> 2009 mes’e totussantus 03 | ilMinuto - Part 2

Archíviu de sa diri 3/11/2009

Pàgina 2 de 2

"Risorsas de s’ambienti e patrimonius de sa cultura", in Seùlu s’atóbiu po is operatoris de is ecomuseus

(IlMinuto) – Casteddu, 3 de su mes”e totussantus – “Risorsas de s’ambienti e patrimonius de sa cultura. Ideas po s’isviluppu de su territoriu”. Est custu su tema de s’atóbiu organizzau de s’associazioni culturali Su Scusorgiu e de s’Ecomuseu de S’Altu Flumedosa chi s’at a tenni su 6 e su 7 de su mes”e totussantus in Seùlu. Duas diris importantis po sa formazioni de is operadoris de is museus, de is parcus e de is ecomuseus. Is traballus ant a essi obertus cenabara a mangianu (9.00, Centro polifunzionale de sa Biblioteca comunali) cun sa presentada de su presidenti de s’onlus Su Scosorgiu, Giancarlo Boi.

"A scuola" oberrit in Crabònia sa rassegna de su cínema documentariu

(IlMinuto) – Casteddu, 3 de su mes”e totussantus – 100 proiezionis, 14 documentarius, 11 cittadis: funt custus is nùmerus de sa rassegna de su cínema documentariu – promovia de s’associazioni de Torinu Documé – chi at a coinvolgi sa Sardigna de oi a su 22 de su mes”e paschixedda. “Est – narant is promotoris -  un’eventu estraordinariu chi at a biri impari 11 logus de s’isola in su signu de su prus bellu cínema documentariu de autori”. S’iniziativa bidi tresi proiezionis cotidianas, dogniuna precédia de una presentazioni critica brevi. In Crabònia sa rassegna cumenzat custu mangianu a is 9.30 (Saloni Spano, s’intrada est libera) cun sa proiezioni de “A scuola” de Leonardo Di Costanzo. Film chi – a cantu narat s’autori – contat “is maistus chi diri po diri s’agatant in prima línia po sperimentai tatticas e cumportamentus”.

Casteddu, in su mes”e ledaminis aumentat su préziu de sa vida (+ 0,1 po centu)

(IlMinuto) – Casteddu, 3 de su mes”e totussantus – Cun s’atóngiu torrat a aumentai s’inflazioni in sa cittadi de Casteddu. In su mes”e ledaminis is prézius a su consumu, a cantu narat su “Servizio Informatica e Statistica” de s’amministrazioni comunali, funt aumentaus de su 0,1 po centu (in su mes”e cabudanni furiant diminuius de su 0,5). Sa carestia prus manna esti stetia registrada in su settori “Domus, acqua, in s’elétricu e in is combustìbilis” (+0,6 po centu) e in s’intruzioni (+0,5).

Apuntamentus de oi

(IlMinuto) – Casteddu, 3 de su mes”e totussantus -

 

 

Sèttimu, finzas a su 3 de su mes”e totussantus, “Heroes settimesi al fronte”

 

 

Frùmini Mayori
, finzas a su 30 de su mes”e totussantus, mostra de is cardulinus

 

Crabònia, 9.30-18.00-20.00, Saloni Velio Spano, proiezioni de “A scuola di Leonardo di Costanzo”

 

 

Casteddu, 18.00, Saloni de sa “Società umanitaria”, proiezioni de “L’arbitro” de Paolo Zucca

 

 

Casteddu, 18.00, Facoltadi de “Lingue e Letterature Straniere”, III Festival de poesia sadru-catalana

 

 

Casteddu
, 21.00, Cineteca sarda, Rassegna “Cinema tedesco oggi” – proiezioni de “Das Kaninche Bin Ich” (Il coniglio sono io, Rdt 1965)

 

Cuartuciu, 21.00, Teatru Olata, “Sono le cinque e sono già morto” de Nunzio Caponio