetti

Casteddu, 21.00, Teatru Massimo, concertu-tributu po Andrea Parodi


Casteddu
, 21.00, Teatru Alkestis, Maya Film Festival – proiezioni de is documentarius “Training fondamentale” e “Centravanti Nato”

Cgil, cras in Casteddu ddoi at essi un’atóbiu po chistionai de "disabilità e lavoro"

(IlMinuto) – Casteddu, 15 de su mes”e ledaminis – “Disabilità e lavoro”: at essi custu su tema de s’atóbiu organizzau de sa Cgil chi s’at a tenni cras a mangianu in Casteddu (Hotel Mediterraneo, 9.30). A dex’annus de sa lei 68, chi at regolamentau s’accessu in su mundu de su traballu a is personas diversamenti abilis, su sindacau fait unu bilanciu de s’applicazioni de sa norma. A s’atóbiu ant a intervenni, tra is aterus, Marinora Di Biase (segreteria regionali Cgil), Gianni Loy (maistu de “Diritto del Lavoro” a s’Universidadi de Casteddu) e su deputau de su Pd Amalia Schirru.

Cuartu Sant’Alèni: contributus po pigai attrezzaduras sportivas

(IlMinuto) – Casteddu, 15 de su mes”e ledaminis – Is associazionis e is soziedadis sportivas de dilettantis cun sedi in Cuartu Sant’Alèni tenint tempus finzas a su 26 de su mes”e ledaminis po dimandai unu contributu comunali po pigai attrezzaduras sportivas. S’avvisu pubblicu e sa dimanda podint essi consultaus e “scarrigaus” de su situ istituzionali de s’amministrazioni comunali. Is dimandas andant presentadas in s’”Ufficio protocollo” de su Comunu, in via Eligio Porcu 141.

Ancora pagus diris a sa V Olimpiadi de su giogu tradizionali sadru

(IlMinuto) – Casteddu, 15 de su mes”e ledaminis – 350 partecipantis d’edadi comprèndia tra is 6 e is 18 annus, 4 nazionis rappresentadas, 29 comunus sadrus coinvoltus: funt custus is nùmerus de sa V edizioni de s’Olimpiadi de su giogu tradizionali, una manifestazioni unica in Sardigna. Giogus e divertimentu aspettant piticus e mannus chi ant a partecipai a sa manifestazioni agonistica, chi s’at a tenni tra su 24 e su 25 de su mes”e ledaminis in Luamadrò e in Baradìle. Is attividadis selezionadas in su repertoriu meda mannu de is giogus tradizionalis funt: su giogu ‘e su fusti, s’arcu, is cuaddeddus de canna, sa cadiredda santa, su cuaddu proceddu, su xricu, su dinai (a pistincai), su pencaneddu, sa badruffa, is biccus, is brillias, sa luna monta, is carruccius, su sattiu cun sa funi e su pimpirimponi. Comenti dogn’annu, s’Olimpiadi at essi precedia de unu convegnu internazionali chi s’at a tenni su 23 de su mes”e ledaminis in Collinas, in su cursu de su cali s’at a fueddai de sa circa intraprendia de meda tempus in meda logus de su Mediterraneu e de su Mediu Orienti, circa chi istudiat is giogus tradizionalis; s’at a chistionai puru de s’isviluppu possibili de una rezza de coperazioni tra is stadus e is regionis.

Razzismu? No grazias! Sàbudu 17 de su mes”e ledaminis sa Sardigna calat in prazza contra a dognia intolleranzia

(IlMinuto) – Casteddu, 15 de su mes”e ledaminis – Sa Sardigna narat no a su razzismu. Sàbudu a mangianu in Casteddu immigraus, istudiantis, partidus de sa sinistra antagonista, sindacaus, associazionis e gruppus impignaus in su soziali, s’ant a agatai a is 10.30 in prazza Garibaldi, in Casteddu, po manifestai contra a totus is formas de intolleranzia. Is fueddus chi animant su “Comitato 17 ottobre” funt simplizis e claurus: rivocazioni de su “pacchetto sicurezza”, fini de is respingimentus, serradura definitiva de is centrus de indentificazioni e de scacciada, segadura de s’acapiamentu de su permissu de residenzia cun su cuntrattu de traballu. S’iniziativa esti stetia presentada custu mangianu in d’una conferènzia stampa in sa “Casa dello Studente” in via Trentino, in Casteddu. “S’Italia -at ispiegau Antonello Tiddia de sa “Rete 28 aprile” Cgil – s’est trasformada in d’una terra razzista e omofoba, diversa de cussa chi conosciàus. Eus dezidiu de fai custa manifestazioni po fai movi is cussiènzias e po cambiai custas situazionis”. “Pedeus – at precisau Marco Ghinolfi de su “Comitato 17 ottobre” – sa fini de is Cie, berus e propius presonis, partedi de cussu de Su Masu”. S’intolleranzia e su razzismu – ant ispiegau is promotoris – funt maladias boffias de sa politica nazionali. “Su Guvernu – at nau Enrico Rubiu (Rdb Cub) – incitat sa timoria de su strangiu po sviai s’attenzioni de is efetus de crisi economica”. Su corteu s’at a serrai in prazza Matteotti, su logu cittadinu aundi si riunint is immigraus. De innì, a pagus metrus de su Municipiu, is manifestantis ant a sfogai sa propriu inchietudini cun s’amministrazioni de Casteddu chi, at nau Ghinolfi, “at dimostrau pagu attenzioni a is politicas de integrazioni, no ddoi est scéti custu, mala esti stetia puru s’ausenzia de assistenzia chi depit essi unu diritu po dognia cristianu”.