> 2009 mes’e ledàminis 29 | ilMinuto

Archíviu de sa diri 29/10/2009

Apuntamentus de cras 30 de su mes”e ledaminis

(IlMinuto) – Casteddu, 29 de su mes”e ledaminis -

 

 

 

Igrèsias, finzas a su 2 de su mes”e totussantus, “Scuole maschili”, mostra xilografica “La Miniera”

 

 

Igrèsias, finzas a su 31 de su mes”e ledaminis, Mercau civicu, “La Fiera campionaria nella storia dell’Ottobrata iglesiente” – mostra fotografica

 

 

Igrèsias, finzas a su 31 de su mes”e ledaminis, Palazzu de s’”Associazione mineraria sarda”, “Artisti iglesienti e pisani” – mostra

 

 

Dèsulu, 30-31 de su mes”e ledaminis-1 de su mes”e totussantuns, “Autunno in Barbagia”: “La montagna produce”

 

 

Casteddu, festa manna de is coxineris po agiudai sa ricerca

 

 

Pau, 16.00, Biblioteca comunali, “Ottobre piovono libri”: “Ti racconterei della altre storie sempre più…”

 

Igrèsias, 17.30, Sala Lepori, cuncursu nazionali de cinematografia “Villa di Chiesa”

 

 

Aristanis, 17.30, Ept, Coordinamentu precarius de s’iscola – “tavolo tecnico permanente”

 

Igrèsias, 18.00, Exmà, Meets vision art presentat su discu “Portfolio”

 

 

Onòrva, 18.00, Saloni de sa parròcchia, A Manca pro s’Indipendentzia presentat su propriu programma a is cittadinus

 

 

Patiòlla, 18.30, Bilioteca comunali, “Musica nera” – riflessioni de e cun Stefania Frigau

 

 

Casteddu, 19.00, Teatro Riverrun, “I sette vizi capitali rivisitati dagli omini” – ispettaculu

 

 

Casteddu, 19.00, sedi de sa “Carovana della pace”, proiezioni de su film “Panas”

 

 

Tàtari, 20.30, Palazzu de sa Cittadi, proiezioni de su film “Oil” e atobiu cun su regista Massimiliano Mazzotta

 

 

Casteddu, 21.00, Teatrou “la Vetreria”, XVIII Festival “Spazio musica” – concertu de Markus Stochausen

 

 

Cabudèrra, 21.00, Halloween Fest

 

 

Ossi, 21.00, Cineteatru de sa parròcchia, “La storia di San Bartolomeo” – contu musicali

 

 

 
Sedilu, 22.00, “Festa della Birra” – Hypsia in concertu

Thiniscòle: arregortas 3milla firmas po salvai su borgu de Santa Luxia de su gettidu de ciumentu targau centrusinistra

(IlMinuto) – Casteddu, 29 de su mes”e ledaminis – Tresi albergus, 1500 letus, 36.584 metrus cubus de ciumentu, su sderrexinamèntu de prus de sesi etarus de boscu: funt custus is nùmerus de is progettus – scrittus in su Puc approvau su 27 de su mes”e argiolas de s’annu passau – de s’amministrazioni de centrusinistra (Pd-Partito socialista-Nuovo Psi/Dc) de Thiniscòle po su borghisceddu de Santa Luxia. Contra s’operazioni urbanistica s’est fattu unu comitau ispontaneu “A difesa de Santa Luxia”, chi at donau su via a una arregorta de firmas on line a s’indirizzu www.salviamosantalucia.org (funt giai stetias superadas is 3milla firmas). “Custu progettu – narat su comitau in su testu de sa petizioni – liat a su borgu sa propria identidadi istoricu-culturali e ndi strupiat s’ambienti. Una ruina totali de su paesaggiu, massimu si castiaus sa cosa de una prospettiva naturalistica e urbanistica”.

"No Berlusconi Day – L’Anteprima", banchittu po informai sa genti in Casteddu

(IlMinuto) – Casteddu, 29 de su mes”e ledaminis – In s’ambitu de s’iniziativa nazionali “No Berlusconi Day – L’Anteprima” at essi fattu in Casteddu unu banchittu po informai sa genti po su “No Berlusconi Day”: sa manifestazioni po pediri is dimissionis de su presidenti de su Consillu in programma po su 5 de su mes”e paschixèdda in Roma. Su banchittu at essi obertu sàbudu chi benit in via Roma, de is 16 a is 19, a facc”e sa Rinascente.

"Premio Alziator": is bincidoris. S’ùltima diri Emilio Floris contestau de is traballantis de su "Lirico"

(IlMinuto) – Casteddu, 29 de su mes”e ledaminis – Funt Ugo Barbàra cun “La terra consacrata” po sa sezioni “narrativa”, Gianni Olla cun “Dai Lumiere a Sonetaula” in sa sezioni “saggistica”, Doron Lizzie cun “Perché non sei venuta prima della guerra” in sa sezioni “speciale” e Stefania Mannu cun s’opera inedita “La via del cisto” is bincidoris de sa terza edizioni de su premiu letterariu Alziator. Is autoris funti stetius premiaus, a pustis de una diffizili selezioni, de sa giuria presidia de Salvatore Niffoi. No tutu est andau beni po s’amministrazioni comunali de Casteddu in sa serada de ariseru: is traballantis de s’”Ente Lirico” ant contestau, a sa bucca tupada, su primu cittadinu Emilio Floris, dd’ant fattu cun d’unu striscioni cun sa scritta: “Signor sindaco perché non ci riceve?”.

A Manca: presentada de su programma in Onòrva

(IlMinuto) – Casteddu, 29 de su mes”e ledaminis – Atóbiu nous de su “tour” de A Manca pro s’Indipendentzia in is biddas de sa Sardigna. Cras a merì su programma de su movimentu indipendententista de sinistra at essi presentau a Onòrva, in su saloni de sa parròcchia de via Cugia, cumenzendi de is 18.00.