> 2009 mes’e ledàminis | ilMinuto - Part 2

Archìviu de mes'e ledàminis 2009

Pàgina 2 de 44

"Lavoratori per Bellomonte", atóbiu cras in Casteddu

(IlMinuto) – Casteddu, 30 de su mes”e ledaminis – operàjus, maistus de iscola, traballantis de is call center: cras a merì in Casteddu, in via Sant’Avendrace (sedi Pcl, 17.30), s’at a tenni un’atóbiu de traballantis, óminis e féminas, in solidariedadi a su dirigenti de Amp Bruno Bellomonte, chi s’agatat in su presoni de Siano (Catanzaro). S’atóbiu-dibatidu at essi guidau de Antonello Tiddia (Rete 28 aprile – Rsu Carbosulcis).
Po ndi sciri de prus castia is numerosus articulus chi trattant de cust’argomentu:

http://www.ilminuto.inforicerca.php?ricerca=bellomonte

Grassesa de is pipius: convegnu in Casteddu

(IlMinuto) – Casteddu, 30 de su mes”e ledaminis – Comenti fai a cumbatti sa grassesa de is pipius e is arriscus chi comportat? At essi custu su tema de s’atóbiu aprontau de sa Asl de Casteddu cun s’agiudu de sa Siedp (Società di Endocrinologia e Diabetologia pediatrica) chi s’at a tenni cras in Casteddu (8.30, Hotel Mediterraneo).

"Ottobre piovono libri", laboratoriu dedicau a is líteras de Gramsci

(IlMinuto) – Casteddu, 30 de su mes”e ledaminis – “Unu grandu messaggiu morali e pàginas de alta e severa poesia”. Est custu, po Carlo Salinari, su valori mannu chi tenint is líteras de Antonio Gramsci. Unu messaggiu atuali. A custu messaggiu sa Biblioteca Gramsciana onlus at dedicau su progettu “Ti racconterei delle altre storie, sempre più maravigliose…”: unu traballu de educazioni a sa letura e de divulgazioni de is líteras de su rivoluzionariu sadru a unu pubblicu de pipius e de mannus. Po ùltimas iniziativas – aprontadas in s’ambitu de sa quarta edizioni de su progettu po promovi sa letura “Ottobre piovono libri”, boffiu de su “Ministero per i Beni e le Attività culturali” – s’ant a uniri puru is comunidadis de Pau (custumerì a is 16.00, Biblioteca comunali) e de Mogorèdda (cras a sa propriu ora in sa palestra comunali). Is seradas s’ant oberri cun su laboratoriu “Un mondo di volpi danzanti, topolini scalatori e ricci raccoglitori” po is pipius tra is setti e is úndix’annus, po sighiri, a is 19.00, cun s’ispettaculu “Ti darò notizie di una rosa”. S’at podi puru consultai una selezioni de operas de Gramsci.

Comunu assumit duus ingegneris

(IlMinuto) – Casteddu, 30 de su mes”e ledaminis – Su “Servizio Igiene del Suolo” de su Comunu de Casteddu xircat duus ingengeris de assúmiri po un’annu cun d’unu rapportu de collaborazioni “continuato e continuativo”. Is interessaus ant a depi presentai – intru s’otu de su mes”e totussantus – su curriculum in is ufícius de su “Servizio Igiene del Suolo” (in via Mercalli 31).

Master and Back: pubblicaus is avvisus po su Back, is Tirocinius e s’Alta formazioni artistica e musicali

(IlMinuto) – Casteddu, 30 de su mes”e ledaminis – Finalmenti cun quattru mesis de ritardu considerendi is tempus annunziaus, funti stetius pubblicaus – e si podint biri in su situ de sa Regioni Sardigna – is avvisus pubblicaus de su progettu  Master and Back 2009 po is Back, is Tirocinius e s’Alta formazioni artistica e musicali.