> 2009 mes’e totussantus 17 | ilMinuto

Archíviu de sa diri 17/11/2009

Apuntamentus de cras 18 de su mes”e totussantus

(IlMinuto) – Casteddu, 17 de su mes”e totussantus -

 

 

Frùmini Mayori, finzas a su 30 de su mes”e totussantus, mostra de cardulinus

Casteddu, Villa Satta, finzas a su 22 de su mes”e totussantus, “Mozambico: le stagioni del futuro” – reportage fotograficu


Casteddu
, finzas a su 29 de su mes”e totussantus, 2Cittadella dei Musei”, Rassegna multimediali “Stanze”


Serrenti
, finzas a su 26 de su mes”e totussantus, “Ex Mattatoio”, rassegna “VideoDanza”


Tàtari
, “Frumetaria”, ultima diri de sa mostra de pintura “Le stanze del maestrale”

Casteddu, 17.30, prazza Repubblica, “Mille piazze per l’Italia, no alle nuove leggi vergona” – manifestazioni contra sa riforma de sa giustizia


Casteddu
, 18.30, Circolu Prc Togliatti, “60 anni di Repubblica popolare cinese: crescita, sviluppo e affermazione del socialismo con caratteritische cinesi” – seminariu di formazioni politica

Guasìlla, 21.00, Teatru Montegranatico, “Clemente Susini ovvero la ricerca dell’eternità” – ispettaculu de sa famiglia d’arti Medas


Casteddu
, 22.30, “Caffé delle Arti”, Acoustic Open mic cun Alessio Pirina e Rubens Massidda

In Casteddu su X Congressu de s’"Associazione italiana di Telemedicina e Informatica medica"

(IlMinuto) – Casteddu, 17 de su mes”e totussantus – De su 20 a su 22 de su mes”e totussantus sa Cittadella universitaria de Casteddu, in Paùli, at a aghilliri su “X Congresso nazionale di Telemedicina e Informatica medica” Sa tres diris esti stetia aprontada de su “Dipartimento di Fisica” de s’Universidadi de Casteddu e de su Crs4.

Casteddu, 600 istudiantis e precarius sfilant po difèndiri s’istruzioni pubblica contra a is taglius fattus de su Guvernu

(IlMinuto) – Casteddu, 17 de su mes”e totussantus – Su 17 de su mes”e totussantus de su 1939, in Cecoslovacchia, centinaias de istudiantis chi si opponiant a sa gherra funti stetius arrestaus e boccius de is nazistas. Oi, a pustis de 70 annus, in Casteddu, comenti in medas ateras cittadis, circa 600 istudiantis de s’Universidadi e de is iscolas superioris ant manifestau – po cussu chi de su 1941 est s’International Students Day – po nai no a is progettus de riforma de s’instruzioni portaus innantis de su Guvernu. Is manifestantis, partius de prazza Garibaldi, funt arribbaus in via Roma a mangianu tradu, blocchendi su tràvigu de una de is prus importantis vias de sa cittadi. A sa manifestazioni ant partecipau s’”Udu”, su “Movimento studentesco” casteddaiu, is organizzazionis de is giòvanus de su Prc e de su PdCi, su collettivu Entula Arrubia e su “Comitato precari della scuola” de Casteddu. Is precarius de s’iscola, chi ant contestau àncora po una borta s’accordu Baire-Gelmini a facc”e sa sedi de su Consillu regionali, ant a presentai cenàbara a merì (a is 16.00, Cineteca sarda) un’iniziativa noa de lota: una petizioni populari po difèndiri s’iscola pubblica.

Master and Back: in Tàtari e Paùli atóbius informativus po is back

(IlMinuto) – Casteddu, 17 de su mes”e totussantus – Dùbbius chi riguardant sa partecipazioni a is back de su progettu Master and Back? S’”Agenzia regionale per il Lavoro” at aprontau duus atóbius informativus pubblicus (Tàtari, 19 de su mes”e totussantus, a is 15, aula A de sa Facultadi de Scienze Matematiche e Fisica – Paùli, 20 de su mes”e totussantus, a is 15, aula magna “Alberto Boscolo” de sa Cittadella universitaria de Paùli) obertus a totus cussu chi bollint participai. “Is participantis – si podit liggiri in d’una nota uffiziali – in su cursu de s’atóbiu ant a podi fai dimandas. A is dimandas de interessi generali ant essi donadas arrespostas pubblicas. Ant essi in funzioni puru puntus informativus po donai informazionis diversas de casu a casu a is partecipantis”.

Cuncursu on line de fotografia, po circai s’Europa cun Aegee

(IlMinuto) – Casteddu, 17 de su mes”e totussantus – Pòniri in evidénzia is logus prus bellus de is cittadis europeas, is momentus prus istravagantis de is viàgius estivus e sa fantasia chi podit fai arti pura partendi de una latina. Est custu s’obbiettivu de su cuncursu fotograficu “Finding Europe with Aegee” (Agatai s’Europa cun s’Aegee). Sa partecipazioni a is cuattru categorias “Glimpes of City”, “Crazy moments”, “Summer tripas” e “Can Shot” est oberta a totus is istudiantis universitarius e, in generali, a is giòvanus tra is 18 e is 35 annus: est possìbili mandai is fotografias e s’iscriri a su cuncursu intru su 20 de su mes”e totussantus. Is fotografias ant a benni pubblicadas in su situ www.aegeecagliari.com/photochallenge e suttapostas a su votu on line. At essi su pubblicu de Internet a elígiri is bincidoris po is cuattru categorias in gara. Una giuria qualificada de s’”Istituto europeo di Design” – tra is sponsors de s’iniziativa – at a donai su “Premio della Critica”. Sa fotografia chi at a binci su cuncursu at essi in veci “incoronada” de sa giuria interna de “Aegee Cagliari” in basi a is prinzipius de sa multiculturalidadi, de sa misura europea e de sa mobilidadi de is istudiantis. S’iniziativa esti stetia aprontada cun s’agiudu de s’Universidadi de Casteddu e de s’Ersu.