> 2009 mes’e ledàminis 27 | ilMinuto

Archíviu de sa diri 27/10/2009

Apuntamentus de cras 28 de su mes”e ledaminis

(IlMinuto) – Casteddu, 27 de su mes”e ledaminis -

 

 

 

Igrèsias, finzas a su 2 totussantus, “Scuole maschili”, mostra xilografica “La Miniera”

 

 

Igrèsias, finzas a su 31 de su mes”e ledaminis, Mercau civicu, “La Fiera campionaria nella storia dell’Ottobrata iglesiente” – mostra fotografica

 

 

Igrèsias
, finzas a su 31 de su mes”e ledaminis, Palazzu de s’”Associazione mineraria sarda”, “Artisti iglesienti e pisani” – mostra

 

 

Casteddu, Teatru lirico, serada finali de su “Premio letterario Alziator”

 

 

Casteddu
, 18.00, Aula magna – via san Giorgio 12,  seminariu de studius filologicus: “Le lingue della penisola iberica”. Organizzazioni a cura de s’Arxiu de tradicions

 

Casteddu, 20.30, Palazzu regio, “Tra bel suono e bel canto – Chopin e l’opera italiana” – concertu

 

Casteddu, 22.00, Ampurias, concertu de is Cnq

Start Cup 2009 Sardegna: premiadas is mellus ideas po fai impresa

(IlMinuto) – Casteddu, 27 de su mes”e ledaminis – Est arribada a sa fini sa Start Cup 2009: in diris passadas, in sa “Città dell’Impresa” de Pirri (Casteddu), funti stetias presentadas is tres ideas mellus po fai impresa de cust’edizioni. Sa preferenzia de sa Giuria est andada a is progettus Bioecopest (“ricerca, isviluppu e marketing de prodottus naturalis innovativus”), Biofision (“sistemas de azioni po su riconoscimentu de sa facci e de s’impronta”) e Sensorup (isviluppu de unu “sistema multisensore”). Is ideas chi ant bintu ant a participai a sa finali nazionali de Perugia (3-4 de su mes”e paschixedda).

Domus de is istudiantis: cun d’una delibera de su mes”e austu sa Giunta regionali pigat 15 milionis a ddu su donat a crèsias e museus

(IlMinuto) – Casteddu, 27 de su mes”e ledaminis – Is 15 milionis de eurus, chi s’accordu quadru cun su Cipe de su 2006 iat destinau a is domus de is istudiantis in sa cittadi de Casteddu, funti stetius donaus a is museus e a is crèsias cun d’una delibera de sa Giunta regionali de su 6 de su mes”e austu de ocannu. Ddu dinùnziat oi, cun d’unu articulu intitulau “Chiese e case dello studente. Primi effetti della lobby delle sottane” su situ, accanta a su Psdaz, “Sardegna e Libertà”, promòviu de su consilleri regionali Paolo Maninchedda. Sa delibera  de sa Giunta fatta in su mes”e austu at ritoccau is finanziamentus “po mori de sa premura de assignai is traballus intru su 31 de su mes”e paschixedda de su 2009″. Is 15 milionis funti stetius assignaus a su finanziamentu de calincunu museu, tra is calis su Betile (“chi – si podit liggiri in sa nota – at a biri sa fini de s’assignazioni sua in su mes”e paschixedda  de ocannu (?)”) e de 15 cresias, de is calis ottu funt in sa diòcisi casteddaia. “S’Ersu de Casteddu – narat su post – at perdiu 15 milionis de eurus chi funt indispensàbilis po sa domu de s’istudianti de s’”ex area Sem” e po cussa de via Is Maglias. Is istudiantis funt in giru
paghendi affittus incredibilis”. “Su livellu de tolleranzia de su Psdaz – custa est sa conclusioni de s’articulu in su magazine online de Maninchedda – chi riguardat calincuna esagerada presenzia de sa crèsia sadra in sa politica regionali – est accanta de arribai a su livellu de guardia.

Teatru Lirico de Casteddu: iscipiru firmat sa replica de "Elisir d’amore"

(IlMinuto) – Casteddu, 27 de su mes”e ledaminis – No si fait sa recita de “Elisir d’amore” de Gaetanu Donizzetti – in sa versioni produsia de Michele Mirabella – previdia po custumerì a su Teatru Lirico de Casteddu. Est oi, difatis, sa primu de is cuatru diris de isciòpiru generali proclamaus de is rappresentazias sidacalis a pustis de s’annunziu de su soprintendenti de s’Enti liricu, Maurizio Pietrantonio, chi chistionendi de su bilanciu at declarau ca su 2009 at essi serrau cun d’una pèrdida de duus millionis de eurus.

A Manca: presentazioni de su programma in Ossi

(IlMinuto) – Casteddu, 27 de su mes”e ledaminis – Sighit sa campagna nazionali po su tesseramentu de parti de A Manca pro s’Indipendentzia. Custumerì in Ossi (18.00, sala convegnus “Sa Funtana Noa”) is militantis de su movimentu indipendentista ant a fueddai cun sa genti de sa chistioni economica e soziali de sa Sardigna. “50annus de guvernu de is partidus italinus – si podit liggiri in sa nota stampa – ant causau unu stadu de totali decadènzia e de crisi istrutturali de s’economia nostra. Amp (…) at decidiu de presentai a totus is sadrus sa própriu proposta politica de alternativa democratica”.