> 2009 mes’e totussantus 19 | ilMinuto

Archíviu de sa diri 19/11/2009

Apuntamentus de cras 20 de su mes”e totussantus

(IlMinuto) – Casteddu, 19 de su mes”e totussantus -

 

 

 

 
Frùmini Mayori, finzas a su 30 de su mes”e totussantus, mostra de cardulinus

 

Casteddu, finzas a su 22 de su mes”e totussantus, “Villa Satta”, “Mozambico: le stagioni del futuro” – reportage fotograficu

 
Casteddu
, finzas a su 29 de su mes”e totussantus, “Cittadella dei Musei”, Rassegna multimediali “Stanze”

 

Serrenti, finzas a su 26 de su mes”e totussantus, “Ex Mattatoio”, rassegna “VideoDanza”

 
Casteddu, 19-21 de su mes”e totussantus, “Il Lazzaretto”, VII edizioni de “Imperfetto futuro – art in progress” – progettu de Wanda Nazzari

 
Casteddu, 20-22 de su mes”e totussantus, European Jazz Expò – XXVII Jazz in Sardigna

 

S’Alighera, 11.00, parcu tecnologicu de Porto Conte, seminàriu po chistionai de “Innovazione nelle birre artigianali”

 

Casteddu
, 16.30, Parcu de Monte Claro, “Pagine di scienza. Leggere il mondo con lenti di carta”. Atóbiu cun Emiliano Ricci, autori de “La fisica in casa”

 

Firenzi, 17.45, libreria-café La Citè, dibattidu po chistionai de su tema “From Sardinia to the world: economia e benessere”

 

Casteddu
, 18.00, T Hotel, dibattidu de s’opposizioni in Consillu regionali po chistionai de sa Finanziaria e su “Piano di Sviluppo regionale”

 

Santu Sperau
, 19.30, Biblioteca comunali, rassegna cinematografica – proiezioni de “Storie d’armi e di piccoli eroi”

 

Igrèsias, 20.00, “Centro giovanile” Santa Barbara, Inoki & Fadamat – ispettaculu musicali

 

Casteddu, 20.30, “Cineteca Sarda”, rassegna “La passione civile nel cinema di Francesco Rosi” – proiezioni de su film “Il caso Mattei” cun presentada de Gianni Olla

 

Casteddu
, 20.30, Teatru Lirico, Orchestra e Coro de su Teatru Lirico – serada dedicada a sa música de Franz Joseph Haydin

 

Serrenti, 21.00, Teatru Civico, “Top secret” – ispettaculu de “teatrodanza”

 

Casteddu
, 21.00, Teatru Riverrun, “Storia di un disertore” – omaggiu a Boris Vian

Vertenza Alcoa: Prc, po nudda bellas su chi at fattu a pulizia

(IlMinuto) – Casteddu, 19 de su mes”e totussantus – “S’acórdiu fattu ariseru in Roma cun su ministeru de is “Attività produttive” po sa continuidadi de sa produzioni de s’allumìniu in s’istabilimentu de s’Alcoa de Portovesmi at a portai certamenti, si is impegnus e is percursus chi funti stetius istabilius ant essi sighius, unu pagu de respiru, no scéti po is traballantis de sa produzioni, ma po su territoriu intrèu, chi sufrit de unu collassu in su settori econòmicu e in cussu de s’ocupazioni. Ddu narant cun d’unu cumunicau su segretariu regionali de su Prc, Gianni Fresu, e su responsàbbili regionali de su “Dipartimento Lavoro” de Rifondazione comunista, Vittorio Macrì. “S’ùnica nota istonada – si podit liggiri in sa nota – esti stetiu su comportamentu de sa pulizia. Comenti Partidu de sa “Rifondazione comunista” pensaus ca no siant po nudda bellas ca a facc”e sa dimanda de traballu e a facc”e sa circustànzia tragica de is traballantis si possat arrespundi cun is corpus de sa pulizia”.

"Pagine di scienza": totus a lezioni de Fisica in su Parcu de Monte Claro

(IlMinuto) – Casteddu, 19 de su mes”e totussantus – Est possibili fai accostai a is operas de scienzia chini liggit. Est custa sa convinzioni chi at ispintu sa Biblioteca Provinziali de Casteddu a aprontai po su secund”annu is atóbius “Pagine di scienza. Leggere il mondo con lenti di carta”. S’iniziativa s’at a oberri cras in sa sala de is confèrenzias de su Parcu de Monte Claro (16.30) cun sa presentazioni de su liburu, iscrittu cun d’unu linguàggiu accessibili a is prus, “La fisica in casa” de Emiliano Rossi, chi at presenti po s’atóbiu. Sa manifestazioni esti stetia ideada de su giornalista scientificu Andrea Mameli, in collaborazioni cun su comitau “Scienza Società Scienza”.

Alcoa: s’istabilimentu de Portovesmi no at a serrai. Ddu narat Cappellacci

(IlMinuto) – Casteddu, 19 de su mes”e totussantus – S’istabilimentu Alcoa de Portovesmi no at a serrai. Dd’at nau ariseru in Roma su presidenti de sa Regioni, Ugo Cappellacci, a sa fin”e s’atóbiu cun su ministru de su “Sviluppo economico”, Claudio Scajola, e ddu scririt in d’una nota su situ istituzionali de sa Regioni Sardigna. Sa Commissioni- www.regione.sardegna.it usat su cundizionali – “at a podi decidi de abasciai sa sanzioni fatta a s’azienda po is agiudus chi cuss”e totu at donau in sa furnidura de energia elettrica, faendiddi pagai su préziu prus basciu tra cussus previdius de sa normativa comunitaria”. De s’amministradori delegau de s’Alcoa – si podit ligiri in s’artículu on line – funt arribbadas finànzas po torrai a ponni in motu s’attividadi de sa multinazionali de s’allumíniu in Sardigna. Ma, a is fueddus, in custu momentu, no sighint is fattus, difatis no ddu est nesciunu acórdiu scrittu. Is traballantis de s’Alcoa, chi in su mangianu de ariseru iant manifestau in Roma – pighendi puru calicunu corpu de manganellu de parti de sa Pulizia – ant aghilliu s’ésitu de s’atóbiu cun cumprensìbili satisfazioni.

Seminàrius: in S’Alighera po imparai totus is segretus de is birras artigianalis

(IlMinuto) – Casteddu, 19 de su mes”e totussantus – Ita tipu de maltu e de lúpulu usai po fai un’ottima birra artigianali? Comenti prevènniri s’imbruttamentu de micrubus in su cursu de su traballamentu? A custas e a ateras dimandas at a rispondi su seminàriu “Innovazione nelle birre artigianali” in programma cras in S’Alighera in su parcu tecnologicu de Porto Conte (11.00-17.00). Is traballus ant essi obertus de sa lezioni de Flavio Boero (Ufficio qualità della Carlsberg Italia) chi at a chistionai de su tema “Le materie prime nella produzione della birra artigianale”. A su merì (15.00) su maistu Stefano Buiatti at a chistionai in veci de s’importànzia de sa “sanificazione” in sa produzioni de sa birra.