> 2009 mes’e totussantus 09 | ilMinuto

Archíviu de sa diri 9/11/2009

Apuntamentus de cras 10 de su mes”e ledaminis

(IlMinuto) – Casteddu, 9 de su mes”e totussantus -
 

Frùmini Mayori, finzas a su 30 de su mes”e totussantus, mostra de is cardulinus
 
 

Casteddu, finzas a su 12 de su mes”e totussantus, Exmà, “Festival della Scienza”
 
 

Casteddu, finzas a su 15 de su mes”e totussantus, Fiera de Casteddu, “Fiera salone dell’arredamento”
 
 

Casteddu, Villa Satta, finzas a su 22 de su mes”e totussantus, “Mozambico: le stagioni del futuro” – reportage fotograficu
 
 
 

Aristanis, Ept, 18.00, atóbiu de su Coordinamentu precarius iscola Aristanis
 
 


Casteddu
, 18.30, sedi nazionali Rossomori de via Machiavelli, atóbiu
 
 


Casteddu
, 20.30, Teatru Club, Rassegna “V3 – Valeri, Vitti, Volontè” – proiezioni de su film “La ragazza con la pistola”
 
 

Casteddu, 20.30, “Ghetto degli ebrei”, concertu de Luigi Lai
 
 


Casteddu
, 20.30, Teatru Lirico, Concertu de s’”Orchestra Mozart” – direzioni de Claudio Abbado
 
 


Casteddu
, 21.00, “Cineteca sarda”, Rassegna “Cinema tedesco oggi” – proiezioni de “Die legend Von Paul und Paula” (Rdt, 1973)
 
 

Crabònia, 21.00, Saloni Velio Spano, Rassegna “Documé” – proiezioni de “Il futuro, comizi infantili” de Stefano Consiglio
 

Casteddu, 21.00, “Spazio Odissea”, “Alberto Lattuada: formalista della realtà” a cura de Adriano Aprà – proiezioni de su film “Anna”
 

Casteddu, 22.15, Canone inverso, Casteddu Groove in concertu

Chioschettus de su Puettu: recursu a su Tar contra a sa sciusciadura

(IlMinuto) – Casteddu, 9 de su mes”e totussantus – Is gestoris de is circa 20 chioschettus de su Puettu de Casteddu ant a presentai recursu a su Tribunali amministrativu regionali: no tenint nesciuna intenzioni de ponni menti a s’ordinanzia de s’ufíciu”Edilizia privata” de su Comunu chi disponit s’atterramentu de is costruzionis intru 90 diris de sa notifica de su provvedimentu. Custumerì (18.30, Capolinea) is meris de is chioscus chi arriscant sa ruspa ant a chistionai totus impari cun is consilleris comunalis de su Pd in Casteddu.

Premiu "Calix 2009": is bincidoris

(IlMinuto) – Casteddu, 9 de su mes”e totussantus – Terre Brune 2005 de is Cantinas de Santadi po su binu arrubiu, Karmis 2008 de sa Cantina Contini de Aristanis po is biancus, Argialis 2005 de sa Cantina Argiolas de Serdiana po is binus durcis; funt is binus chi ant bintu sa primu edizioni de su premiu “Calix Sardinae 2009″. S’iniziativa, chi s’est tenta pagu tempus fait in Casteddu, esti stetia boffia de s’associazioni “Botteghe in piazza”, cun s’obbiettivu de promòviri e valorizzai su binu sadru. Is bincidoris funti stetius elìgius de is rappresentantis de is cantinas de is enotecas, de is giornalistas de su ramu e de is iscrittus a is associazionis enologicas. No funti stetius premiaus scéti is binus prus bellus, ma su Calix Sardiniae 2009 esti stetiu donau puru a sa mellus cantina (Contini de Aristanis), a s’enolugu prus bravu (Mariano Murru), a su giornalista enogastronomicu prus bravu (Angelo Concas), a s’imbasciadori prus capaci (Gilberto Arru) e a s’eventu prus mannu (Dolce vino). Su premiu ispeciali Calix 2009 a sa memoria est andau a Antonio Lai.

Sclerosi laterale amiotrofica: su scioperu de sa famini de Usala intrat in Parlamentu. 150 personas ant addiriu in totu s’Italia

(IlMinuto) – Casteddu, 9 de su mes”e totussantus – “De su mesunoti de oi (7 de su mes”e totussantus n.d.r.) m’apa a uniri a s’iniziativa paxiosa e de dialogu intraprendia de Salvatore Usala, Giorgio Pinna e Mauro Serra”. Dd’at declarau sa deputada de su Partito Radicale, Maria Antonietta Coscioni, candu at addiriu a s’iscioperu de su famini fattu de Usala po rivindicai un’assistenzia mellus po totus is malàdius de Sla. Ariseru sa parlamentari, e presidenti de s’associazioni Luca Coscioni, at fattu bisita a su promotori de s’iniziativa in sa domu de Paùli e at esortau a sa mobilitazioni in totu s’Italia aregollendi 150 consensus in pagus oras. “Appu giai presentau diversas interrogazionis in su ‘Ministero della Salute’ – at declarau sa deputada – aundi dinunziu sa situazioni de Usala, Serra, Pinna e medas malàdius de Sla”. Est drammaticu – sighit s’esponenti de is radicalis – ca in Sardigna, comenti in is ateras regionis italianas, no ddoi siat una mappadura geogràfica de sa distribuzioni de custa maladia, cosa chi iat giai nau duus annus fait. Est drammaticu cussu chi Usala scririt a su sottosegretariu Fazio: “Ocannu funt mortus po abbandonu medas maladius, màssimu poita non tenendi curas, no ant fattu sa ‘tracheotomia’”. Sa lota de Usala e de is maladius de Sclerosi laterale amiotrofica at arregortu puru sa solidariedadi de Rifondazione comunista Sardegna: “Su Prc – si podit liggiri in d’una nota – sustenit sa lota drammatica de Salvatore (iscrittu a su Partidu de candu est nasciu) e de is maladius de Sla, una lota chi fait parti de una battalla po unu sistema sanitariu chi siat accanta a is bisòngius de is zitadinus e dùncas fondau asuba de finanziamentus giustus e agiudau de ispecificas politicas de organizzazioni”.

Po aderiri a s’iniziativa: www.lucacoscioni.it

Caligaris (Sdr): Cappellacci bollit scancellai sa "Commissione per le Pari Opportunità"

(IlMinuto) – Casteddu, 9 de su mes”e totussantus – S’autoconvocazioni de is cumponentis, elígius de su Consillu regionali, est s’únicu modu po rèndiri operativa sa “Commissione per le Pari Opportunità” tra óminis e féminas po evitai chi andint in economia is 200milla eurus prevìdius in sa Finanziaria. Est assurdu chi su presidenti Ugo Cappellacci, chi iat a depi depiu provvidiri, no dd’at fata intrai. Forsi si bollit risparmiai ‘scancellendi’ sa Commissioni. Totu su contràriu de cussu chi is féminas chi dd’ant elígiu s’aspettanta de agatai”. Ddu narat s’ex consillera regionali socialista Maria Grazia Caligaris, presidenti de s’associazioni “Socialismo Diritti Riforme”, spieghendi ca “ignorai s’importànzia de un’istrumentu indispensàbili po sa cultura de sa paridadi e po su respettu de sa diferénzia de gèneri est unu signali de intercultura democratica”. Segundu s’esponenti socialista “s’inattividadi de sa Commissioni at a creai cosseguénzias po s’immàgini de sa Regioni e po sa soziedadi sadra puru poita chi no s’insediat prestu no at essi in gradu de programmai nemancu po su 2010. Scadint su 31 de su mes”e marzu is términus po presentai is propostas”.