> 2009 mes’e ledàminis 26 | ilMinuto

Archíviu de sa diri 26/10/2009

Apuntamentus de cras 27 de su mes”e ledaminis

(IlMinuto) – Casteddu, 26 de su mes”e ledaminis -

 

 

 

Igrèsias, finzas a su 2 de su mes”e totussantus, “Scuole maschili”, mostra xilografica “La Miniera”

 

 

Igrèsias, finozas a su 31 de su mes”e ledaminis, Mercau civicu, “La Fiera campionaria nella storia dell’Ottobrata iglesiente” – mostra fotografica

 

 

Igrèsias, finzas a su 31 de su mes”e ledaminis, Palazzu de s’”Associazione mineraria sarda”, “Artisti iglesienti e pisani” – mostra

 

 

Aristanis, 18.00, Ept, Coordinamentu de is precarius de s’iscola

 

 

Ossi, 18.00, sala convegnus “Sa funtana noa”, presentazioni de su programma de A Manca pro s’Indipendentzia a is comunidadis de Ossi e Tissi

 

 

Casteddu
, 20.30, “Fondazione Siotto”, concertu de su pianista Martino Mureddu

 

 

Casteddu
, 21.00, Cineteca sarda, Rassegna “Cinema tedesco oggi”  – proiezioni de su film “Spur Der Steine” (Rdt, 1966)

 

Sinistra: Casteddu, presentada de su programma de su Pdac

(IlMinuto) – Casteddu, 26 de su mes”e ledaminis – Cali funt is prospettivas de su “Partito di alternativa comunista”? A custa dimanda ant a donai arrespusta is dirigentis de sa formazioni politica – nàscia in su 2006 de una scissioni de sa minorànzia de su Prc “Progetto Comunista” – chi ant aprontau po custumerì in Casteddu (16.00, sedi Rdb-Cub de via Maddalena) un atóbiu-dibbatidu cun sa presentada de su programma de su Pdac. A is elezionis politicas passadas su partidu iat provau – senz”e fortuna – a candidai a sa presidenza de su Consillu sa maista precaria Fabiana Stefanoni.

Pcl: is sindacalistas chi ant firmau s’acórdiu cun s’Eni ant traixiu su mandau de is traballantis

(IlMinuto) – Casteddu, 26 de su mes”e ledaminis – Ingannu: est custu su giudíziu de su cordinamentu regionali de su “Partito comunista dei Lavoratori” po is sindacalistas chi sa cida passada ant firmau s’acórdiu  cun s’Eni po su futuru de Pòrtu Turre. “A is tres traitoris – si podit liggiri in su documentu – no est importau nudda de su princípiu de sa democrazia e de su mandau de sa lítera chi is cincu operàjus chi ocupant sa Turri Aragonesa de Pòrtu Turre iant mandau a Morselli, su segretariu generali de is chímicus de sa Cgil”. “Cuntrastat cun s’ausenzia de claresa de is traitoris – sighit sa nota – su cumportamentu claru de su segretariu de sa “Camera del Lavoro” de sa Provìnzia de Tàtari (n.d.r: chi s’est dimitiu a pustis de sa firma de s’acórdiu). Sa lezioni chi Antonio Rudas at a depi imparai de custa vizenda est ca de sa protesta tocat a passai a sa lota po fai bínciri su princípiu de sa democrazia de mandau in sa pratica de is sindacaus”.

Ben Amara (PdCi): "Assistu médicu, sanitariu e soziali a totus is immigraus". Presentada sa proposta de lei

(IlMinuto) – Casteddu, 26 de su mes”e ledaminis – Garantiri s’assistu médicu, sanitariu e soziali a totus is immigraus senz”e castiai a su permissu po podi bìviri in Italia. Est cantu proponit, in cussu chi est cun meda probabbilidadi su puntu prus importanti, su progetu de lei 49 de su 2009 presentau in àula de su Consilleri regionali de is Comunisti italiani Radohuan Ben Amara. Sa norma proposta previdit puru de introdusiri sa figura de su mediadori culturali in cuntatu diretu cun su pubblicu in totus is amministrazionis (po su prus in is istrutturas de “Pronto Soccorso” de is ispidalis), sa predisposizioni de unu “piano pluriennale” de programmazioni e de unu “piano annuale” de interventu. In sa norma si narat ca tocat creai puru is cundizionis po superai su stadu de marginalidadi, poberesa e sfrutamentu de is immigraus e su cuntrastu de is fenòmenus de xenofobia e de razzismu. “Cun custa lei – spiegat in d’una nota stampa Ben Amara – Sa Regioni Sardignia tenit s’obbiettivu de fai de sa soziedadi sadra una soziedadi de medas culturas, unia, rispetosa de sa diversidadi etnica e culturali. Una soziedadi chi fait bonu acatu a su strangiu, chi bidit is immigraus comenti fonti de richesa e crescita soziali, culturali, economica, portadoris de conoscènzia e de cunfrontu cun su mundu esternu”.

Mondoperaio, a 30 annus de sa morti de Pietro Nenni atóbiu po chistionai de is proponimentus de s’istorica rivista socialista

(IlMinuto) – Casteddu, 26 de su mes”e ledaminis – Arregordai Pietro Nenni a 30 annus de sa morti. Cun custu obbiettivu custumerì in Casteddu (Società degli Operai, 16.30) est in programma un’atóbiu-dibbatidu de s’”Associazione socialismo diritti e riforme” – cun sa participazioni de Luigi Covatta, direttori de sa rivista Mondoperaio. S’iniziativa – spiegant is promotoris – tenit s’obbiettivu de obèrriri una arrexònada chi afrontat su ruolu de su periodicu creau de Nenni in su 1948, arrexònada chi bidit temas comenti cussu de su stadu de su socialismu riformista e comenti cussu de sa realidadi de sa sinistra in Italia e in Europa. “In d’unu momentu meda delicau po su futuru de s’Italia – narat Maria Grazia Caligaris, presidenti de s’Asdr – una rivista ‘navigada’ e chi at superau is 60 annus de vida podit ponni is fundamèntas po torrai a discútiri de politica e po riflèttiri e chistionai de su benidori de is generazionis noas”.