> 2009 mes’e totussantus 16 | ilMinuto

Archíviu de sa diri 16/11/2009

Apuntamentus de cras 17 de su mes”e totussantus

(IlMinuto) – Casteddu, 16 de su mes”e totussantus -

 

 


 

Frùmini Mayori, finzas a su 30 de su mes”e totussantus, mostra de cardulinus


Casteddu
, Villa Satta, finzas a su 22 de su mes”e totussantus, “Mozambico: le stagioni del futuro” – reportage fotograficu


Casteddu
, finzas a su 29 de su mes”e totussantus, “Cittadella dei Musei”, Rassegna multimedialei “Stanze”

Serrenti, finzas a su 26 de su mes”e totussantus, Ex Mattatoio, rassegna “VideoDanza”


Casteddu
, 9.00, prazza Garibaldi, manifestazioni nazionali contra sa riforma Gelmini

Crabònia, 9.30-17.30-20.00, Saloni Velio Spanu, Rassegna Documé – “Crisalidi” de Mirko Locatelli, “Dall’altra parte del cancello” de Alberto Puliafito

Casteddu, 11.00, Teatru Sant’Eulalia, “Filiberto fantasma inesperto”


Casteddu
, 11.00, via Roma – a facc”e  su Consillu regionali, manifestazioni de is precarius de sa Metropolitana leggera de Cagliari


Tàtari
, 17.00, Biblioteca comunali prazza Tola, dibattidu “Noauto. Per la fine della vciviltà dell’automobile”.

Aristanis, 18.00, Ept, Assemblea de is precarius de s’iscola de Aristanis

Casteddu, 20.30, Teatru club, Rassegna “V3 Valeri, Vitti e Volontè” – proiezioni de “Dramma della gelosia, tutti i particolari in cronaca” cun Monica Vitti

Casteddu, 21.00, “Cineteca sarda”, Rassegna cinema tedescu – “Die Benhurigung” (Rdt, 1981)

"Filippo fantasma inesperto" inaugurat sa stagioni de su teatru po is pipius in su Sant’Eulalia

(IlMinuto) – Casteddu, 16 de su mes”e totussantus – “Io Teatro, tu Teatri, egli Teatra”: est custu su titulu de sa stagioni noa de teatru po pipius organizzada de s’associazioni “il Crogiuolo”. S’iniziativa, chi s’at a tenni in su Teatru Sant’Eulalia de Casteddu, at a pigai su via cras a is 11.00 cun s’ispettaculu “Filiberto fantasma inesperto”. Ispettaculu chi pigat spuntu de su “Fantasma di Canterville” de Oscar Wilde e chi contat is vizendas de unu fantasima chi no arrenescit a passai po is murus. “Filiberto” at bintu su “XXI Festival di Teatro per ragazzi” de Padova.

Sanidadi: Barracciu (Pd), "Is Riformatori insidiant pensamentus po una perdida de dinai falsa"

(IlMinuto) – Casteddu, 16 de su mes”e totussantus – “Sa situazioni de sa sanidadi designada de is “Riformatori” est de parti e senz”e basis beras”. Ddu narat cun d’una nota sa vice-presidenti de sa “Commissione Bilancio” in Consillu regionali Francesca Barracciu. “Est arribbau su momentu – narat s’esponenti de su Pd – chi s’Assessorau de cumpetènzia pongat a disposizioni de is “Commissioni Bilancio e Sanità” is consuntivus de su 2008 (giai aprovaus) e is preconsuntivus de su 2009, ùnicus documentus de is calis si podit cumprendi comenti funt diaderu is nùmerus de sa sanidadi sadra”. “Is Riformatori – finit sa Barracciu – insidiant pensamentus po una perdita de dinai falsa scéti po finiri de pressi una riforma de sa sanidadi fatta cun formas illegittimas e incostituzionalis. Riformas chi, privendi de s’incarrigu is direzionis aziendalis senz’ai fattu una valutazioni de meritu de s’attividadi fatta (…), at a portai a fai cresci meda is ispesas de sa sanidadi”.

Psdaz: Sanna confirmau a sa presidenza

(IlMinuto) – Casteddu, 16 de su mes”e totussantus – Su “Partito Sardo d’Azione” at sceberau sa continuidadi. Su congressu sardista de Arborèa de su 14 a su 15 de su mes”e totussantus at elígiu un’atera borta  a sa carriga de presidenti de su partidu regionali de Tàtari Giacomo Sanna.

"Su rosariu cantadu", is sadrus de su biellesi rinnovant su accappiamentu cun s’Isola de sant’Eusebio

(IlMinuto) – Casteddu, 16 de su mes”e totussantus – Sighit a si rinnovai in is annus s’accappiamentu tra is sadrus de sa zona de Cosseto, in su biellesi, e is melodias de s’Isola insoru. Cenabara 20 de su mes”e totussantus, a is 21.00, in s’oratoriu de Sant’Eusebio in Lessona (Biella), sa comunidadi sadra de sa zona at a intonai “Su rosariu cantadu”. Po s’occasioni su cappellanu don Ferdinando Gallu at a celebrai sa catechesi in lingua sadra: s’accappiamentu tra Sant’Eusebio e su ritu de sa Madonna portat is sadrus de su biellesi a s’agatai periodicamente in is logus dedicaus a su Santu nasciu in s’Isola. Sa serada at a finiri cun su classicu cumbidu fattu cun drucis sadrus.