> 2009 mes’e totussantus 03 | ilMinuto

Archíviu de sa diri 3/11/2009

Apuntamentus de cras 4 de su mes”e totussantus

(IlMinuto) – Casteddu, 3 de su mes”e totussantus -

 

 

Frùmini Mayori, finzas a su 30 de su mes”e totussantus, mostra de is cardulinus
 

 

Casteddu, 18.30, Manàmanà, presentazioni de sa rivista “La Collina” Ed Edizioni cun don Ettore Cannavera e Giacomo Mameli

 

 

Casteddu, 21.00, Associazioni “Sardegna-Palestina”, proiezioni de su film “Arna’s Children”

 

 


Guasìlla
, 21.00, Teatru Montegranatico, “Dracula” de Gianluca Medas

 

 


Crabònia
, 22.00, Saloni Velio Spano, “Il privato è politico” – rassegna cinematografica

In sa sagra de Turri tra rezzettas cun su zaffaranu

(IlMinuto) – Casteddu, 3 de su mes”e totussantus – “Valorizzai e promòviri su prodottu nostru in cuxina”. Est custu, in is fueddus de su presidenti de sa Pro Loco de Turri, Eventino Picchedda, s’obbiettivu de sa “Sagra de su zaffaranu” chi s’at a tenni in sa biddixedda de sa Marmidda su 7 e s’8 de su mes”e totussantus. Ocannu s’iniziativa previdit puru una gara tra is pratus e is rezzettas cun su zaffaranu. Una giuria at a valutai sa spiegazioni e s’ornamentu de su pratu, su sabori de is pitanzias, su rapportu tra sa tradizioni e s’innovazioni. Sa Pro Loco de Turri “incitat cuxineris e massàjas de totu s’isola ” a participai a su cuncursu.

Caligaris (Asdr), donai vigori a s’Uffiuciu Paesaggio de sa Regioni

(IlMinuto) – Casteddu, 3 de su mes”e totussantus – “S’Ufficiu de su Paesaggio de sa Regioni no arrennescit a donai arrespustas a is bisongius de is cittadinus. In custu modu ddoi est s’arriscu chi siat arricìa scéti calincuna instanzia, faendi nasci su suspettu de favorèssiri calincuna persona. Po custu motivu s’Ufficiu depit essi dodau de prèssi de aterus traballantis de professioni”. Ddu narat s’ex consilleri regionali socialista Maria Grazia Caligaris, presidenti de s’associazioni Socialismo Diritti e Riforme. “Varius cittadinus inasprius de is ritardus senz”e torrada po is autorizzazionis a costruiri – narat Caligaris – no arrennescint a ottèniri ateras informazionis de is tennicus de is serbizius”.

Master and Back: pubblicazioni de is bandus, sa soddisfazioni de su Comitau. "Arricìas is indicazionis nostras po currigiri is ‘Percorsi di rientro’"

(IlMinuto) – Casteddu, 3 de su mes”e totussantus – “Soddisfazioni po sa pubblicazioni de is bandus ‘Percorsi di rientro’, ‘Tirocini’ e ‘Alta Formazione’ (…) e po su finanziamentu de su programma”. Est cantu esprimit cun d’una nota stampa su Comitau Master and Back. “Si puru ddoi funti stetius ritardus mannus po medas laureaus sadrus – si podit liggiri in su comunicau-, su comitau esprimit s’appreziamentu suu massimu po su bandu ‘Percorsi di rientro’, chi arricit casi totus is correzionis nostras”.

"No seus una chistioni de órdini pubblicu". 70 traballantis pedint a su Comunu de Casteddu de aplicai is normas regionalis de su "collegato" po sa stabilizzazioni de is precarius

(IlMinuto) – Casteddu, 3 de su mes”e totussantus – Mandai a sa Regioni, intru su términ”e lei de su 6 de su mes”e totussantus, su pianu de stabilizzazioni po fai cantu primu is cantieris comunalis. Funt custas is dimandas chi is 70 traballantis precarius de su Comunu de Casteddu – chi de una cida protestant accampaus a facc”e de Palazzu civico de via Roma – faint a s’amministrazioni comunali. Is arrexonis de sa lota funti stetias spiegadas custu mangianu in d’una conferènzia stampa. Su “collegato” a sa Finanziaria aprovau in su mes”e austu de su Consillu regionali – ant spiegau is traballantis – iat permittiri su traballu stabili de totus is precarius cun prus de 30 mesis de traballu in su Comunu, ma s’amministrazioni comunali – diversamenti de sa Provìnzia de Casteddu – po immoi no riconnoscit a is traballantis su dirittu a tenni unu traballu. “S’imputant – at declarau ariseru a s’”Unione Sarda” s’assessori a su “Personale” de su Comunu Giuseppe Farris – de no ai ancora fattu su bandu comenti in veci at fattu sa Provìnzia chi at emanau unu bandu in basi a una normativa chi po su Minustru Fitto est incostituzionali”. In su fratempus – ant dinunziau is traballantis tra is banderas de sa funzioni pubblica de sa Cgil – is cantieris comunalis funt firmus e sa lota de is precarius depit essi esaminada in s’atóbiu de su Consillu comunali de custumerì comenti una simplizi chistioni de ordini pubblicu. Ma is precarius – edadi media 57 annus – ant arremacciau, cun disgustu po is fueddus naus de s’assessori, de fai totu custu scéti po rivendicai su dirittu a su traballu decretau própriu de sa Costituzioni citada de Farris.