> 2009 mes’e totussantus | ilMinuto

Archìviu de mes'e totussantus 2009

Apuntamentus de cras 1 de su mes”e paschixèdda

(IlMinuto) – Casteddu, 30 de su mes”e totussantus -

 

 

Tzeddiàni, 17.00, “ex Montegranatico”, “Cellevane-Zeddiani” – presentazioni de su liburu cun is autoris

Casteddu, 20.30, Teatru Club, rassegna cinematografica V3 “Valeri, Vitti, Volontè” – proiezioni de su film “Il caso Moro” (1986) cun G. M. Volontè

Casteddu, 21.00, Teatru Massimo, “Al Massimo…dietro le quinte”

Casteddu, 21.15, Cine Odissea, rassegna de cinema tedescu “C’era una volta il muro” – proiezioni de su film “Der Dritte” (Rdt, 1972)

Isolamentu e accoglienzia: atóbiu cun Cannavera in sa Cittadella della Salute

(IlMinuto) – Casteddu, 30 de su mes”e totussantus – S’unioni e s’isolamentu soziali, is barbonis, su ruolu de is istituzionis in s’accoglienzia de is personas prus dèbilis. Ant essi custus is temas de s’atóbiu cun don Ettore Cannavera – responsabili de sa comunidadi La Collina de Serdiana – chi s’at a tenni custu mericeddu in sa Cittadella de sa Saludi de Casteddu (14.30, via Romagna – padiglione D). Su seminariu cun Cannavera est parti de su Cursu de formazioni nazionali po Mediadoris culturalis aprontau de sa Asl de Casteddu.

Editoria: a Mediterraneaonline s’eContent Award Italy 2009

(IlMinuto) – Casteddu, 30 de su mes”e totussantus – Importanti riconoscimentu po Mediterraneaonline. Sa rivista web guidada de Gianmarco Murru – e cun collaboradoris in Sardigna, Italia, Croazia, Tunisia, Egitto, Siria, Spagna e Portogallu – at bintu s’eContent Award Italy 2009, su premiu aprontau de su Politecnico de Milano po is mellus temas in “formato digitale”. Mediterraneaonline at bintu in sa categoria eCulture & Heritage, e s’est classificada in su terzu postu cun meritu uguali a cussu de is is aterus duus. “Custu risultau – narat Murru – est meda importanti poita no esti stetia giudicada scéti sa grafica o sa modernidadi de sa tecnologia, ma màssimu is temas: sa calidadi e sa ricchesa de s’offerta culturali”. Sa ceremònia de premiazioni s’est tenta in sa Nuova Fiera de Roma su 24 de su mes”e totussantus.

Prezius: Casteddu, s’inflazioni crescit puru in su mes”e totussantus

(IlMinuto) – Casteddu, 30 de su mes”e totussantus – Sighit a cresciri su costu de sa vida in sa cittadi de Casteddu. In su mes”e totussantus is prezius, segundu cantu iscrittu pagus minutus fait de su “Servizio informatica e Statistica” de su Comunu, est crèsciu de su 0,3 po centus (in su mes”e ledaminis s’aumentu esti stetiu de su 0,1). Su màssimu aumentu (+ 0,8 po centus) esti stetiu registrau in su settori “Serbízius de sa sanidadi e ispesas po sa saludi”.

Pd: stop a is primarias obertas, is segretarius provinzialis ant essi elígius scéti de is iscrittus

(IlMinuto) – Casteddu, 30 totussantus – Primarias obertas a sa genti chi no est iscritta? No, grazias. Sa direzioni regionali de su Pd sadru, in atóbiu finzas a is diris passadas in Santa Cristina de Paùle, at istabbiliu ca is segretarius provinzialis de su “Partito Democratico” ant essi elígius su 16 de su mes”e gennargiu scéti de is tesseraus. Sa decisioni – ballit puru po is comunus – esti stetia pigada a s’unanimidadi: acozada de is “innovadoris” sorianus e de is democraticus chi funt cun su segretariu regionali nou Silvio Lai.