> 2009 mes’e totussantus 02 | ilMinuto

Archíviu de sa diri 2/11/2009

Apuntamentus de cras 3 de su mes”e totussantus

(IlMinuto) – Casteddu, 2 de su mes”e totussantus -

 

 

Sèttimu, finzas a su 3 de su mes”e totussantus, “Heroes settimesi al fronte”

 

 

Frùmini Mayori
, finzas a su 30 de su mes”e totussantus, mostra de is cardulinus

 

Crabònia, 9.30-18.00-20.00, Saloni Velio Spano, proiezioni de “A scuola di Leonardo di Costanzo”

 

 

Casteddu, 18.00, Saloni de sa “Società umanitaria”, proiezioni de “L’arbitro” de Paolo Zucca

 

 

Casteddu, 18.00, Facoltadi de “Lingue e Letterature Straniere”, III Festival de poesia sadru-catalana

 

 

Casteddu
, 21.00, Cineteca sarda, Rassegna “Cinema tedesco oggi” – proiezioni de “Das Kaninche Bin Ich” (Il coniglio sono io, Rdt 1965)

 

Cuartuciu, 21.00, Teatru Olata, “Sono le cinque e sono già morto” de Nunzio Caponio

Altragricoltura: sa Sardigna declarit su stadu de crisi comenti at fattu sa Sicilia. "Prontus a occupai s’assessorau"

(IlMinuto) – Casteddu, 2 de su mes”e totussantus – Fai totu is passus nezzessarius po declarai su stadu de crisi de sa massaria aici comenti funt faendi is istituzionis de sa Sicilia e de sa Basilicata. Est custa sa dimanda chi su coordinadori nazionali de “Altragricoltura”, Gianni Fabbris, at fattu oi a su presidenti de sa Giunta regionali de sa Sardigna, Ugo Cappellacci, in d’una confèrenzia stampa in Casteddu. “S’assessori Prato – at nau Piergiorgio Silanus – at circau de sciamiai “Altragricoltura” dimostrendi de no sciri fai politica e de no conòsciri sa lei 44 de su 1988″. “De parti de is massajus – at ispiegau Fabbris – crescit sa nezzessidadi de andai a occupai s’Assessorau de s’”Agricoltura”. Is massajus ant a dezidi ita fai cras in d’un’atóbiu, in su mentris eus a attèndi ca su presidenti Cappellacci cunvochit un’atóbiu. Su nostru est unu movimentu sériu”. Sa declarazioni de su stadu de crisi po sa massaria – esti stetiu nau – iat a podi consentiri de finanziai sa massaria in crisi. Is critérius de s’Unione – at ispiegau su leader de Altragricoltura – iant a podi fai serrai su 40 po centu de is aziendas de sa massaria in Sardigna in pagus tempus. “S’assesori Prato – at arremacciau Fabbris – no podit nai ca is massajus sadrus no tenint ateru de fai chi s’arremangai e fai mercau: prodúsiri in Sardigna costat su 20 po centu in prus”. Abarrat de risolviri su nuu de sa lei 44 de su 1988, chi bidit prus de 300 aziendas chi  arriscant d’essi bendias a s’asta. In custu sensu “Altragricoltura” at pediu una dilatazioni de s’attividadi de sa Commissioni chi po lei iat a depi presentai – ma no dd’at fattu – a su presidenti de su Consillu una proposta po sa “ristrutturazioni” de is dèpidus fattus po mori de sa lei 44/88. Un’allonghiamentu de is traballus de sa Commissioni – scadius su 31 de su mes”e argiolas de su 2009 – iat a podi prorogai sa suspensioni de is “giudizius in pendenzia” e de is modus de “coberànza e recúperu” tímius de is famiglias de centinas de massajus de s’Isola.

Triunfu olandesu po su rap sadru. Vittoria in su "Liet International" po Dr Drer e Crc Posse

(IlMinuto) – Casteddu, 2 de su mes”e totussantus – “Apu biu” conquistat puru s’Europa. Sa canzoni presentada de Dr Drer e de sa Crc Posse s’est classificada in su primu postu in su votu on line e in su segundu postu po su giudiziu de sa critica in su prus importanti festival europeu de is canzonis iscrittas usendi is linguas minoridarias: su “Liet International”, chi s’est tentu sabudu passau in Leeuwarden, in Olanda. Sa vittoria po sa canzoni de Drer e socius esti stetia aicci manna ca sa band esti stetia inviatada a partezipai puru a su Festival de sa Liberazioni olandesa de su 2010.

Arregortas 800 firmas po Bellomonte. Suzzessu po s’atóbiu "lavoratori per Bruno"

(IlMinuto) – Casteddu, 2 de su mes”e totussantus – Crescit sa solidariedadi po su dirigenti de A Manca pro s’Indipendentzia Bruno Bellomonte, presoneri in Siano (Catanzaru) cun s’acusa – fatta scéti de  intercettazionis – de ai pigau parti a unu tentativu de torrai a ponni in vida su brigatismu arrúbiu po su G8 de Sa Madalèna. A oi funt giai 800 is firmas arregortas po agiudai sa petizioni chi pedit a is presidentis de sa Giunta e de su Consillu regionali de cumbàtiri po fai aplicai sa 354/75 e de cumbàtiri po su protocollu de intesa tra sa Regioni autonoma de sa Sardigna e su Ministeru de sa Giustizia po sa territorialidadi de sa pena. Sàbudu passau in s’atóbiu “Traballadores pro Bellomonte, sa mulleri de s’esponenti de Amp Caterina Tani, at spiegau a ita puntu est arribbada sa chistioni. In sa sedi de su “Partito comunista dei lavoratori” – in via Sant’Avendrace – circa 50 operàjus, maistus de iscola, disocupaus, traballantins de su call center e precarius ant donau sa própriu solidariedadi a Bellomonte. Sa lota de Bellomonte, de comunista indipendentista – esti stetiu spiegau prus de una borta in su cursu de s’atóbiu – est incompatìbili cun su mod”e fai de is “Brigate Rosse” e de is organizzazionis símilis a custa. S’atóbiu esti stetiu puru un’ocasioni po cumenzai a oberriri su diàlogu tra calincuna de is forzas politicas de sa sinistra anticapitalista: A Manca pro s’Indipendentzia, Pcl, Prc e Sinistra Critica.

Giustizia: Palomba (Idv) a is magistraus de Casteddu. "No a su disignu de lei distruggidori bófiu de su Guvernu"

(IlMinuto) – Casteddu, 2 de su mes”e totussantus – “‘Italia dei Valori’ no at donai mai sa própriu aproui a is ipòtesi chi no bollint riformai, ma sformai sa giustizia. No s’at a sezzi cun sa magistratura de sa mazorànzia chi bollit fai custu disignu de lei distruggidori. Pedit a totus is politicus a no fai cumpromissus in materia de giustizia. Idv at a cabai in is prazzas po difèndiri is giugis e, cun custus, sa democrazia, sa libertadi e sa costituzioni”. Cun custus fueddus su deputau sadru e vicepresidenti de sa “Commissione Giustizia”, Federico Palomba, at espressau, cenàbara passada, sa solidariedadi de s’”Italia dei Valori” a s’atóbiu de is magistraus de Casteddu.