> 2009 mes’e totussantus 11 | ilMinuto

Archíviu de sa diri 11/11/2009

Apuntamentus de cras 12 de su mes”e totussantus

(IlMinuto) – Casteddu, 11 de su mes”e totussantus -

 

Frùmini Mayori, finzas a su 30 de su mes”e totussantus, mostra de is cardulinus

 

 

Casteddu, Exmà, ultima diri de su “Festival della Scienza”

 

 

Casteddu, finzas a su 15 de su mes”e totussantus, Fiera de Casteddu, “Fiera salone dell’arredamento”

 

 

Casteddu, Villa Satta, finzas a su 22 de su mes”e totussantus, “Mozambico: le stagioni del futuro” – reportage fotograficu
 

 

 

Casteddu, finzas a su 29 de su mes”e totussantus, “Cittadella dei Musei”, Rassegna multimediali “Stanze”

 

 

Serrenti, 12-26 de su mes”e totussantus, “Ex Mattatoio”, rassegna “VideoDanza”

 

 

Serrenti, 15.00, “Settimana di educazione allo sviluppo sostenibile” – seminariu po is amministradoris, operadoris culturalis e turisticus de is cittadis de sa terra crua

 

 

Casteddu, 16.30, Teatru ciechi, “Gaza. Restiamo umani”: atóbiu cun Vittorio Arrigoni promòviu de sa Facoltadi de “Scienze politiche” e de Amnesty International

 

 

Aristanis, 17.00, Ept, atóbiu tecnicu po chistionai de su precariau de is traballantis de s’ iscola

 

 

Casteddu, 17.00, Teatru Massimo, “Macbeth” – turnu M

 

 


Casteddu
, 17.00, Aula magna de s’intrada de via Trentino de sa Facoltadi de “Lettere”, “Non siamo in vendita” – atóbiu generali de Ateneu

 

 

Casteddu, 18.00, “Cittadella dei Musei”, inaugurazioni de sa rassegna “Stanze”

 

 

Casteddu, 18.30, Libreria Murru, “Incontri d’autore”: Antonello Ardu presentat su liburu “Dossier Hoffman”

 

 


Sestu
, 18.30, Convegnu “Sestu tra preistoria e medioevo” – “A Casablanca gli angeli non volano” de Mohamed Asli

 

 

Sìnnia, 21.00, Teatru Civicu, Stagioni teatrali 2009-2010 – “Piccioccus” (prima nazionali)

 

 

Casteddu, 21.00, “Spazio Odissea”, proiezioni de “Una questione d’onore” de Luigi Zampa

 

 

Casteddu, 21.00, Teatru Massimo, “Macbeth” – turno B

 

 

Casteddu, 21.00, Crèsia monumentali de Santa Chiara, “L’ultimo Mamuthone” de Gianluca Medas

 

 


Casteddu
, 22.00, Canone inverso, “Amalgama” – recital de poesie e ispettaculu musicali

Rifondazione comunista: Stocchino, " Cabai is manus de s’Asarp e de sa ‘Casamatta’ de Cuartu Sant’Alèni"

(IlMinuto) – Casteddu, 11 de su mes”e totussantus – In su 1999, a pustis de ot’annus de traballu, s’Asarp iat arriciu su Prémiu nazionali po sa solidariedadi de sa Federazioni italiana po su volontariau. De calincuna diri, sa presidenti de s’associazioni, Gisella Tricas, est indagada po s’esercìziu abusivu de sa professioni medica, po mori de un’espostu fattu in su mes”e argiolas de unu psichiatra de s’ispidali Santissima Trinità po sa gestioni de sa domu família “Casamatta”, in Cuartu Sant’Alèni. In difesa de s’esperiènzia de casi bint’annus de s’Asarp est cabau in campu su Prc de sa Federazioni de Casteddu. “‘Casamatta’ – scriri su segretariu federali de ‘Rifondazione comunista’ Giuseppe Stocchino – esti stetia ogetu de dinúnzia de parti de unu médicu de sa Asl de Casteddu. Dinúnzias de matrataméntus a is personas chi funt in sa domu, nonostanti is beríficas fattas de su “Nucleo operativo antisofisticazioni” de is Carabbineris si funt dimostradas senz”e fundamentu”. “Comenti scriri beni chini conòsciri de acanta su chi fait s’associazioni de is familiaris – spiegat s’esponenti de su Prc – ‘Casamatta’ rappresentat un’esémpiu de is possibbilidadis de assistiri is personas totalmenti”. “Bolleus – serrat Stocchino – manifestai solidariedadi a Gisella Trincas, a is familiaris e a is operadoris de s’istruttura, cunvintus ca su diritu a sa saludi, po si podi esercitai, tenit abbisóngiu no scéti de operadoris sanitarius capazzis, ma puru de sa vigilanzia atenta de is familiaris e de chini si serbit de is serbizius”.

Casteddu, in s’Orto botanico una mostra po scoberriri totus is segretus de is cardulinus sadrus

(IlMinuto) – Casteddu, 11 de su mes”e totussantus – Conòsciri is cardulinus de sa Sardigna, sciri riconosciri is cardulinus velenosus de cussus commestibilis e rispettai s’ambienti e su territoriu candu est tempus de ddu su arregolliri. Custus funt is obbiettivus chi ant inspingiu is ispettoris spertus de cardulinus de su Sian-Dipartimentu de prevenzioni de sa Asl de Casteddu a aprontai sa mostra “Funghi della Sardegna” (13-15 de su mes”e totussantus, Orto botanico). S’iniziativa, realizzada cun su patrociniu de s’Assessorau comunali a is “Attività produttive” e de su “Dipartimento di Scienze botaniche” de s’Universidadi de Casteddu, tenit s’iscopu de fai conòsciri a sa popolazioni is arràzas de cardulinus prus diffùndias in Sardigna, cun particulari attenzioni a su latu tossicologicu: po dognia arràza ant essi fattus biri diversus esemplaris in diversus momentus de s’accrescimentu cun totus is informazionis casu po casu (nòmini scientificu, nòmini sadru, velenosidadi o comestibilidadi) . Custu at a permittiri a sa mostra de essi una bera enciclopedia chi dognia visitadori at a podi consultai.

"Vertenza Alcoa": Lai (Pd), "Arrespustas de sa Regioni e de su Guvernu"

(IlMinuto) – Casteddu, 11 de su mes”e totussantus – “Su Partito Democratico de sa Sardigna s’at a movi, puru cun s’agiudu e s’azioni de totus is parlamentaris, consilleris regionalis e rappresentantis de is istituzionis, po fai fronti a sa “vertenza Alcoa”, chi est faendi arriscai su postu de traballu a migliajas de personas”. Est cantu narat cun d’una nota stampa su segretariu regionali de su Pd Silvio Lai. “Su Partito Democratico – sighit Lai – pedit ca s’Esecutivu regionali donit arrespustas sérias a is istanzias presentadas de is traballantis e de is rappresentantis de s’oposizioni”. “Contemporaneamenti – finit s’esponenti democraticu – si pedit de connòsciri comenti e calis iniziativas su Guvernu centrali bollit portai innantis po fai fronti a sa chistioni de sa ‘procedura di infrazione’ oberta de s’Ue”.

"Piano casa": presentaus prus de 100 recursus

(IlMinuto) – Casteddu, 11 de su mes”e totussantus – Funt giai prus de centu is recursus presentaus in diversas sedis contra a sa lei regionali 4 de su 23 de su mes”e ledaminis 2009, mellus connota comenti “Piano casa”. Ddu narat cun d’una nota su “Gruppo di intervento giuridico”. Su 2 de su mes”e totussantus propriu su Gig, impari a is “Amici della Terra”, ant presentau recursu contra a sa lei a facc”e su Guvernu e de sa Commissioni europea.