> 21 « mes’e ledàminis « 2009 « ilMinuto – notizie Mediterranee – edizione Sardegna

Archíviu de sa diri 21/10/2009

Apuntamentus de cras 22 de su mes”e ledaminis

(IlMinuto) – Casteddu, 21 de su mes”e ledaminis -

Castelnovo Magra (La Spezia), finzas a su 25 de su mes”e ledaminis, cida de su Vermentinu

 

 

Casteddu, finzas a su 24 de su mes”e ledaminis, XVIII cuncursu internazionali de Piano forti Ennio Porrino

 

 

Igrèsias, finzas a su 2 totussantus, “Scuole maschili”, mostra xilografica “La Miniera”

 

 

Igrèsias, finzas a su 31 de su mes”e ledaminis, Mercau civicu, “La Fiera campionaria nella storia dell’Ottobrata iglesiente” – mostra fotografica

 

 

Igrèsias, finzas a su 25 de su mes”e ledaminis, mostra “Costumi e gioielli sardi”

 

 

Igrèsias, finzas a su 31 de su mes”e ledaminis, Palazzu de s’”Associazione mineraria sarda”, “Artisti iglesienti e pisani” – mostra

 

 

Casteddu, finzas a su 23 de su mes”e ledaminis, Palazzu Viceregio, I edizioni de su cursu “Comunicazione e cultura. Il linguaggio della divulgazione e della comunicazione in archeologia”

 

 
Aristanis, 16.00, “Centro servizi culturali”, “Piovono libri: ti racconterei altre storie sempre più…”

 

 

Sòssu, 18.00, Biblioteca comunali Farina, presentazioni a sa cittadinanza de su programma de A manca pro s’Indipendentzia

 

 

Cuartu Sant’Alèni, 18.30, sala Michelangelo Piras, iniziativa de is Rossomori po chistionai de su “Piano casa”

 

 

Casteddu, 19.00, via Monte Santo, Associazioni “Sardegna Palestina” – report de sa delegazioni torrada de pagu tempus de sa Palestina

 

 

Igrèsias, 20.00, crèsia de San Francesco, conferènzia po chistionai de “La chiesa di San Francesco di Iglesias e l’arte catalana”

 

 

Casteddu, 20.30, Teatru lirico, “L’Elisir d’amore” – opera ironica de Gaetano Donizetti

 

 

Casteddu, 20.30, Cineteca sarda, in s’ambitu de sa rassegna “Metisse cinema meticcio” at essi  proiettau su film “La band di Era Kolirin”

 

 

Casteddu
, 20.30, Biblioteca universitaria, Sonus de atongiu: “Canciones”

 

 

Casteddu, 21.00, Basilica de San Saturnino, festival “Music in touch” – Hidden gestures

 

 

Casteddu, 21.00, Teatru la Vetreria, “Reconstruction of self movimentale”

 

 

Casteddu
, 21.00, Teatru Club, andat in iscena “Trilogia”

 

 

Cuartu Sant’Alèni, 22.30, Fbi, “Aspettando l’Expò”: Day Arnese triu

 

 

Casteddu
, 22.30, Metzcal, Jamahal in concertu

 

"L’Elisir d’amore" in su Lirico de Casteddu finzas a fin”e mesi. Sa produzioni noa de Mirabella

(IlMinuto) – Casteddu, 21 de su mes”e ledaminis – S’arti de Gaetano Donizetti torrat in Casteddu. De cras finzas a su 31 de su mes”e ledaminis at a andai in iscena in su Teatro Lirico “L’Elisir d’amore”, su melodramma ironicu in duus atus. S’opera, cun sa produzioni noa curada de Michele Mirabella, at a tenni duus cast, chi s’ant a alternai in is seradas. “Elisir” at presentau s’esordiu su 12 de su mes”e maju 1832 e at tentu subitu unu successu meda mannu, cun 32 rappresentazionis de fil”e pari.

Pd: "Gaviano at traíxiu su mandau de is eletoris"

(IlMinuto) – Casteddu, 21 de su mes”e ledaminis – In su “Partito Democratico” “no ddoi est ispaziu po una politica chi traixit su mandau de is eletoris, chi chistionat senz”e bregúngia de valoris ma ddu su negat in sa pràtica de chini est in is istituzionis, chi si torrat a portai a su passau de cittadinus espropiaus in su própriu diritu de contai in is scioberus”. Est custa sa reazioni de unu gruppu de catolicus-democraticus de su Pd de su Surcis (su primu a ai firmau su documentu est Francesco Sanna) a sa decisioni de su presidenti de sa Provìnzia, Pierfrancesco Gaviano, de lassai su partidu po s’iscriri a s’Udc. “Gaviano – si podit liggiri in su documentu – arribbat in d’un’atera forza politica, forza politica chi finzas a pagus mesis fait dd’at giudicau unu pessimu amministradoti, e arziat in is palcus de una formazioni noa de nòmini, ma meda beccia in is fundadoris”.

Idv: de su Guvernu nesciuna arrespusta a s’interrogazioni fatta po sa vertenza de is ex dipendentis de sa basi Usa de Sa Madalèna

(IlMinuto) – Casteddu, 21 de su mes”e ledaminis – A pustis de 13 mesis su Guvernu no at donau nesciuna arrespusta a s’interrogazioni parlamentari de s’Italia dei Valori po sa vertenza de is 150 ex dipendentis de sa basi Usa de Sa Madalèna. Ddu dinunziant, cun d’una interrogazioni, su leader de s’Idv Antonio Di Pietro e su cordinadori regionali Federico Palomba. In su fratèmpus – narant is duus parlamentaris – is decretus chi iant depi permiti a is ex dipendentis de sa basi de traballai in s’amministrazioni pubblica de sa Gallùra no funti stetius aplicaus totus: is traballantis ant essi po su prus mandaus in Campania, Venetu, Lombardia e Liguria, cun medas dapretus po is famílias. Di Pietro e Palomba dinunziant puru is tempus de sa burocrazia chi bloccat su pagamentu de is assignus de mobilidadi meda abetaus de is ex dipendentis de sa basi.

Rinnovada po un’annu s’intesa po sa continuidadi territoriali

(IlMinuto) – Casteddu, 21 de su mes”e ledaminis – Is residentis in Sardigna ant a podi bolai po un’ateru annu usendi is tariffas previdias de sa continuidadi territoriali. Ddu narat cun d’unu comunicau stampa s’Ufíciu stampa de sa Regioni. “Ant essi garantius – si podit liggiri in su testu – is bolus a prézius redùxius po totus is destinazionis cun  s’impignu, de parti de is cumpagnias aereas, de assegurai volus in prus in su períodu de massimu tràvigu”.