> 20 « mes’e ledàminis « 2009 « ilMinuto – notizie Mediterranee – edizione Sardegna

Archíviu de sa diri 20/10/2009

Apuntamentu de cras 21 de su mes”e ledaminis

(IlMinuto) – Casteddu, 20 de su mes”e ledaminis -

 

Castelnovo Magra (La Spezia), finzas a su 25 de su mes”e ledaminis, cida de su Vermentinu

Casteddu, finzas a su 24 de su mes”e ledaminis, XVIII cuncorsu internazionali de Pianu forti Ennio Porrino

Igrèsias, finzas a su 2 de su mes”e totusantus, Iscolas de mascus, mostra de xilografias “La Miniera”

Igrèsias, finzas a su 31 de su mes”e ledaminis, Mercau civicu, “La Fiera campionaria nella storia dell’Ottobrata iglesiente” – mostra de fotofrafias

Igrèsias, finzas a su 25 de su mes”e ledaminis, mostra “costumi e gioielli sardi”

Igrèsias, finzas a de su mes”e ledaminis, Palazzo dell’Associazione mineraria sarda, “Artisti iglesienti e pisani” – mostra

Casteddu, 16.00, Città dell’Impresa, premiazioni de sa ‘Start Cup Sardegna’

Casteddu, 20.30, Cineteca sarda, po sa rassegna “Metisse cinema meticcio” at essi proiettau su film “Exils” de Tony Gatlif

Casteddu, 21.00, Basilica di San Saturnino, Festival “Music in touch” – Harmonices mundi

Casteddu, 21.00, Teatro Nanni Loy, “Pinter non l’avrebbe mai detto” – commedia musicali de Nino Nonnis

Massajus in lota: Prc pedit allestru sa declarazioni de su stadu de crisi po su setori

(IlMinuto) – Casteddu, 20 de su mes”e ledaminis – “Sa mobilitazioni cumenzada ariseru a mangianu a facc”e sa sedi de Equitalia (in Casteddu), bloccada de is ballas de foraggiu, est su sprigu de sa mancànzia de paridadi in su mundu de is massajus e de is pastoris”. Ddu narat cun d’una nota su responsàbbili de su ‘Dipartimento lavoro’ de sa Federazioni de su Prc de sa provìnzia de Casteddu, Roberto Loddo. Rifondazione “esprimit solidariedadi a is lotas po sa soverania alimentari de is massajus e de is pastoris sadrus de su movimentu Altragricoltura” e pedit, tra is ateras cosas, “de aplicai sa lei ‘salva aziende’ cun su bloccu de is astas” e “s’immediata declarazioni de su stadu de crisi po su setori de sa pastorizia e de sa massaria”.

Rassegna de cinema tedescu a 20 annus de su crollu de su Muru

(IlMinuto) – Casteddu, 20 de su mes”e ledaminis – “C’era una volta il Muro”: at essi custu su tema de sa rassegna “Cinema tedesco oggi” chi s’at a tenni in Casteddu de su mes”e ledaminis a su mes”e paschixedda. Sa rassegna, organizzada de s’Associazione culturale Italo-Tedesca, at a cumenzai custumerì cun su film “Berlin ecke Schonhauser” de Gerald Klein, girau in sa Repubblica Democatica Tedesca de su 1956 a su 1957 (21.15, Cineteca sarda). Sa rassegna at a finiri su 16 de su mes”e paschixedda cun su film “Novemberkind”, chi at essi presentau de s’autori Schwochow. Totus is film ant essi fattus biri in versioni originali cun sottotitulus in italianu. S’intrada est libera.

Sa dinúnzia de sa Cgil: 1200 traballadoris "de sa Regioni" senz”e cuntrattu a fin”e annu

(IlMinuto) – Casteddu, 20 de su mes”e ledaminis – Insar, Csl, Lsu, Sviluppo Italia, Osservatorio economico: funt 1200 is traballantis de sa Regioni chi a fin”e annu s’ant a agatai senz”e cuntrattu. A custus traballantis finzas a oi sa Giunta regionali no at donau nesciunu tipu de garanzia po su traballu. Ddu dinúnziat cun d’unu comunicau stampa sa Cgil regionali. In sa nota, su sindacau sadru prus mannu pedit, ancora una borta, sa nómina de s’assessori regionali nou de su “Lavoro”.

"Gig e Amici della Terra": s’approvazioni de su pranu de s’edilizia portat una "calamidadi contraria a sa natura chi at a portai scéti damnus"

(IlMinuto) – Casteddu, 20 de su mes”e ledaminis – “Diri de prus e diri de mancu, articulu po articulu, emendamentu po emendamentu, s’est fattu unu quadru prus claru de sa chistioni: is interessus bèccius de su mattoni bint normas po su ciumentu e bessint de un’aula sempri prus senz”è cussiènzia, chi s’est fatta complizi de una calamidadi contraria a sa natura”. Cun custus fueddus su “Gruppo di intervento Giuridico” e is “Amici della Terra” commentant s’approvazioni – de cenàbara passada – de sa lei po su pianu de s’edilizia de parti de su Consillu regionali. “Custa lei – precisant is associazionis ambientalistas – permìttit de scarrigai duus milionis de metrus cubus de ‘segundas domus slargadas’ in sa costa e a distanzia de 300 metrus de sa riba. A custa s’ant a aciungi milionis de metrus cubus po is istrutturas turisticas chi ant a beneficai de su 35 po centu de is aumentus volumetricus”. “No dd’est meda diffèrenzia – precisant Gig e Amici della Terra – cun sa calamidadi annuziada de Messina. Imprendidoris imobiliaris, progettistas, amministradoris pubblicus, chi tenint sa baulada aspettendi de podi cumenzai a costruiri in nòmini de su deus mattoni. Geometras e sindigus, e cun frequenzia scéti una persona, perseverant puru aundi s’acqua nd’at liau totu. No importat, a sa prossima calamidadi s’ant a biri comenti sempiri presidentis, assessoris e minustrus cun fueddus carrigus de febi e prenus de bellas promissas po risarcimentus e indennizus”.

Fonti: www.gruppodinterventogiuridico.blog.tiscali.it