> Chímica: s’accordu tra s’Eni e is sindacus ignorat totalmenti is arrexonis de is traballantis de su petrolchimicu de Pòrtu Turre « ilMinuto – notizie Mediterranee – edizione Sardegna

Chímica: s’accordu tra s’Eni e is sindacus ignorat totalmenti is arrexonis de is traballantis de su petrolchimicu de Pòrtu Turre

(IlMinuto) – Casteddu, 28 de su mes”e ledaminis – Puru sa “Rete 28 aprile Cgil” de sa Sardigna pigat is distànzas de s’accordu de cida passada tra s’Eni e is sindacaus nazionalis e regionalis po su futuru de su petrolchímicu de Pòrtu Turre. “Sa ‘Rete 28 aprile’ de sa Sardigna – si podit liggiri in su documentu – ritenit meda gravi cantu est suzzediu, poita funti stetias ignoradas is arrexonis de is traballantis e sa voluntadi insoru, ignorendi su livellu territoriali chi de cussa dimanda s’est fattu imbasciadori e portendi a is dimmissionis de su segretariu generali de sa “Casa del Lavoro” Antonio Rudas. Senz”e nesciunu mandau esti stetiu suttoscrittu un’accordu chi, comenti narat Rudas, decretat sa fin”e su stabilimentu turritanu senz”e nesciunu validu contracàmbiu”.

© RIPRODUZIONE RISERVATA

0 Arrespustas a “Chímica: s’accordu tra s’Eni e is sindacus ignorat totalmenti is arrexonis de is traballantis de su petrolchimicu de Pòrtu Turre”


Is cummentus funt serraus.