> 2009 mes’e totussantus 10 | ilMinuto

Archíviu de sa diri 10/11/2009

Apuntamentus de cras 11 de su mes”e totussantus

(IlMinuto) – Casteddu, 10 de su mes”e totussantus -

 

 

 

 

Frùmini Mayori
, finzas a su 30 de su mes”e totussantus, mostra de is cardulinus
 

 

 

Casteddu, finzas a su 12 de su mes”e totussantus, Exmà, “Festival della Scienza”

 

 

Casteddu, finzas a su 15 de su mes”e totussantus, Fiera de Casteddu, “Fiera salone dell’arredamento”

 

 


Casteddu
, Villa Satta, finzas a su 22 de su mes”e totussantus, “Mozambico: le stagioni del futuro” – reportage fotograficu

 

Seddori, “Festa di San Martino”

 

 

Casteddu, 17.30, Exmà, atóbiu po chistionai de “Scienza, società e alimentazione”. Presentat e coordinaT Alessandra Guigoni

 

 


Casteddu
, 18.30, Circolu Prc Togliatti, Semìnariu de formazioni politica. Primo apuntamentu: organizzazioni de su partidu

 

 

Casteddu, 18.30, Manàmanà, “Un mercoledì da lettori”

 

 


Casteddu
, 21.00, sed”e s’Associazioni “Sardegna-Palestina”, proiezioni de su film “Sotto le bombe”

 

 

Guasìlla, 21.00, Teatru Montegranatico, “L’ultimo Mamuthone” de Gianluca Medas

 

 

Casteddu, 21.00, Teatru Massimo, “Macbeth”

 

 

Casteddu, 21.30, Café delle arti, Acoustic open mic

Allagamentus: "Operazione fiumi" de Legambiente arribbat in Cabudèrra, in s’arriu San Girolamo, a un’annu de su disastru

(IlMinuto) – Casteddu, 10 de su mes”e totussantus – Arribbat in Sardigna “Operazione fiumi”, sa campagna nazionali de Legambiente e de su Dipartimentu de sa Protezioni civili dedicada a sa prevenzioni de is smuronamentus e de is allagamentus. S’iniziativa si firmat oi in Cabudèrra po sensibilizzai is cittadinus e is istudiantis in materia de arriscus idrogeologicus. A pustis de su controllu fattu totu su mangianu in is zonas colpias de s’allagamentu cun is piciocus de s’”Istituto Sergio Atzeni”, at a sighiri a su merì unu seminàriu-dibattidu (15.30, Casa Melis) cun sa partecipazioni de su sindigu de Cabudèrra, Giorgio Marongiu, de Giuseppe Delogu de su “Corpo Forestale”, de geolugus e de ricercatoris. In is ultimus mesis, cun “Operazione fiumi”, chi fait s’ùltima sosta de su tour in Sardigna, is attivistas de Legambiente ant monitorau – comenti si podit liggiri in d’una nota de s’Ufficiu stampa – “is attividadis chi prus de 5milla comunus a arriscu idrogeologicu ant postu in campu po sa seguresa de is cittadinus e de su territoriu contra a is smuronamentus e a is allagamentus”. Is risultaus de su monitoraggiu, arregortus in su dossier “Ecosistema rischio”, ant essi ammostaus cras in Casteddu.

Massaria: trattoris in prazza po pediri sa declarazioni de su stadu de crisi

(IlMinuto) – Casteddu, 10 de su mes”e totussantus – Si fait sempiri prus dura sa lota de is massajus e de is pastoris sadrus. Cras a mangianu, in occasioni de su Consillu provinziali obertu a is chistionis de su ramu, is trattoris ant a fai unu presidiu in prazza Palazzo, in Casteddu, a partiri de is 10. Po sa protesta ddoi ant essi – tra is ateras organizzazionis – “Altragricoltura Sardegna”, sa “Uilmec Uil” e su “Comitato dei pastori sardi”. Is aprontadoris ant a sighiri a pediri a sa Regioni su riconoscimentu de su stadu de crisi po sa massaria sadra, aici comenti ant fattu in Sicilia e in Basilicata in is cidas passadas. “Sa declarazioni de su stadu de crisi po totu sa massaria sadra – si podit ligiri in d’una nota stampa – est sa primu condizioni po pediri a su Guvernu nazionali de pòniri a disposizioni is risorsas nezzessarias po ottèniri is obiettivus scritus in sa declarazioni de su stadu de crisi e, duncas, est interessi de is istituzionis territorialis e de sa Regioni Sardigna fai de totu po dd’ottèniri.

Sciénzia e alimentazioni in Sardigna: atóbiu cras in s’Exmà

(IlMinuto) – Casteddu, 10 de su mes”e totussantus – “Aundi est andendi s’enogastronomia sadra?”. At essi custu unu de is cuesitus chi ant animai su dibbatidu “Scienza, società e alimentazione”, in programma cras in Casteddu (Exmà, 17.30) po su “FestivalScienza 2009″. A s’atóbiu, chi at essi introdùsiu e coordinau de s’antropologa Alessandra Guigoni, ant a partecipai su giornalista Pierluigi Zanata, su chef Cosimo Tridici, su sociolugu Nicola Migheli – responsabili de is presídius slow food in Sardigna -, sa studiosa in sciénzia de s’Alimentazioni Michela Peretti, su professori de Biochimica a s’Universidadi de Casteddu Andrea Rinaldi e sa responsabili de sa rubrica “Comunicare la scienza” de su situ istituzionali de s’ateneu casteddaiu, Laura Farci.

Sadru in is iscolas: in Tàtari atóbiu po is propostas de su "Comitadu pro sa limba sarda"

(IlMinuto) – Casteddu, 10 de su mes”e totussantus – Illustrai a is istituzionis calincuna proposta de lei po introdusiri su sadru in is iscolas. Cun cust’iscopu oi in Tàtari (10.30, Palazzu Ducale) ddoi at essi un’atóbiu promòviu de su “Comitadu pro sa limba sarda”. “Su Comitau – si podit liggiri in su comunicau stampa – at a chistionai de is risultaus ottennius in sa fasi de aziòni, osservazioni e sensibilizzazioni fatta cun sa rezza e màssimu cun su social network Facebook”.