> 2009 mes’e totussantus 04 | ilMinuto

Archíviu de sa diri 4/11/2009

Apuntamentus de cras 5 de su mes”e totussantus

(IlMinuto) – Casteddu, 4 de su mes”e totussantus -

Frùmini Mayori, finzas a su 30 de totussantus, mostra de is cardulinus

 

Casteddu, 5-12 de su mes”e totussantus, Exmà, “Festival della Scienza”

 


Casteddu
, 5-6 de su mes”e totussantus, auditorium de sa Facoltà de Lingue e Letterarature straniere, “Una scuola che parla” – seminariu Anils

 

Casteddu, 11.00, Exmà, conferènzia “Galileo e l’evoluzione della cultura”

 

Casteddu, 15.30, Lazzaretto Sant’Elia, partenzia de sa “Marcia per la pace e la nonviolenza”

 

 

Casteddu, 17.00, aula magna de sa Facoltadi de Scienze politiche, dibattidu po chistionai de su pamphlet “Università in un mondo neoliberista” de Alex Callinicos

 

Casteddu, 17.30, La Vetreria, inaugurazioni de su Festival letterariu “Leggendo metropolitano”

 

Casteddu, 18.30, Caffé Savoia, “I partigiani del genoma” – dibattidu

 

Tàtari, 19.00, Caffé e Teeria Mannoni, inaugurazioni de sa mostra de pittura “Magica…mente” de Francesca Soggiu

 

Casteddu, 20.00, Teatro Nanni Loy, “Giovanna D’Arco, anche lei oggi sceglierebbe la nonviolenza come strumento di lotta” – ispettaculu  teatrali

 

Casteddu, 20.30, ex Liceo Artistico de prazza Dettori, proiezioni de su film “Moolaada” de Ousmane Sembene

 

Casteddu, 20.30, Palazzo Siotto, Festival “Le salon de music” – concertu de Ivan Mancinelli

 

Casteddu, 20.30, Biblioteca universitaria, “Sarisate, De Falla, Gravidos” – concertu

 

Casteddu, 21.00, Spazio Odissea, Rassegna “Oltre gli autori: attorno al cinema italiano del dopoguerra”: Gianni Olla presentat, sighit su film “In nome della legge”

 

Casteddu, 21.00, Cresia monumentali de Santa Chiara, “Dracula” de Gianluca Medas – ispettaculu teatrali

 

 

Casteddu, 22.00, Cover Art Café, Concertu de s’Angelini Jazz duo

 

 

Casteddu, 22.30, Old Square, Ecletic in 4/4 – concertu

 

Casteddu, 23.00, Mambo Tango, Monkey vs Monkey duo – concertu

Rom, Sinti e diritus negaus: in Casteddu sa presentazioni de su liburu

(IlMinuto) – Casteddu, 4 de su mes”e totussantus – “Rom e Sinti in Italia. Tra stereotipi e diritti negati”: est custu su titulu de su liburu curau de Gianni Loy e Roberto Cherchi chi at essi presentau custumerì a is 17.00 in s’Aula magna de sa Facoltadi de Scienze politiche, in Casteddu. S’opera si cumponit de varius saggius chi chistionant de sa condizioni de is Rom e de is Sinti in Italia. Meda interessanti est su scrittu de Luca Bravi e de Paolo Finzi, dedicau a s’esterminiu de custus populus de parti de su nazifascismu, una pàgina de istoria scarescia cun fazilidadi. Custu liburu de saggius at essi presentau de su sociologu Gianfranco Bottazzi e de sa maista de “Diritto pubblico” Silvia Niccolai.

Fieracavalli de Verona, sa Sardigna presentat s’ippovia

(IlMinuto) – Casteddu, 4 de su mes”e totussantus – Sardigna protagonista in sa Fieracavalli, sa manifestazioni in programma de cras finzas a domìnigu in Verona. Sa Regioni at a tenni unu stand in sa 111ª edizioni de sa prinzipali Kermesse internazionali de su settori. Po cust’eventu, s’assessori regionali de s’”Agricoltura”, Andrea Prato, at a presentai su progettu “I sentieri dell’anima”, chi previdit sa realizzazioni de s’ippovia prus manna de su Mediterraneu, un’ippovia capaci de ponni in comunicazioni is portus e is aereoportus de s’Isola cun is territorius internus, in d’un’ottica chi torrit a ponni in luxi su turismu rurali. Un’oportunidadi po iscoberriri a cuaddu logus meda bellus e po gustai is prodottus agru-alimentaris de sa Sardigna doxi mesis a s’annu.

Massaria: "Cappellacci at cambiau opinioni po su stadu de crisi?

(IlMinuto) – Casteddu, 4 de su mes”e totussantus – “Sa linea politica de sa Regioni est cambiada?”. Est cantu dimandat, cun d’una nota indirizzada a su Presidenti de sa Giunta Ugo Cappellacci e a s’assessori Giorgio La Spisa, s’assemblea de su movimentu de lota de is massajus, riunia ariseru in Deximu Putzu. “S’assemblea (…) – si podit liggiri in su documentu – rinnovat sa richiesta a su Presidenti Cappellacci de sciri si sa linea de sa Regioni, chi at partizipau s’8 de su mes”e arbili passau impari a “Altragricoltura” a un’atóbiu chi s’est tentu in su Senau, est cambiada. In ocasioni de s’atóbiu s’assemblea iat dimandau su stadu de crisi. Su gruppu pedit claresa puru a s’assessori Giorgio La Spisa, chi po is elezionis iat “suttoscritu su sustegnu suu a sa “piattaforma” po sa lei 44/88″, una cosa portada innantis de s’assemblea de Deximu Putzu. A sa basi de sa richiesta de claresa fatta po sa politica regionali ddoi funt is recentis declarazionis de s’assessori “dell’Agricoltura” Andrea Prato, chi parrint esclùdiri sa declarazioni de su stadu de crisi in Sardinia, propriu candu in Sicilia e in Basilicata s’est fattu custu passu. S’assemblea de is massajus annunziat puru sa partecipazioni a is traballus de su Consillu obertu de sa Provìnzia de Casteddu, convocau po is primus diris de sa cida chi benit. “Po cust’atóbiu – narat su comunicau – is massajus ant a arribai a si mobilitai e a manifestai”.

Donkeyshout Festival: in su Nanni Loy duas seradas tra rap, funk e rock

(IlMinuto) – Casteddu, 4 de su mes”e totussantus – Rap, reggae,  rocksteady, funk, rock “demenziale”: est custa sa musica chi at a animai su Donkeyshout Festival, manifestazioni dedicada a calincuna de is prus bellas realtadis musicalis de s’Isola, in programma su 6 e su 7 de su mes”e totussantus in su Teatru Nanni Loy de Casteddu. In sa serada de cenabara, cumenzendi de is 21.00, is protagonistas ant essi is Balentia, su Primo Chef del Cosmo e s’Rtp Acoustic Ensemble. Sabudu at essi su turnu de is Musica ex Machina, de Dr. Drer e Crc Posse e de is Pedditzi Trasporti. Is concertus ant essi precedius a is 19.00 de sa mostra de discus “Collezionisti di vinile” e de is set de Dj Sequoia e Dj Favarolo. Sa manifestazioni est organizzada de s’Associazioni Don Chisciotte e de sa compagnia Donkeyshouts. S’intrada est a offerta.