> 23 « mes’e ledàminis « 2009 « ilMinuto – notizie Mediterranee – edizione Sardegna

Archíviu de sa diri 23/10/2009

Pàgina 2 de 2

Comunu assumit dirigenti amministrativu

(IlMinuto) – Casteddu, 23 de su mes”e ledaminis – Su comunu de Casteddu depit selezionai unu dirigenti amministrativu contabili. Su bandu de su cuncursu pubblicau de s”assesorato del Personale’, s’at podit liggiri in su situ de su comunu. Is dimandas po partizipai depint essi presentadas intru su 21 de su mes”e totusantus.

Cartolina de Bruno Bellomonte de su presoni de Sianu (Catanzaru)

(IlMinuto) – Casteddu, 23 de su mes”e ledaminis – Arriceus e pubblicaus su testu de una cartolina – datada su 7 de su mes”e austu 2009 – spedia de Bruno Bellomonte, presoneri in su presoni de Sianu (Catanzaru), a  su “minatore rosso” Antonello Tiddia. “Antonello in su saludu chi m’as fattu mi naras d’essi forti e de no zèdiri, est sa própriu cosa chi nau a bosàterus de sa Carbosulcis e a totus is traballantis sadrus aici duramenti colpius no tanti de sa crisi, ma de sa cundizioni Coloniali chi is animigus si custringit a bìviri. Comenti bisi sa via po su socialismu e s’indipendenzia passat puru atressu su scontróriu, ma nosu no seus a firmai, anzis custu bollit nai ca s’istrada est cussa giusta. Saludamì a sa RSU e a su partidu tuu. Saludi Cumpàngiu…. Alluegus Bruno. Sardigna no est Italia”.

Iscola: Fresu (Prc): "No esti stetiu arrespetau s’impignu a torrai a fai s’acórdiu Baire-Gelmini"

(IlMinuto) – Casteddu, 23 de su mes”e ledaminis – “A pagu prus de unu mesi de su dibbatimentu in consillu regionali abarrant senz”e cambiamentu is cundizionis de s’acórdiu tra s’assessori Baire e su ministru Gelmini. S’iscola sadra aghillit senz”e nesciuna oposizioni is taglius impostus de s’ùltima finanziaria e ispostat 20 millionis de eurus po finanziai sa ‘salva precari’. Seus atesu de s’impignu pigau de su Guvernu Cappellacci de torrai a fai s’acórdiu e de fai pesai, comenti pediant is sardistas, s’autonomia sadra”. Ddu narat cun d’una nota stampa su segretariu regionali de su Prc Gianni Fresu. “Su ‘Partito della Rifondazione comunista’ in Sardigna – spiegat Fresu – est impignau giai de sa primu diri in is lotas de is traballantis de sa conoscènzia po un’iscola pubblica e democratica”. Su Prc at a participai a sa manifestazioni bófia de is comitaus de is precarius de s’iscola de sa Sardigna chi s’est tenendi immoi in Aristanis.

Su Tar de sa Sardigna bullat su Ministru Gelmini. Sesi familias bincint sa batalla po su riconoscimentu de unu professori de sustegnu po dognia alumnu cun disabilidadi

(IlMinuto) – Casteddu, 23 de su mes”e ledaminis – Noa isconfitta legali po su Ministru de s’Instruzioni Mariastella Gelmini. Un’ordinanzia de su Tar de sa Sardigna at arriciu “in via cautelare” su recursu presentau de sesi famiglias sadras chi tentint in domu alumnus disabilis. Su recursu esti stetiu fattu contra a is taglius fattus de su Guvernu a su nùmeru de is maistus de sustegnu. Is familias – sustenias in sa batalla legali de s”Associazione bambini cerebrolesi’ de sa Sardigna – ant bintu sa batalla po ottèniri su riconoscimentu de unu maistu de sustegnu po dognia alumnu cun disabilidadi. Sa riforma previdit in veci unu maistu de sustegnu dognia duus alumnus cun disabilidadi e custu senz”e contai cantu at nau su medicu. “Si torrat – at nau su consilleri regionali Marco Espa – a unu stadu de legalidadi a facc”e is alumnus prus maltrataus de su Stadu, a is calis si bollit leai puru su dirittu a s’instruzioni e a s’integrazioni: is alumnus cun disabilidadi”. “S’assessori regionali Baire – at nau Espa – depit tenni contu de cantu esti stetiu istabiliu de is tribunalis e no si depit fai cumandai de Roma po istabiliri is lineas po poniri in pratica una riforma chi no tenit ni conca ni peis. Depit difèndiri is alumnus sadrus cun disabilidadis, puru cussus chi no tenint su dinai e sa forza de si poniri in giustizia cun su Tar.

Apuntamentus de oi

(IlMinuto) – Casteddu, 23de su mes”e ledaminis -

 

 

 

Castelnovo Magra (La Spezia), finzas a su 25 de su mes”e ledaminis, cida de su Vermentinu

 

 

Casteddu, finzas a su 24 de su mes”e ledaminis, XVIII cuncursu internazionali de Pianu forti Ennio Porrino

 

 

Igrèsias, finzas a su 2 totussantus, “Scuole maschili”, mostra xilografica “La Miniera”

 

 

Igrèsias, finzas a su 31 de su mes”e ledaminis, Mercau civicu, “La Fiera campionaria nella storia dell’Ottobrata iglesiente” – mostra fotografica

 

 

Igrèsias, finzas a su 25 de su mes”e ledaminis, mostra “costumi e gioielli sardi”

 

 

Igrèsias, finzas a su 31 de su mes”e ledaminis, Palazzu de s’”Associazione mineraria sarda”, “Artisti iglesienti e pisani” – mostra

 

 

Arìtzu, 23-24-25 de su mes”e ledaminis, Sagra de sa castàngia

 

 

Igrèsias, “Festival d’autunno” in su centru istoricu

 

 

Collinas-Luamadrò-Baradìle, 23-24-25 de su mes”e ledaminis, “Olimpiade del gioco tradizionale della Sardegna”

 

 

Casteddu, 23-24-25 de su mes”e ledaminis, Antigu Palazzu de cittadi, “In principio era energia” – Festival de s’istoria

 

 

Drugàli, 23-24-25 de su mes”e ledaminis, “Autunno in Barbagia”

 

 

Aristanis, 9.00, prazza Roma, manifestazioni de is comitaus de is precarius de s’instruzioni – iscioperu de is Cobas iscola

 

 

Nùgoro, 9.00, prazza Sardegna, manifestazioni de is sfrataus de s’Area promovia de s’Rdb Cub

 

 

Casteddu, 16.30, Teatru Nanni Loy, presentazioni de su nùmeru 10 de sa rivista Portales – omaggiu a Giovanna Cerina