> 2009 mes’e ledàminis 19 | ilMinuto

Archíviu de sa diri 19/10/2009

Apuntamentus de cras 20 de su mes”e ledaminis

(IlMinuto) – Casteddu, 19 de ledaminis -

 

 

Castelnovo Magra (La Spezia), finzas a su 25 de su mes”e ledaminis, cida de su Vermentinu

 

 

Casteddu, 20-24 de su mes”e ledaminis, XVIII cuncorsu internazionali de Pianu forti Ennio Porrino

 

 

Igrèsias, finzas de su 2 totussantus, “Scuole maschili”, mostra xilografica “La Miniera”

 

 

Igrèsias, finzas a su 31 ledaminis, Mercau civicu, “La Fiera campionaria nella storia dell’Ottobrata iglesiente” – mostra fotografica

 

 

Igrèsias, finzas a su 25 ledaminis, mostra “costumi e gioielli sardi”

 

 

Igrèsias, finzas a su 31 ledaminis, Palazzu de s’”Associazione mineraria sarda”, “Artisti iglesienti e pisani” – mostra

 

 

Casteddu, 17.00, Facoltadi de “Scienze della Formazione”, presentazioni de su liburu “Il dolce avvenire. Esercizi di immaginazione radicale nel presente” cun is autoris Daniele Barbiere e Enrico Euli

 

 

Aristanis, 18.00, Ept, assemblea de su coordinamentu de is precarius de s’Iscola

 

 

Casteddu
, 20.30, Conservatoriu statali “Da Palestrina”, premiu Francesco Masala po su teatru

 

 

Casteddu
, 21.00, “Fondazione Siotto”, concertu de su Trio Brumel

 

 

Casteddu
, 21.00, Basilica de San Saturnino, festival “Music in touch”

Campidanu de Mesu: sa provìnziatorrat a oberri is bandus po is tirocinius formativus

(IlMinuto) – Casteddu, 19 de su mes”e ledaminis – Est obertu de nou su bandu pubblicu po is tirocinius formativus e de orientamentu po giòvanus senz”e traballu chi tenint tra is 16 a is 35 annus e funt residentis in su Campidanu de Mesu. Ddu narat cun d’una nota stampa s’assessorau provinziali a is “Politiche e ai Servizi per il Lavoro” de sa Provìnzia. “Est un’iniziativa – narat s’assessori Velio Ortu – fatta cun su dinai provinziali chi est po is interventus de Politica attiva, chi tenit comenti fini cussu de creai opportunidadis de isviluppu po is giòvanus senz”e traballu chi funt residentis in su territoriu provinziali”. S’iniziativa, giai sperimentada ottimamenti in sa Provìnzia, bollit donai un’arrespusta positiva a totus is dimandas fattas de is aziendas: ant essi circa 120 is tirocinius cun borsa chi ant essi attivaus in s’annu. Su bandu est po is aziendas chi ant a manifestai interessi a acasagiai tirocinantis – laureaus, diplomaus o cun d’una cualífica professionali – po unu períodu de sesi mesis. Sa Provìnzia de su Campidanu de Mesu, comenti sogettu promotori, s’at a fai carrigu de s’assicurazioni, de unu contributu de 300 eurus a su mesi e d’unu rembursu po is ispesas de viàgiu .

Casteddu Music Touch, de oi a cenabara su festival de sa sperimentazioni video-musicali

(IlMinuto) – Casteddu, 19 de su mes”e ledaminis – Cumenzat custumerì in Casteddu Music Touch: su microfestival ideau e organizzau de s’associazioni “Spaziomusica Ricerca”. Finzas a cenabara 23 de su mes”e ledaminis sa Basilica de San Saturnino aghillit cincu seradas de performance, ascurtus e visionis a s’insegna de sa sperimentazioni. Tra is momentus principalis de sa rassegna ddoi funt su progettu “Harmonices mundi”, in programma custu merì, is sonus e is immàginis de su “Dark project” de su Duo-Duel (21 de su mes”e ledaminis) e sa “videomusica conflittuali” po sa serada de giòbia, cun musicistas, dj e videoperformer. Totus is seradas cumenzant a is 21, s’intrada est libera.

Petrolchímicu: presidiu de Amp in solidariedadi a is ocupantis de sa Turri Aragonesa

(IlMinuto) – Casteddu, 19 de su mes”e ledaminis – Crescit sa solidariedadi po is traballantis de su Petrolchímicu chi de giòbia ocupant sa Turri Aragonesa de Pòrtu Turre. Cras ant essi is militantis e is simpatizzantis de A Manca pro s’Indipendentzia a portai sa própriu amigànzia a is ocupantis cun d’unu presidiu a facc”e sa Turri convocau po is 18.00. S’Eni – scririt Amp – pretendit de “serrai is batentis cun trancuillidadi senz”e garantiri nesciuna alternativa a is traballantis nostrus, no bollit nemancu pagai is boníficas po is damnus fattus a s’ambienti e a is personas de su populu nostru”.

"Piano casa": in sa sala Cosseddu cuferènzia de WWf, Italia Nostra e Legambiente

(IlMinuto) – Casteddu, 19 de su mes”e ledaminis – “Piano casa o piano paesaggistico?”: est custu su tema de sa cuferènzia-dibatidu aprontada de Wwf, Italia Nostra e Legambiente in programma custumerì in sa “Casa dello studente” de s’Universidadi de Casteddu (Sala Cosseddu, 16.30). “Is associazionis – si podit liggiri in d’una nota – ant giai dinunziau sa pesanti irreguladidadi de sa lei” cun sa “concomitànzia de disposizionis urbanisticas (una cumpetènzia scéti de sa Regioni) e disposizionis paesaggisticas (chi s’esercitant in concurrènzia cun su Stadu). Est unu signu de una concezioni de sa tutela de su paesaggiu subordinada a is bisòngius de s’edilizia”.