> 2009 mes’e totussantus 18 | ilMinuto

Archíviu de sa diri 18/11/2009

Apuntamentus de cras 19 de su mes”e totussantus

(IlMinuto) – Casteddu, 18 de su mes”e totussantus -

 

 

 

Frùmini Mayori, finzas a su 30 de su mes”e totussantus, mostra de cardulinus

 

Casteddu, finzas a su 22 de su mes”e totussantus, “Villa Satta”, “Mozambico: le stagioni del futuro” – reportage fotograficu

 

Casteddu, finzas a su 29 de su mes”e totussantus, “Cittadella dei Musei”, Rassegna multimediali “Stanze”

 

Serrenti
, finzas a su 26 de su mes”e totussantus, “Ex Mattatoio”, rassegna “VideoDanza”

 

Casteddu, 19-21 de su mes”e torussantus, “Il Lazzaretto”, VII edizioni de “Imperfetto futuro – art in progress” – progettu de Wanda Nazzari

 

Serramanna, 17.30, Biblioteca comunali, presentazioni de “Made in Sardinia”

 

Casteddu, 18.00, Libreria Murru, rassegna “Incontri d’autore” – arrejonamentus de Gianni Mascia e Paola Alcioni po chistionai de su “Volo dei gabbiani e la libertà”

 

Casteddu, 19.00, “Spazio Odissea”, rassegna “Attorno al cinema italiano del dopoguerra” – proiezioni de “Il cammino della speranza” de Pietro Germi

 

Casteddu
, 19.30, “Cineteca sarda”, rassegna “Oriente e Occidente: spazi geografici e spazi simbolici” – Proiezioni de “La samaritana” (Corea del Sud, 2004)

 

Casteddu, 21.00, Crèsia de Santa Chiara, “Clemente Susini ovvero La Ricerca dell’Eternità” – contu musicali

Cìrculu Su Nuraghe de Biella: appuntamentu cun sa tombola de attòngiu

(IlMinuto) – Casteddu, 18 de su mes”e totussantus – Appuntamentu de no pèrdiri sabudu 21 de su mes”e totussantus in su Cìrculu culturali sadru “Su Nuraghe” de Biella: a is 21, in via Galilei, s’at a tenni sa tombola de attòngiu. In paliu ddoi ant essi centinaias de premius.

Traballu: is precarius de su Comunu de Casteddu, "sua Podestà" no applicat is leis regionalis po sa stabilizzazioni

(IlMinuto) – Casteddu, 18 de su totussantus – “Lavoro stabile subito”. Cun custus tres fueddus s’oberrit su volantinu distribuiu de is traballantis precarius de su comunu de Casteddu ariseru a merì, candu ant manifestau a facc”e sa sedi de su Comunu, aundi ddoi fiat riuniu su Consillu. Is 70 traballantis – in calincunu casu cun 25 annus de serbiziu “precariu ma continuu” po s’amministrazioni comunali – no tenint nesciuna intenzioni de mollai. Nonostanti s’isbarazzamentu de su presidiu de via Roma, fattu cun sa forza cida passada, is traballantis sighint a pediri a su sindigu, Emilio Floris, e a s’assessori de su “Personale”, Giuseppe Farris, de applicai sa lei regionali n.3 de su 7 de su mes”e austu 2009. Seus is precarius e is disoccuppaus de is cantieris comunalis, chi in basi a sa normativa regionali noa tenint is requisitus po essi stabilizzaus”. “Protestaus – nant – contra a cust’amministrazioni, poita no tenit nesciuna intenzioni de si stabilizzai. No si bolllint stabilizzai e no bollint oberriri is cantieris comunalis, cantieris chi donant de traballai a medas personas: poita “sua Podestà” dezzidit de no applicai is leis regionalis, unas centina de familias casteddaias ant a podi biviri scéti cun su sussidiu de is serbizius sozialis”.

Premius: Cuartu Sant’Alèni, sa III edizioni de su cuncursu tra cantadoris "Su Mutetu"

(IlMinuto) – Casteddu, 18 de su totussantus – Promòviri sa tutela e sa valorizzazioni de una de is tradizionis musicalis prus conotas, cussa de s’improvisada de is cantadoris campidanesus. Est custu s’obbiettivu de sa III edizioni de su premiu letterariu in lingua campidanesa “Su Mutetu”, boffiu de s’amministrazioni comunali de Cuartu Sant’Alèni. Dognia autori podit presentai finzas a quattru operas, chi no funt stetias giai premiadas in aterus cuncursus. Sa diri ultima po sa consigna de is componimentus est su 4 de su mes”e paschixèdda. Si previdit  premius de dinai. Po ndi sciri de prus: www.comune.quartusantelena.ca.it

Vertenza Alcoa: Lai (Pd), "Sa batalla de is traballantis est sa batalla de su Partidu"

(IlMinuto) – Casteddu, 18 de su totussantus – Is parlamentaris de su “Partito Democratico” funt impari a is traballantis de s’Alcoa chi custu mangianu manifestant a facc”e sa sedi de su ministeru de s’”Industria”. Ddu comunicat cun d’una nota stampa su segretariu regionali de su Pd Silvio Lai. “Sa batalla de is traballantis de s’Alcoa – scririt Lai – est sa batalla de su “Partito Democratico”. Salvai is traballantis de su polu industriali de Portovesmi est cosa meda importanti no scéti po su Surcis Igresienti, ma po s’economia de totu sa Sardigna”.